Կոմիտաս վարդապետ Հովնանյանը՝ Ամենայն Հայոց Կաթողիկոսի մասին
ԲԼՈԳԱմենայն Հայոց Կաթողիկոս Ն.Ս.Օ.Տ.Տ. Գարեգին Բ-ն դարձավ 66 տարեկան: Այդ կապակցությամբ Կոմիտաս վարդապետ Հովնանյանն իր ֆեյսբուքյան էջում գրել է.
«Ո՜վ Տեր Աստված երկար կյանք տուր Հայրապետին, երկար օրեր Հայոց Հոր... Ահա այս աղոթքն էր վեր խոյանում դեպի Հայրը մեր երկնավոր, քանզի ողջ միաբանությունը Մայր Աթոռի, միատեղ և միաշունչ տոնում էր ծննդյան օրը Հայոց Հայրապետի։ Երկու տարեթիվ ամբողջացնում էին մի կյանքի ապրած և գործած տարիները։ Այսօր լրացավ 66-րդ ամյակը Հայրապետի ծննդյան, իսկ այս տարի կբոլորվի 18-րդ տարին Հայրապետի գահակալության։ Շատ հայրապետներ կերազեին հայ եկեղեցու և ժողովրդի համար այնքան կառույցներ վեր խոյացնել, որք ան բարձրացան այս տարիների ընթացքում։ Դրանք միայն եկեղեցիներ չէին, դրանք հայորդաց տներ էին, ուր կերտվում էր մեր մանուկների հոգին, դրանք ծնողազուրկ երեխաների խնամքի կենտրոններ էին, ուր ամեն ինչ արվում էր նրանց հոգին և միտքը ձևավորելու, ուր կաղապարվում է էությունը այսօրվա և վաղվա հայ հավատացյալ մարդու։ Ահա սա է այն ամփոփ կենսագրականը 66 ամյա Հայոց Հայրապետի, որի անունն է Գարեգին Երկրորդ Շինարար Կաթողիկոս։ Վստահ եմ, որ ամեն մեկ հավատացյալ հայի շուրթերից այսօր վեր խոյացավ աղոթքը խնկաբույր առ բարձյալն Աստված, որ Հայրը Երկնավոր արևշատ օրեր պարգևի նրան, Բանն Աստուծո խոսքին զորություն պարգևի նրա , իսկ մխիթարիչ Սուրբ Հոգին Աստված տեսիլք պարգևի հոգևոր Հորը Հայ Առաքելական Սուրբ Եկեղեցու, որ տեսլականով լեցված մեր Վեհը, շունչ, կենդանություն և սիրո ոգի սփռի չորս բոլոր, թե Դրախտավայր Հայոց աշխարհում և թե ամեն ուր, որտեղ մի հայ կա ապրող սփյուռքում»։