Շրջանակային համաձայնագրի խոչընդոտները իրակա՞ն են
ՎԵՐԼՈՒԾԱԿԱՆՇատ է խոսվում այն մասին, որ ԵՄ հետ շրջանակային համաձայնագրի ստորագրմանը խանգարող հանգամանքներ կան: Չի խոսվում, թե կոնկրետ ինչ հանգամանքներ: Մեկ դրանք վերաբերում են համաձայնագրի տեքստի թարգմանությանը, որի պատճառով, իբր, ԵՄ անդամ երկրները չեն կարողանում ծանոթանալ համաձայնագրին: Մեկ էլ որպես խոչընդոտ բերվում է ընտանեկան բռնության դեմ պայքարի սկանդալային նախագիծը:
Մեծ հաշվով, սակայն, որևէ ռեալ խոչընդոտ չի կարող լինել, քանի որ համաձայնագիրն արդեն նախաստորագրվել է: Այսինքն, եթե կան դժվարություններ, ապա միայն տեխնիկական: Բովանդակային իմաստով դրանք չկան ի սկզբանե, այլապես համաձայնագիրը չէր նախաստորագրվի:
Այլ հարց է, որ համաձայնագրի ստորագրմամբ չհշագրգռված խմբեր փորձում են լարել իրավիճակը և հավելյալ ճնշում գործադրել առանց այդ էլ ռուսական վախը սրտներում ապրող հայաստանյան իշխանություններին: Ինչ-որ չափով դա ստացվում է: Բայց արդյոք կստացվի ամբողջությամբ, թե ոչ, կերևա միայն այն պահին, երբ կա համաձայնագրի վավերացման վերջնական պահը:
Սարգիս Մեսրոպյան