Գագիկ Ծառուկյանի ավանդը Հայաստան-Սփյուռք փոխհարաբերությունների ամրապնդման գործում
ԲԼՈԳԴավիթ Բերբերյանը իր ֆեյսբուքյան էջում գրում է.
Այս օրերին ընթացող Հայաստան-Սփյուռք համաժողովը նպատակ ունի ամրապնդել Հայաստանի և Սփյուռքի կապերը, օգտագործել Սփյուռքի ներուժը Հայաստանի զարգացման համար։ Սա հասկանալի է, սակայն սա նաև այն դեպքն է, երբ գործը չպետք է սահմանափակվի միայն համաժողովներով, ժողովներով, քննարկումներով, դրանցում հնչող ելույթներով և վերջ։
Պետք են կոնկրետ քայլեր, որոնք կարող են ապացուցել, որ Հայաստան-Սփյուռք կապը իրական է և իր տակ ունի ոչ թե ճառեր ու ելույթներ, որոնք մի քանի օրից մոռացվելու են, այլ ամուր հող։
Հենց նման քայլերից մեկն արել է Գագիկ Ծառուկյանը, օրեր առաջ ընդունելով Հայաստանի բուհերում սովորող լիբանահայ ուսանողների արդեն երկրորդ հոսքին։ Դեռևս Լիբանան կատարած առաջին այցի ժամանակ՝ հայ համանյքի հետ հանդիպման ընթացքում Գագիկ Ծառուկյանը խոստացավ աջակցել այն լիբանանահայ ուսանողներին, ովքեր ցանկություն կհայտնեն կրթություն ստանալ հայրենիքում։
Իհարկե սփյուռքահայերին, և ընդհանրապես Սփյուռքի հայ համայքներին սա Ծառուկյանի կողմից տրվող առաջին օգնությունը չէ։ Մինչ այդ եղել են բազմաթիվ հանդիումներ Քուվեյթի, Իրանի, Լիբանանի և Լոնդոնի հայ համայքների հետ, լուծում են տրվել բոլոր համանյքներին հուզող բազմաթիվ կենսական հարցերի։ Լիբանանահայ ուսանողներին տրվող այս օգնությունը ընդամենը մեկն է այս շարքում։
Պարզապես այս օգնությունը հատկապես խորհրդանշական է այժմ զուգահեռ ընթացող Հայաստան-Սփյուռք համաժողովին։ Համաժողովում բոլոր պաշտոնյաները կոչ են անում Սփյուռքի ներկայացուցիչներին գալ Հայաստան, ներդրումներ անել և այլն, սակայն չկա մեկը, որն ինքը փորձի օգնության ձեռք մեկնել Սփյուռքին։ Այնինչ Հայաստան-Սփյուռք համագործակցությունը պետք է լինի երկկողմանի և ոչ թե միակողմանի։
Գագիկ Ծառուկյանը իր գործունեությամբ հենց այդ օրինակն է ցույց տալիս։ Հասկանալի է, որ օգնության ձեռք մեկնելով լիբանահահայ ուսանողներին՝ Գագիկ Ծառուկյանը նաև ամրապնդում է Հայաստան-Սփյուռք կապը, քանի որ Հայաստանում ուսման հնարավորություն ստանալով՝ սփյուռքահայ երիտասարդը այստեղ ստեղծում է կապեր, սովորելուն զուգահեռ՝ նաև աշխատում և ավելի կապվում հայրենիքին։ Իսկ դա այսօր ամենաշատ ցանկալի ներգաղթի նախապայմանն ու գրավականն է։
Հենց սա էլ փաստում է, որ նմանատիպ արարքների հիմքը հայրենասիրությունն է։