Սեպտեմբերի 21-ին հազարավոր երեւանցիներ առաջին անգամ էին Գյու... ԲԼՈԳ
Հանդիսավորությամբ նշվել է Մուսա լեռան հերոսամարտի 104-ամյակը... ՀԱՍԱՐԱԿՈՒԹՅՈՒՆ
Արցախում անցկացվելու են եռափուլ զորախաղեր ՀԱՍԱՐԱԿՈՒԹՅՈՒՆ
Մեզ սպասվում են ջերմ և արևառատ օրեր». Գագիկ Սուրենյան ՀԱՍԱՐԱԿՈՒԹՅՈՒՆ
Օրվա խորհուրդը ՀԱՍԱՐԱԿՈՒԹՅՈՒՆ
Երևան, 23.Սեպտեմբեր,
00
:
00
:
00
Փոխարժեք
478.65
$
560.79
Արցախի մարտական դիրքից զինվորը հրազենային վնասվածքներով, ծայրահեղ ծանր վիճակում տեղափոխվել է հոսպիտալ Ամուսարի հարցում իմ դժբախտությունն այն է, որ բոլորն արդեն ունեն իրենց տեսակետը․ Փաշինյան Դորտմունդի «Բորուսիան» բաց թողեց հաղթանակը վերջնամասում ինքնագոլի հետեւանքով Հենրիխ Մխիթարյան․ Կարեւոր հաղթանակ (ֆոտո) Չինաստանում բեռնատարը մխրճվել է անցորդների խմբի մեջ. կա առնվազն 10 զոհ Նիկոլ Փաշինյանի մամուլի ասուլիսը՝ Լոս Անջելեսում. ուղիղ Կոտայքի եւ Արագածոտնի մարզու գազամատակարարումը ժամանակավորապես կդադարեցվի Թբիլիսիում ուժգին քամիները պոկել են շենքերի տանիքները Կարևոր հաղթանակ էր․ Մխիթարյանը իտալերենով գրառում է կատարել Վայոց Ձորի մարզպետի օգնականին մեղադրանք առաջադրվեց. նա կալանավորվել է Հրդեհ Էջմիածին քաղաքում. Այրվել են արագ սննդի վաճառակետի առաստաղի փայտյա կառուցատարրերը Խոշոր ավտովթար՝ Երեւանում. Երեք մեքենա վերածվել են մետաղե ջարդոնի

Թրամփի որոշումը մեսիջ է՝ ուղղված հայկական իշխանություններին՝ քաղաքականությունը ճշգրտելու մասին

ԱՄՆ նախագահ Դոնալդ Թրամփը ստորագրել է երկրի բյուջեի նախագիծը, որով, ի տարբերություն Վրաստանի և Ուկրաինայի, Հայաստանի համար ֆինանսական օգնություն չի նախատեսվում:

Ընդ որում՝ ավելի քան 420 միլիոն ԱՄՆ դոլար կհատկացվի Ուկրաինային և 105 միլիոն դոլար էլ՝ Վրաստանին: Ի դեպ, մինչ այդ 37 կոնգրեսականներ հանդես էին եկել Հայաստանին 60 միլիոն ԱՄՆ դոլար հատկացնելու կոչով: Սակայն նախագահի համար այս կոչերը իր միտքը փոխելու հիմք չեն հանդիսացել:

Թեմայի շուրջ Past.am-ը զրուցել է քաղաքագետ Էմիլ Օրդուխանյանի հետ:

-ԱՄՆ-ն այս տարի Հայաստանին ֆինանսական օգնություն չի ցուցաբերի: Ճի՞շտ է համարել, որ սրա պատճառներից մեկն էլ Հայաստանի՝ Ռուսաստանի հետ ավելի մերձենալն է:

