Փաշինյանի հայտարարության ցավոտ կողմը
ՎԵՐԼՈՒԾԱԿԱՆԱնցնող շաբաթվա խորհրդանական նստաշրջանը աչքի չընկավ առանձնապես կարևոր քննարկումներով: Հերթապահ հարց ու պատասխան, քվեարկությունների մեջ աչքի ընկավ միայն Փաշինյանի այն հայտարարությունը, թե քանի դեռ մարդիկ ընտրակաշառք են վերցնում ու ՀՀԿ-ին ընտրում, ուրեմն վատ են ապրելու:
Այս հայտարարությունը, ինչպես նաև նմանատիպ բովանդակությամբ այլ հայտարարություններ, որոնք հնչել էին Փաշինյանի շուրթերից նախկինում, արժանացել են քննադատություններին: Քննադատությունների թիրախում Փաշինյանը հայտնվել է այն պատճառով, որ, ըստ նրա ընդդիմախոսների, ընդդիմությունն իրավունք չունի նախատել ժողովրդին ու ինքը պետք է ելքեր ցույց տա:
Որոշակի օբյեկտիվ տարրեր այս քննադատության մեջ բնականաբար կան: Բայց միայն որոշակի: Մեծ հաշվով, սակայն, Փաշինյանի հայտարարությունը հետևանք է, ոչ թե պատճառ: Պատճառն ավելի խորն է ՝ իշխանության և պետության հիմքում ընկած: Այն պայմաններում, երբ քաղաքական պրոցեսները ընթանում են միայն իշխանության ներսում, ընդդիմությունն այլ անելիք, քան հանդես գալ նմանատիպ հայտարարություններով չունի: Թասիբի քցելը մնում է իշխանության միակ ելքը:
Սա է նաև պատճառը, որ Փաշինյանը անընդհատ փորձում է սև կատու փնտրել Կարապետյանի ու Սարգսյանի արանքում, որովհետև միայն իշխանական պառակտման դեպքում նա կկարողանա որպես ընդդիմադիր դրսևորվել:
Արտակ Ասլանյան