Եթե իշխանությունները ուզում են հ/կ–ներին հովանավորել, ապա պե... ՀԱՍԱՐԱԿՈՒԹՅՈՒՆ
Պատասխանատվություն կկրի հաստատության ղեկավարը. «Փաստ» ՀԱՍԱՐԱԿՈՒԹՅՈՒՆ
«Լևոն Տեր–Պետրոսյանը ավազակապետություն ձևավորելու մեջ մեղադր... ՀԱՐՑԱԶՐՈՒՅՑ
Կարեն Քոչարյան. «Հայաստանում դասական հետհեղափոխական շրջան է»... ՀԱՐՑԱԶՐՈՒՅՑ
Որոշում չկա, բայց երևի կմասնակցեն. «Փաստ» ՀԱՐՑԱԶՐՈՒՅՑ
Երևան, 21.Հուլիս,
00
:
00
:
00
Փոխարժեք
478.65
$
560.79
Վերջին տարիներին կրթությունը մի տեսակ իր մրցակցային դերը կորցրեց, շատ բաներ սկսեցին հեշտ տրվել. Սերոբ Խաչատրյան ՀՀ-ԵՄ վիզաների ազատականացման շուրջ քաղաքական երկխոսություն սկսելուն ավելի մոտ ենք, քան նախորդ կառավարության պարագայում. ԵՄ պաշտոնյա Դու 10 անգամ հարցրել ես, թե ում եմ ուզում տեսնել կազմում, ես ոչ մեկի անունը չեմ տվել. Մեսսին Սամպաոլիին Հայաստանի բասկետբոլի Մ20 հավաքականը պարտվեց Կոսովոյի ընտրանուն Ալիևի հետ հանդիպմանը Մակրոնը խոստացել է ամեն ինչ անել ԼՂ հիմնախնդրի՝ բանակցային եղանակով կարգավորման համար Իռլանդիայում անօդաչու սարքի օգնությամբ նոր «Սթոունհենջ» են հայտնաբերել Նախագահը հանդիպել է ՀԲԸՄ ծրագրերի մասնակից ուսանողների հետ Անցած տարիներին տրամադրված և չօգտագործված 110 մլն եվրոն սպասում է «սառնարանում», և դրա օգտագործումը կախված է միայն ՀՀ-ից. Պ. Սվիտալսկի Ռուսաստանը և Իսրայելը պայմանավորվածություններ են ձեռք բերել Սիրիայի հարավում իրավիճակի վերաբերյալ Մամուլ.am կայքը հետևողականորեն շարունակում է անբարեխիճ լրատվական գործունեությունը. Իվետա Տոնոյան «Արարատյան ավտոկայանի» նախկին և ներկա տնօրենները պետությանը պատճառած վնասը վերականգնելու համար 30 մլն դրամ են փոխանցել. ՔԿ Նախարար Սուրեն Պապիկյանը կմեկնի Տավուշի մարզի մի շարք համայնքներ Երեխայի մահվան ցավալի փաստը շահարկելն ու պատվաստման հետ կապելն անթույլատրելի է. Ա. Չոբանյան Արարատյան դաշտավայրում ջրասակավության մեղմման ելքը նոր հորերն են Երևանի Մուշավան թաղամասում խոշոր հրդեհ է բռնկվել Կառավարությունն արձակուրդ չի գնալու Անչափահասի նկատմամբ ոտնձգություն կատարած անձի ինքնությունը պարզվել է Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան ՀՀ ԱՆ «Նուբարաշեն» քրեակատարողական հիմնարկում զանազան իրերով և նյութերով լի տոպրակ է հայտնաբերվել «Սասնա ծռերից» Գեւորգ Իրիցյանն ու Թաթուլ Թամրազյանն ազատ արձակվեցին

Անահիտ Թարխանյանը պահանջում է լուծարել «Armenia International Airports»-ի կոնցեսիոն պայմանագիրը

Ճարտարապետ Անահիտ Թարխանյանը պահանջում է լուծարել կոնցեսիոն պայմանագիրը «Armenia International Airports»-ի հետ՝ կոչ անելով նաև երիտասարդներին միանալու իր պահանջին: Ակցիան տեղի կունենա մարտի 15-ին ժամը 10․00-ին Հանրապետության Հրապարակում, կառավարության շենքի դիմաց:

«Սիրելի երիտասարդներ, Հայաստանի պետականության վերականգնման պահից անցել է գրեթե 100 տարի։ Այս ժամանակահատվածում մեր պապերն ու հայրերը կարողացան բզկտված և թալանված երկրից ստեղծել զարգացած և ապագային միտված պետություն։ Նրանք կառուցեցին քաղաքներ և ճանապարհներ, գործարաններ և աստղադիտարաններ, կայարաններ և օդանավակայաններ:

