Խոստանում է մինչ տարեվերջ լուծել աշխատավարձերի ուշացման խնդի... ՀԱՍԱՐԱԿՈՒԹՅՈՒՆ
«Թաղային» տեղեկատվական «բազարներ». «Փաստ» ՀԱՍԱՐԱԿՈՒԹՅՈՒՆ
Վարորդական վկայական «գնելու» թեման փակվե՞ց. «Փաստ» ՀԱՍԱՐԱԿՈՒԹՅՈՒՆ
Անի Զախարյանը դեռ ուսումնասիրում է Փաշինյանի կառավարության ա... ՀԱՐՑԱԶՐՈՒՅՑ
Հայկ Սարգսյան. «Թալանածը պետք է հետ բերել, բայց զարգացման տե... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Փրկարարները քաղաքացիներին անվնաս դուրս են բերել արգելափակված վերելակից Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Խոշոր ավտովթար Ձորաղբյուրում. բախվել են Հայաստանի քննչական կոմիտեի վարչություններից մեկի պետի Hyundai-ն և Jeep-ը. 5 վիրավորներից 4-ը երեխաներ են Իրանում տեղի ունեցած երկրաշարժի հետևանքով տուժել է 146 մարդ Ջրհեղեղների պատճառով Վիետնամում զոհվել է 10 հոգի (տեսանյութ) Քաղաքացին նետվել է Դավիթաշենի կամրջից. ահազանգ ԱԻՆ-ում Արագածոտնում Կնյազը փախցրել է իր հավանած 17-ամյա աղջկան, բայց հայտնվել է գաղութում «Հաղթանակ» կամրջից քաղաքացի է նետվել «Վարդենիս» նյարդահոգեբանական տուն-ինտերնատում 45-ամյա տղամարդը փորձել է մկրատով սպանել իր թուշը կծած հիվանդին Սամցխե-Ջավախքի Գանձա գյուղում կայացել են Տերյանի պոեզիային նվիրված միջոցառումներ Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Մխիթարյանը «Արսենալ»-ի հետ ժամանել է Սինգապուր Այս պահին հանգիստս եմ անցկացնում Եվրոպայում. Ռուբեն Թաթուլյան Ռուսաստանն ամբողջությամբ Հայաստանին է տրամադրել վարկային համաձայնագրով նախատեսված սպառազինությունը Բասկետբոլի հավաքականը 21-րդն է Եվրոպայում Խաղեր, մրցույթներ, երաժշտություն. «Յելլ էքսթրիմ Պարկ»-ը մեծ շուքով նշեց ծննդյան երրորդ տարեդարձը Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Իրանում երկրաշարժ է գրանցվել ՀՀ պաշտպանության նախարարը Փանիկում փակ քննարկում է անցկացրել ՌԴ 102–րդ ռազմակայանի հրամանատարի հետ «Վեոլիա Ջուր»-ն Արարատի մարզում վթարային ջրանջատում է կատարել

Հողագործներին ոռոգման ջրի սակավությունն է մտահոգում

«Փաստ» օրաթերթը գրում է 

 

Արմավիրի մարզի Մյասնիկյան համայնքի բնակիչների մտահոգությունն այն է, որ գյուղատնտեսական սեզոնի ընթացքում ոռոգման ջրի պակաս չզգան: Հողագործությամբ զբաղվող այս համայնքում սեզոնի համար ամենաարդիական թեման սկսվում և ավարտվում է ոռոգման ջրով:

Նրանց չի հետաքրքրում գյուղի հանգստյան այգին կվերանորոգվի՞, թե` ոչ, կենտրոնական փողոցը կլուսավորվի՞, թե` ոչ. ամենակարևորը գյուղատնտեսական տարվա արդյունավետ մեկնարկն ու առանց խոչընդոտների աշխատանքների ընթացքը վարելն է:

Հողագործները «Փաստ»–ի հետ զրույցում պատմեցին, որ 2015–2016 թվականներին Մյասնիկյանում ոռոգման սեզոնն ուշացումով է սկսվել, իսկ նախորդ տարվա ամռանը շաբաթներով հողը չեն ջրել:

Մյասնիկյանի գյուղացիական տնտեսությունները տարիներ շարունակ ոռոգման ջրի հետ կապված խնդիրներ են ունեցել:

«Ամենավերջին համայնքն է, որտեղ ոռոգման ջուր է հասնում, հետևաբար ջրի սակավության հետ կապված խնդիրներ հաճախ են առաջանում»,– նշեցին նրանք:

Մյասնիկյանը 3100 հեկտար մշակելի հողատարածք ունի:

Մարզի մեկ այլ` Փշատավան գյուղում էլ ոռոգման շրջանում մշտապես բողոքներ են լինում: Այն հայ–թուրքական պետական սահմանի մոտ է, այսինքն՝ Արաքս գետի հովտում, սակայն մշտապես ոռոգման ջրի խնդիր է առաջանում: Գյուղացիների խոսքով` համակարգի քայքայվածության պատճառով ջուրը տեղ չի հասնում:

Գյուղացիների մեծ մասը տնամերձ հողամասը ջրում է սեփական ջրհորներից՝ պոմպերի միջոցով, որը կրկնակի ծախս է պահանջում:

«Գյուղում ամենակարևոր հարցը ոռոգման ջրի հարցն է, ոռոգման համակարգերը քայքայված են»,– ասացին գյուղացիները:

Ոռոգման համակարգի անմխիթար վիճակը հանգեցնում է ջրի մեծ կորստի: Կիսախողովակները կոտրված են, ինչի հետևանքով սեզոնին ոռոգման ջուրը տեղ չի հասնում:

Ջրային տնտեսության պետական կոմիտեի տվյալներով՝ ներկայում ջրամբարների մոտ 25%–ն է լցված: Այս տարի ջրամբարներում հավաքված ջուրը 75 միլիոն խորանարդ մետրով պակաս է նախորդ տարվա համեմատ:

2018–ին կմեկնարկի ոռոգման համակարգերի արդիականացման ծրագիրը, որի ընդհանուր ֆինանսավորումը 50 միլիոն դոլար է: Դրա արդյունքում ակնկալվում է ընդլայնել ոռոգելի տարածքները, վերականգնել 63 կմ մայր և երկրորդ կարգի ջրանցքները, ինչպես նաև 277,4 կմ ներտնտեսային ցանց:

Սևանից լրացուցիչ ջուր բաց կթողնեն՝ հաշվի առնելով այն, որ տարին ջրային պաշարների կուտակման առումով բարենպաստ չէ:

Հայաստանում ներկա պահին կա 26100 հա ոռոգվող և 24000 հա չոռոգվող հողատարածություն։ Եվս 10000 հա–ով նախատեսվում է ավելացնել ոռոգվող տարածքները` ոռոգման ցանցի արդիականացման և 4000 հա–ով` Վեդու ջրամբարի շինարարության ծրագրերով։

Առաջինի ավարտը նախատեսվում է 2019–ին, երկրորդինը` 2020–ին։

 

Մանյա Պողոսյան

 

website by Sargssyan