Պատվե՞ր, թե՞ «աբիժնիկություն»
ՎԵՐԼՈՒԾԱԿԱՆՏիգրան Հովհաննիսյան անունով մեկը, որոշել էր անդրադառնալ Առինջ մոլի առևտրականների բողոքին, իբր քննադատել այդ բողոքը ՝ թիրախում ունենալով Գագիկ Ծառուկյանին: Ինչու հենց Ծառուկյանին: Որովհետև ժամանակին Հովհաննիսյանը ՝ավտոներկրողների լիգայի անվան ներքո հայտնվել էր Ծառուկյանի ուշադրության կենտրոնում, ու հուզմունքից այնքան էր խառնվել, որ իրեն թվացել էր թե Ծառուկյանն ընդունել է միայն իրեն, այլ ոչ թե խնդիր ունեցող քաղաքացիների խմբի:
Ծառուկյանի ակտիվ գործունեությանը հետևողները գիտեն, թե ինչքան հագեցած է ԲՀԿ առաջնորդի գրաֆիկը, ինչքան շատ են հանդիպումները թե երկրի ներսում, թե երկրից դուրս: Ինչքան շատ խոցելի սոցիալական խմբեր են ամեն անգամ դիմում Ծառուկյանին: Սակայն, տխրահռչակ Տիգրան Հովհաննիսյանին, ով ժամում 120 կմ արագությամբ դիրքորոշում է փոխում, թվացել է, թե հայտնվելով Ծառուկյանի մոտ, նա պիտի առանձնահատուկ ու անհատական ուշադրության արժանանար:
Երբ Հովհաննիսյանի ամբիցիոզ հոգում հյուսված երազները չեն իրականացել, նա որոշել է այս անգամ հարցին մոտենալ այլ տեղից: Արդեն համապատասխան պատվերի ու սրտում ՝ իր իսկ կողմից հյուսված, այնուհետ ձախողած երազանքների ֆոնին որոշել է այժմ էլ քննադատել Առինջ մոլի առևտրականներին: Միայն պատվեր անվանելն այս ամենը չի կարելի, սա նաև պարզ մարդկային «աբիժնիկություն» է:
Ինչևէ. Հովհաննիսյանի բարբաջանքինք չէինք անդրադառնա, եթե չլիներ Առինջ մոլի առևտրականների ազնիվ բողոքի դրսևորումը: Գագիկ Ծառուկյանը նոր չէ քաղաքական կյանքում, իսկ Հովհաննիսյանի բարբաջանքն առաջին պատվերը չէ նրա դեմ: Քանի դեռ Ծառուկյանն ակտիվ է, այդպիսի պատվերներ շատ են լինելու: Բայց Առինջ մոլի առևտրականներին «կպնելով» Հովհաննիսյանն ու իր պատվիրտուները պարզապես իրենց ստորաքարշությունն են ի ցույց դրել:
Առևտրականները պաշտպանում են իրենց իրավունքները. դա օրինակելի քայլ է, քաղաքացիական բարձր գիտակցության դրսևորում: Բացի այդ, զուտ մարդկային առումով, առևտրականները պաշտպանում են նաև իրենց ապրելու ու արարելու իրավունքը: Այսքանից հետո ինքներդ դատեք ՝ ինչպիսի մարդ է Տիգրան Հովհաննիսյանը, որ իր հերթական դիրքորոշման փոփոխությունն ու պատվերը փորձում է կատարել առևտրականների արժանապատիվ բողոքը քննադատելով:
Արսեն Ոսկանյան