Միջազգային հանրության կողմից ճանաչված անզուգական շենքերը և շինությունները դարձել են մեր ազգի հպարտությունը և համարվում են 20-րդ դարի համաշխարհային ժառանգության հուշարձաններ, և դրանց շարքում առաջին հերթին «Զվարթնոց» օդանավակայանն է։ «Զվարթնոց» օդանավակայանը դա ժամանակակից և յուրահատուկ շինություն է, որը բոլորի կողմից ընկալվում էր որպես ապագայի կոսմոպորտ, և կապում էր Հայաստանը ողջ աշխարհի հետ, իսկ 1988թ. երկրաշարժից հետո հազարավոր կյանքերի փրկության երաշխավորը դարձավ։

2001 թ Հայաստանի ղեկավարության հովանավորությամբ կոնցեսիայի պայմանագիր ստորագրվեց, և օդանավակայանի շենքը փոխանցվեց Էդուարդո Էրնեկյանի տնօրինմանը, նրա արդիականացման և 30 միլիոն ԱՄՆ դոլար ներդնելու, իսկ 2030 թ նորացված օդանավակայանը հայկական պետությանը վերադարձնելու պայմանով։

Փոխարենը՝ արդեն 10 տարի է Էռնեկյանի թիմակիցները պայքար են մղում պետական սեփականություն հանդիսացող «Զվարթնոց» օդանավակայանի շենքը քանդելու համար։ Այսօր կարող ենք համոզված կերպով պնդել. «Եթե ձեզ հարկավոր չէ «Զվարթնոց» օդանավակայանը, եթե այն ձեզ խանգարում է, ապա մեզ՝ Հայաստանի երիտասարդներիս և բոլոր քաղաքացիներին, այն հարկավոր է։ Մենք գիտենք՝ ինչպես այն արդիականացնել և ինչ անել նրա հետ»։

Մենք պահանջում ենք ազգայնացնել օդանավակայանը, չեղարկել կոնցեսիոն պայմանագիրը եւ վերադարձնել մեր օդային սահմանը»,-հայտարարել է ճարտարապետը:

Անահիտ Թարխանյանը, պատասխանելով Past.am-ի այն հարցին, թե ի՞նչ կտա այս բողոքի ակցիան, պատասխանեց, որ դա բողոք չէ, ինքը կոչ է արել միանալ ակցիային, որի պահանջը պայմանագրի լուծարումն է:

-Մենք ում ենք բողոքում, մենք ոչ մեկին չենք բողոքում: Մենք պահանջում ենք:

-Կարծո՞ւմ եք, որ այդ պահանջը կարող են հաշվի առնել կամ կատարել:

-Դա արդեն այլ հարց է: Եթե հաշվի չառնեն, մենք այլ պահանջներ առաջ կբերենք, բայց այսօրվա օրով «Armenia International Airports»-ն ասում է ինձ պետք չէ օդանավակայանը՝ խախտելով կոնցեսիոն պայմանագրի հիմնական կետը: Համաձայն այդ կետի՝ նա պետք է բարելավեր օդանավակայանը, 30 միլիոն ԱՄՆ դոլար պետք է ներդներ: Ոչ մի բան չի արել, և դա քիչ է, դեռ պահանջում են քանդել օդանավակայանը: Պատրաստի թեթև գործարք է կատարվում: Դրա համար էլ պահանջում ենք դադարեցնել այդ պայմանագիրը:

Հայաստանում ցանկացած մարդ, ում կտային այդպիսի հնարավորություն, ինչպիսին տրվեց Էռնեկյանին, կողքը մեկ հատ չէ, 10 հատ օդանավակայան կկառուցեր, որովհետև օդանավակայանի շենքն իրենց անվճար էր տրված:

-Ինչ-որ ենթադրություններ ունե՞ք, թե ինչու չկարողացան կամ չցանկացան վերանորոգել և արդիականացնել, և այսօր էլ ապամոնտաժում են:

-Դա իրենց խնդիրն է: Թող իրենք մտածեն և փորձեն գտնել բացատրություններ: Եվ այդ բացատրությունները փորձեն տալ դատախազությունում: Իսկ դատախազությունը փոխանակ գործով զբաղվի, զբաղվում է չգիտեմ ինչերով: Այն, որ պայմանագիրը 100 անգամ խախտվել է, մենք ահազանգել ենք դատախազություն: Իրենք որևէ հետաքննություն չեն սկսել պայմանագրի հետ կապված:

Դրա համար մենք՝ քաղաքացիներս, պարզապես պահանջում ենք լուծարել պայմանագիրը, որի մի կողմը բազմաթիվ անգամ խախտվել է:

 

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ

website by Sargssyan