Սեպտեմբերի 21-ին հազարավոր երեւանցիներ առաջին անգամ էին Գյու... ԲԼՈԳ
Հանդիսավորությամբ նշվել է Մուսա լեռան հերոսամարտի 104-ամյակը... ՀԱՍԱՐԱԿՈՒԹՅՈՒՆ
Արցախում անցկացվելու են եռափուլ զորախաղեր ՀԱՍԱՐԱԿՈՒԹՅՈՒՆ
Մեզ սպասվում են ջերմ և արևառատ օրեր». Գագիկ Սուրենյան ՀԱՍԱՐԱԿՈՒԹՅՈՒՆ
Օրվա խորհուրդը ՀԱՍԱՐԱԿՈՒԹՅՈՒՆ
Երևան, 22.Սեպտեմբեր,
00
:
00
:
00
Փոխարժեք
478.65
$
560.79

Սերբիայում ավելի քան 3 հազար մարդ է այցելել «Դովլաթովի» պրեմիերային

 

 

 

Ավելի քան 3 հազար մարդ է այցելել Ալեքսեյ Գերման կրտսերի «Դովլաթով» ռուսական ֆիլմի պրեմիերային: Կինոնկարի ցուցադրումը տեղի Է ունեցել Բելգրադի խոշորագույն համերգային հարթակում՝ Սավա-կենտրոնում Բելգրադի FEST 46-րդ միջազգային կինոփառատոնի շրջանակներում: Պրեմիերային ցուցադրության հատուկ հյուրն Է դարձել սերբ դերասան Միլան Մարիչը, որը մարմնավորել Է Սերգեյ Դովլաթովին:

«Այսօր ես երջանիկ մարդ եմ, որովհետեւ հենց դուք՝ հենց սերբական հանրությունը, դարձաք այդ ֆիլմի առաջին հանդիսատեսները Բեռլինում նրա համաշխարհային պրեմիերայից հետո»,-ինչպես հայտնում է past.am-ը, հայտարարել Է Մարիչը: «Դովլաթով» ֆիլմը Ալեքսեյ Գերման կրտսերը նկարահանել Է Սերբիայի եւ Լեհաստանի կինեմատոգրաֆիստների հետ համագործակցությամբ: Այն պատմում Է գրողի կյանքի 1971 թվականի լենինգրադյան չորս օրերի մասին: «Դովլաթովը» ներառված Է FEST-ի գլխավոր մրցութային ծրագրում, որը բաղկացած Է 16 ֆիլմից:

Բելգրադյան փառատոնին կմասնակցի 126 կինոժապավեն, որոնցից 116-ն առաջին անգամ Է ներկայացվելու հանրությանը: Ֆիլմերի անընդմեջ ցուցադրությունը կշարունակվի տասն օր՝ ինը հարթակներում: Բելգրադյան կինոփառատոնը խոշորագույն միջոցառում Է Բալկաններում եւ անցկացվում Է ամեն տարի 1971 թվականից սկսած: FEST-ի գրեթե կեսդարյա պատմության ընթացքում նրա միագումար լսարանը կազմել Է ավելի քան 4 մլն մարդ, որոնք դիտել են 4 հազարից ավելի կինոնկարներ ամբողջ աշխարհից:

website by Sargssyan