Նիկոլ Փաշինյանը ներկայացնում է 100 նոր փաստ Հայաստանի մասին ... ՔԱՂԱՔԱԿԱՆ
ԱԺ-ն ընդունեց ԱԱԾ և ոստիկանության պետերի պաշտոնները քաղաքակա... ՔԱՂԱՔԱԿԱՆ
Արսեն Թորոսյանը Մանվել Գրիգորյանի գործով մատնված է հանցավոր ... ՔԱՂԱՔԱԿԱՆ
Նավթի համաշխարհային գներն աճում են ՏՆՏԵՍՈՒԹՅՈՒՆ
Սուրեն Պապիկյանը մեկնել է Ավստրիա. Նա Վիեննայում ներկա կլինի... ՏՆՏԵՍՈՒԹՅՈՒՆ
Երևան, 17.Սեպտեմբեր,
00
:
00
:
00
Փոխարժեք
478.65
$
560.79
Նոր մանրամասներ Երեւանում տեղի ունեցած խոշոր վթարից․ 6 վիրավորներից մեկը ոստիկանության մայոր է Արարատի մարզում ողբերգական վթարից մահացածները առեւտրով էին զբաղվում, ընտանիքի հայրն էլ ՌԴ-ում է Երևանում բախվել են Hyundai-ն և առանց համարանիշի մեպեդը. վերջինը կողաշրջվել է. կա տուժած. Shamshyan.com Կրիշտիանու Ռոնալդուն հարցազրույցի ընթացքում հանգուցյալ հոր տեսանյութը դիտելիս չի կարողացել զսպել արցունքները ԱԳ նախարար Մնացականյանը եւ Լիտվայի վարչապետը մտքեր են փոխանակել ԵՄ համաձայնագրի շրջանակում գործակցության շուրջ Հայտնաբերվել է որպես անհետ կորած որոնվող 80-ամյա տղամարդու դիակը Բռնցքամարտի ԱԱ. Դարչինյանը դուրս եկավ քառորդ, Հովհաննիսյանը՝ 1/8 եզրափակիչ Երևանում վարորդը ավտոմեքենայով վրաերթի է ենթարկել հետիոտնին. վերջինս ԲԿ-ում մահացել է. Shamshyan.com Գերմանիան կերկարաձգի Սաուդյան Արաբիա զենքի արտահանման մորատորիումը Ձորում մի տղայի ուզեցել են թալանել եւ վնասել են. նրան դանակահարել են Ծաղկի սրահում տղամարդը հուշանվեր թղթադրամ էր իրացրել Երևանյան բնակարանում դի է հայտնաբերվել Մեզ պետք չէ մերձարեւելյան նավթ եւ գազ. Թրամփ

Հայությանը միավորող նոր օղակ. Երևանում անցկացվեց Նաիրի համահայկական երաժշտական փառատոնը

 Նաիրի համահայկական երաժշտական փառատոնը հավակնում է դառնալ համայն հայությանը  միավորող նոր օղակ: Այս մասին փառատոնի մրցանակաբաշխության ու մրցանակակիրների մեծարման հանդիսավոր արարողությանն ասաց ՀՀ մշակույթի նախարար Արմեն Ամիրյանը: Միջոցառումը տեղի ունեցավ սեպտեմբերի 20-ին Արամ Խաչատրյան համերգասրահում Հայաստան-Սփյուռք համաժողովի շրջանակում: Ներկա էին մեծանուն սփյուռքահայեր, համահայկական կառույցների ղեկավարներ, արվեստի տարբեր ոլորտների ներկայացուցիչներ:

«Այս օրերին անցկացվում է նաև Հայաստան-Սփյուռք համաժողովը, որը մեր համահայկական միավորման գործնական միավորումն է, իսկ այս փառատոնը զգացական»,-«Արմենպրես»-ի հաղորդմամբ` նշեց նախարարը և ներկաներին կոչ արեց ձեռք-ձեռք բռնել ու ասել, որ իրենք հայ են ու իրենց հայրենիքը  Հայաստանն է:

ՀՀ սփյուռքի նախարար Հրանուշ Հակոբյանն ասաց, որ իրենք ցանկանում են  գնահատանքի խոսք ուղղել մեր երաժշտարվեստի հսկաներին, որոնք իրենց գործունեությամբ, իրենց ստեղծագործություններով խորհրդանշում են հայ ժողովրդին: Մարդիկ, ովքեր իրենց ձեռքով, իրենց երգով մեր ավանդական, ազգային երաժշտությունը համամարդկային են դարձրել:

Փառատոնի գլխավոր նպատակը հայ երաժշտության զարգացման գործում մեծ ավանդ ունեցող ականավոր գործիչներին արժևորելն ու նրանց առաջ խոնարհվելն է: Այն նպատակ ունի ընդարձակել մշակութային կապերը, ամրապնդել միջանձնային հարաբերությունները Հայաստանի, Արցախի և Սփյուռքի միջև, օժանդակել ժամանակակից հայ երաժշտության զարգացմանն ու հանրահռչակմանը:

Մրցանակաբաշխությանը մեծարման արժանացան փառատոնի գլխավոր մրցանակակիրներ ԽՍՀՄ ժողովրդական արտիստ, խմբավար Հովհաննես Չեքիջյանը, ՀՀ ժող. արտիստ, դաշնակահարուհի Սվետլանա Նավասարդյանը, ՀՀ արվեստի վաստակավոր գործիչ, սաքսոֆոնահար Ալեքսանդր Զաքարյանը, ՀԽՍՀ ժողովրդական արտիստներ դուդուկահար Ջիվան Գասպարյանը, կոմպոզիտոր Վլադիլեն Բալյանը, ժողովրդական երգիչ Ռուբեն Մաթևոսյանը, թավջութակահար Մեդեա Աբրահամյանը, քանոնահարուհի Անժելա Աթաբեկյանը, ՀՀ ժողովրդական արտիստ, օպերային երգիչ Բարսեղ Թումանյանը, ժողովրդական վարպետ, դհոլահար Գագիկ Հախվերդյանը:

Հատուկ մրցանակների արժանացան ՀՀ վաստակավոր արտիստ դուդուկահար, Գեորգի Մինասովը, թավջութակահար Նարեկ Հախնազարյանը , ՀՀ արվեստի վաստակավոր գործիչ, երաժշտագետ Ալինա Փահլեվանյան, ՀՀ ժող. Արտիստ Սուրեն Գյանջումյանը:

«Իմ ողջ ստեղծագործական կյանքում հազարավոր անգամներ համոզվել եմ, որ հայ երգարվեստը հաղթանակող է, և այն կամրջում է Հայաստանը Սփյուռքի հետ: Հետևաբար` այս փառատոնն  ինձ համար շատ կարևոր նշանակություն ունի: Այն մեզ գնահատելու յուրօրինակ ձև է: Անչափ շնորհակալ եմ իմ ընկերներին, իմ ժողովրդին, որն այսքան տարի ինձ պարտադրել է խոնարհվել իր առաջ: Շնորհակալ եմ այս փառատոնի կազմակերպիչներին, ովքեր նկատեցին իմ 56 տարվա համեստ գործունեությունը»,-նշեց ժողովրդական երգիչ Ռուբեն Մաթևոսյանը:

Դհոլահար Գագիկ Հախվերդյանի խոսքով` ինքն իսկապես ուրախ է, որ իրեն հիշել ու գնահատել են: «Խորհրդային միության տարիներին մասնակցել եմ տարբեր մրցույթների ու բարձր գնահատանքի արժանացել: Շուշիի ազատագրումից հետո եղել եմ Շուշիում:  Թուրքի թողած դհոլը վերցրեցի ու սկսեցի քոչարի  նվագել: Դա իմ կյանքի ամենահուզիչ պահերից է եղել: Երջանիկ եմ նաև այսօր: Ուզում եմ շեշտել, որ եղել եմ աշխարհի հարյուրից ավելի երկրներում և փաստել, որ Հայաստանի նման երկիր չկա»,-ընդգծեց նա:

Փառատոնի համերգային ծրագրում ելույթ ունեցան Հայաստանի ազգային ակադեմիական երգչախումբը, Գյումրիի պետական սիմֆոնիկ նվագախումբը,  «Դուդուկներ» երաժշտախումբը: Փառատոնի հատուկ հյուրն անվանի կոմպոզիտոր, դաշնակահար «Օսկար»-ի եռակի, «Գրեմմի»-ի հնգակի և «Ոսկե գլոբուս»-ի դափնեկիր Միշել Լեգրանն էր, ում հատուկ մրցանակ հանձնվեց:

«Նաիրի» փառատոնն անցկացվեց ՀՀ Նախագահ Սերժ Սարգսյանի բարձր հովանու ներքո: Այն նախաձեռնել և կազմակերպել են ՀՀ սփյուռքի և մշակույթի նախարարությունները՝ «Նաիրի» հիմնադրամի և Հայաստանի կոմպոզիտորների միության հետ համատեղ: 

 

 

website by Sargssyan