Խոստանում է մինչ տարեվերջ լուծել աշխատավարձերի ուշացման խնդի... ՀԱՍԱՐԱԿՈՒԹՅՈՒՆ
«Թաղային» տեղեկատվական «բազարներ». «Փաստ» ՀԱՍԱՐԱԿՈՒԹՅՈՒՆ
Վարորդական վկայական «գնելու» թեման փակվե՞ց. «Փաստ» ՀԱՍԱՐԱԿՈՒԹՅՈՒՆ
Անի Զախարյանը դեռ ուսումնասիրում է Փաշինյանի կառավարության ա... ՀԱՐՑԱԶՐՈՒՅՑ
Հայկ Սարգսյան. «Թալանածը պետք է հետ բերել, բայց զարգացման տե... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Խոշոր ավտովթար Ձորաղբյուրում. բախվել են Հայաստանի քննչական կոմիտեի վարչություններից մեկի պետի Hyundai-ն և Jeep-ը. 5 վիրավորներից 4-ը երեխաներ են Իրանում տեղի ունեցած երկրաշարժի հետևանքով տուժել է 146 մարդ Ջրհեղեղների պատճառով Վիետնամում զոհվել է 10 հոգի (տեսանյութ) Քաղաքացին նետվել է Դավիթաշենի կամրջից. ահազանգ ԱԻՆ-ում Արագածոտնում Կնյազը փախցրել է իր հավանած 17-ամյա աղջկան, բայց հայտնվել է գաղութում «Հաղթանակ» կամրջից քաղաքացի է նետվել «Վարդենիս» նյարդահոգեբանական տուն-ինտերնատում 45-ամյա տղամարդը փորձել է մկրատով սպանել իր թուշը կծած հիվանդին Սամցխե-Ջավախքի Գանձա գյուղում կայացել են Տերյանի պոեզիային նվիրված միջոցառումներ Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Մխիթարյանը «Արսենալ»-ի հետ ժամանել է Սինգապուր Այս պահին հանգիստս եմ անցկացնում Եվրոպայում. Ռուբեն Թաթուլյան Ռուսաստանն ամբողջությամբ Հայաստանին է տրամադրել վարկային համաձայնագրով նախատեսված սպառազինությունը Բասկետբոլի հավաքականը 21-րդն է Եվրոպայում Խաղեր, մրցույթներ, երաժշտություն. «Յելլ էքսթրիմ Պարկ»-ը մեծ շուքով նշեց ծննդյան երրորդ տարեդարձը Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Իրանում երկրաշարժ է գրանցվել ՀՀ պաշտպանության նախարարը Փանիկում փակ քննարկում է անցկացրել ՌԴ 102–րդ ռազմակայանի հրամանատարի հետ «Վեոլիա Ջուր»-ն Արարատի մարզում վթարային ջրանջատում է կատարել Աստղաշենը շուտով նոր ջրագիծ կունենա. ԱՀ պետնախարար Մարտիրոսյանը ընդունել է SPFA-ի ներկայացուցիչներին

Երևանում թեքահարթակներ կառուցելիս սերտ համագործակցում ենք համապատախան ՀԿ-ների հետ. Սամվել Մերթարջյան

 

«Արմենպրես» - ը գրում է՝

Հաշմանդամություն ունեցող անձանց երթևեկը հեշտացնելու համար Երևանում 2018 թվականին կկառուցվի ևս 150 նոր թեքահարթակ, և մոտ 100-150-ն էլ կվերանորոգվի կամ կհամապատասխանեցվի միջազգային չափորոշիչներին։ «Արմենպրես»-ի հետ զրույցում Երևանի քաղաքապետարանի աշխատակազմի քարտուղարի տեղակալ Սամվել Մերթարջյանն ասաց, որ մայրաքաղաքում թեքահարթակների կառուցման աշխատանքներն արդեն սկսվել են։

 

«Այս տարի արդեն իսկ կառուցվել է շուրջ 40 թեքահարթակ։ 2018 թվականին նաև վերանորոգելու ենք այն թեքահարթակները, որոնք վնասված են։ Հատուկ ուշադրություն ենք դարձնելու մինչև 2013 թվականը կառուցվածներին, որոնք չափորոշիչներին չեն համապատասխանում, և դրանք էլ կձևափոխենք ու կհամապատասխանեցնենք ստանդարտներին։  2018 թվականին նախատեսում ենք մայրաքաղաքում կառուցել շուրջ 150 նոր թեքահարթակներ, և, կարծում եմ, արդեն ամբողջությամբ կավարտվի կառուցումը։ Մոտ 100-150 թեքահարթակ էլ պետք է վերանորոգվի կամ, եթե չի համապատասխանում չափորոշիչներին, բերվի պատշաճ վիճակի»,- ընդգծեց Մերթարջյանը և հավելեց, որ վերանորոգման և չափորոշիչներին համապատասխանեցնելու աշխատանքները շարունակական բնույթ են ունենալու։