-Հայաստանին օգնություն չցուցաբերելու տրամաբանությունը նաև արդարացված է այն ռազմավարության շրջանակներում, որի համաձայն՝ Թրամփը նշում էր, թե առաջինը ԱՄՆ-ն, ամերիկյան շահերն են: Հետևապես այն պետությունները, որոնք ամերիկյան շահերի համատեքստում ամերիկամետ քաղաքականություն են վարում, բնականաբար, դրանք տեղավորվում են այդ ռազմավարության շրջանակներում, նրանց կցուցաբերվի ֆինանսական աջակցությունը՝ ի տարբերություն Հայաստանի:

Հայաստանի հետ կապված մի փոքր առանձնահատուկ է մոտեցումը, որովհետև Հայաստանն ուղղակիորեն այդ շահերի համատեքստում չի ներառվում: Բայց նաև Հայաստանի նշանակությունը պետք չէ ընդհանրապես ի չիք դարձնել: Չմոռանանք, որ Հայաստանում ԱՄՆ դեսպանատունը բավական խոշոր կառույց է, և սա նշանակում է, որ Միացյալ Նահանգները Հայաստանում տարածաշրջանի հետ կապված իր հետաքրքրություններն ունի:

Ռուսաստանի մեկուսացումը, չեզոքացումը Արևմուտքի կողմից տեսնում ենք սանկցիաների տեսքով: Հայաստանը Ռուսաստանի ռազմավարական դաշնակիցն է, նաև անդամ այն կառույցների, ինչպիսիք են ՀԱՊԿ-ն ու ԵԱՏՄ-ն: Բնականաբար, իր նկատմամբ անուղղակիորեն այս դիրքորոշումը ազդեցություն պետք է թողներ:

Սա կարող ենք համարել մեսիջ՝ ուղղված հայկական իշխանություններին, որ պետք է իրենց քաղաքականությունը ավելի ճշգրտեն՝ ԱՄՆ-ի և Ռուսաստանի միջև քաղաքականության բալանսավորման տեսանկյունից: Եվ վերջին շրջանում էլ ԱՄՆ դեսպանը բավական ակտիվ էր, հարցազրույցներ ունեցավ, կրկին խոսեց կոռուպցիայի մասին Հայաստանում: Սրանք այն խնդիրներն են, որ եթե չեն հաղթահարվում, բնականաբար, ամերիկյան աջակցությունը պետք է նվազի կամ ընդհանրապես դադարեցվի:

Եթե իշխանությունները, համապատասխան մարմինները ավելի աչալուրջ լինեն այս մարտահրավերների հետ կապված, գուցե ԱՄՆ քաղաքականությունը Հայաստանի նկատմամբ ավելի ճշգրիտ տեսք ընդունի:

-Մեծ հաշվով, բացի ֆինանսական օգնությունից, Հայաստանն այս որոշման արդյունքում էլ ի՞նչ կորցրեց:

-Կորցնելու իմաստով իհարկե նման խոշոր գերտերության ֆինանսական աջակցությունը բավական կարևոր է, այդ թվում՝ Հայաստանի համար: Չմոռանանք, որ ԱՄՆ-ը նաև Արցախին է աջակցում: Իհարկե, այս հնարավորության կորուստը կամ սահմանափակումը բավական լուրջ պետք է դիտարկվի, վերլուծվի իշխանության կողմից, պատճառները պետք է հասկանան, նաև ձեռնարկեն համապատասխան քայլեր, որ այդ դիրքորոշումը փոփոխվի հօգուտ Հայաստանի շահի:

-Արդյոք իշխանությունը կվերաիմաստավորի՞, կվերլուծի՞, կփոխի՞ իր քաղաքականությունը, որպեսզի ԱՄՆ-ը դրական տրամադրվի մեր նկատմամբ և շարունակի ֆինանսական օգնության տրամադրումը:

-Ոչ միայն ֆինանսական օգնության համար, ԱՄՆ-ն այնպիսի լուրջ դերակատարություն ունեցող գերտերություն է, որ նրա բարյացակամ վերաբերմունքը ցանկացած պետության նկատմամբ բավական կարևոր է, այդ թվում՝ Հայաստանի, մանավանդ, որ Նահանգները այնպիսի պետություն է, որ երբևէ վնաս չի տվել Հայաստանին:

 

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ

website by Sargssyan