 

Նրա խոսքով՝ թեքահարթակ կառուցելու համար կան ընդհանուր նորմեր՝ կանոնակարգված, նշված համապատասխան փաստաթղթերով, որոնք միջազգային նորմեր են համարվում։

 

«Ամբողջ աշխարհում առաջնորդվում են հստակ չափորոշիչներով։ Մենք այս աշխատանքների ընթացքում սերտ համագործակցում ենք հասարակական կազմակերպությունների հետ։ Այսինքն՝ նախագծման փուլից, հասցեների ընտրությունից սկսած աշխատում ենք համապատասխան ՀԿ-ների՝ «Ունիսոնի», «Փյունիկի» հետ, որոնց շահառուները հենց հաշմանդամություն ունեցող անձինք են։ Այդ ամենից հետո մրցույթ է կազմակերպվում և ընտրվում են համապատասխան շինարարական կազմակերպություններ, որոնք էլ իրականացնում են թեքահարթակների կառուցման աշխատանքները։ Հենց առաջին օրվանից մենք իրենց հետ ենք՝ ուղղորդում ենք, ցույց ենք տալիս հասցեները և իրականացնում աշխատանքների ճշգրիտ կազմակերպումը։ Միայն թեքություն ու համապատասխան անկյուն ունենալով խնդիրը չի լուծվում՝ կան լանդշաֆտային խնդիր, տարբեր այլ հարցեր, որոնց պետք է ստեղծագործաբար մոտենալ։ Մեր ճարտարապետները բոլոր վարչական շրջաններում աշխատում են շինարարական կազմակերպությունների հետ»,- նշեց Երևանի քաղաքապետարանի աշխատակազմի քարտուղարի տեղակալը։

 

Նա վստահեցրեց, որ այդ ամենը դեռ աշխատանքի կեսն է, քանի որ իրենք աշխատանքի ընթացքում պարբերաբար ՀԿ-ների հետ մոնիթորինգային այցեր են կատարում, որոնց ժամանակ մատնանշում են տեղում հայտնաբերված խնդիրներն ու շեղումները և ցուցումներ տալիս դրանք վերացնելու ուղղությամբ։

 

«Մեզ հետ այդ այցերին մասնակցում են ոչ միայն շինբարեկարգման համապատասխան վարչությունը, այլև տեխվերահսկման մարմինը, որը պարտավոր է վերահսկել այդ աշխատանքները և հետո հաստատել։ Շինարարական կազմակերպությունների հետ աշխատանքի մեծ փորձ ունենք, արդեն նրանք հասկանում են թեքահարթակների շինարարության սկզբունքը, և շատ ավելի արագ է ստացվում գործը։ Առաջին տարիներին մենք իրենց էլ էինք բացատրում, թե դա ինչի համար է։  Այսօր արդեն բավականին մեծ աշխատանք է արվել։ Այսօր մենք նաև փորձում ենք կարծրատիպեր կոտրել։ Պետք է ցույց տալ, որ հաշմանդամություն ունեցող անձինք լիարժեք մարդիկ են որպես հասարակության անդամ, և մենք պետք է հնարավորինս պայմաններ ստեղծենք, որպեսզի այդ մարդիկ կարողանան ներկայացնել իրենց լիարժեքությունը»,- ասաց Սամվել Մերթարջյանը։

 

Ծրագիրը գործում է 2013 թվականից Երևանի քաղաքապետ Տարոն Մարգարյանի հանձնարարականով։ Մայրաքաղաքում մինչ այսօր կառուցվել է 2500 թեքահարթակ, որոնք գտնվում են փողոցների, այգիների, պուրակների, բակերի տարածքներում։ Այս գործում ներգրավված են նաև այն մասնավոր կազմակերպությունները, որոնք արձագանքել են քաղաքապետարանի կոչին։ Թեքահարթակները ծառայում են ոչ միայն հաշմանդամություն ունեցող անձանց, այլև հեծանվորդներին, մայրերին, ովքեր սայլակներով տեղափոխում են իրենց երեխաներին։ Տարեց մարդիկ, ովքեր դժվարությամբ են քայլում, նույնպես թեքահարթակներով են բարձրանում։ 

 

Լիլիթ Դեմուրյան 

 

website by Sargssyan