Խոստանում է մինչ տարեվերջ լուծել աշխատավարձերի ուշացման խնդի... ՀԱՍԱՐԱԿՈՒԹՅՈՒՆ
«Թաղային» տեղեկատվական «բազարներ». «Փաստ» ՀԱՍԱՐԱԿՈՒԹՅՈՒՆ
Վարորդական վկայական «գնելու» թեման փակվե՞ց. «Փաստ» ՀԱՍԱՐԱԿՈՒԹՅՈՒՆ
Անի Զախարյանը դեռ ուսումնասիրում է Փաշինյանի կառավարության ա... ՀԱՐՑԱԶՐՈՒՅՑ
Հայկ Սարգսյան. «Թալանածը պետք է հետ բերել, բայց զարգացման տե... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Խոշոր ավտովթար Ձորաղբյուրում. բախվել են Հայաստանի քննչական կոմիտեի վարչություններից մեկի պետի Hyundai-ն և Jeep-ը. 5 վիրավորներից 4-ը երեխաներ են Իրանում տեղի ունեցած երկրաշարժի հետևանքով տուժել է 146 մարդ Ջրհեղեղների պատճառով Վիետնամում զոհվել է 10 հոգի (տեսանյութ) Քաղաքացին նետվել է Դավիթաշենի կամրջից. ահազանգ ԱԻՆ-ում Արագածոտնում Կնյազը փախցրել է իր հավանած 17-ամյա աղջկան, բայց հայտնվել է գաղութում «Հաղթանակ» կամրջից քաղաքացի է նետվել «Վարդենիս» նյարդահոգեբանական տուն-ինտերնատում 45-ամյա տղամարդը փորձել է մկրատով սպանել իր թուշը կծած հիվանդին Սամցխե-Ջավախքի Գանձա գյուղում կայացել են Տերյանի պոեզիային նվիրված միջոցառումներ Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Մխիթարյանը «Արսենալ»-ի հետ ժամանել է Սինգապուր Այս պահին հանգիստս եմ անցկացնում Եվրոպայում. Ռուբեն Թաթուլյան Ռուսաստանն ամբողջությամբ Հայաստանին է տրամադրել վարկային համաձայնագրով նախատեսված սպառազինությունը Բասկետբոլի հավաքականը 21-րդն է Եվրոպայում Խաղեր, մրցույթներ, երաժշտություն. «Յելլ էքսթրիմ Պարկ»-ը մեծ շուքով նշեց ծննդյան երրորդ տարեդարձը Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Իրանում երկրաշարժ է գրանցվել ՀՀ պաշտպանության նախարարը Փանիկում փակ քննարկում է անցկացրել ՌԴ 102–րդ ռազմակայանի հրամանատարի հետ «Վեոլիա Ջուր»-ն Արարատի մարզում վթարային ջրանջատում է կատարել Աստղաշենը շուտով նոր ջրագիծ կունենա. ԱՀ պետնախարար Մարտիրոսյանը ընդունել է SPFA-ի ներկայացուցիչներին

Թևան Պողոսյան. «Եթե առանց վարչապետի թույլտվության տեղեկություն տրամադրվի, ի՞նչ է լինելու. վարչապետը նրան գնդակահարելո՞ւ է»

«Հայաստանի Հանրապետության կառավարության կառուցվածքի մասին» ՀՀ օրենքում կատարված փոփոխությունների համաձայն, ոչ միայն կառավարության նիստերն են դռնփակ անցկացվելու, այլև՝ կառավարության անդամը առանց վարչապետի թույլտվության  իրավունք չի ունենալու կառավարությունում քննարկված որևէ հարցի ընթացքի մասին տեղեկություն հրապարակել: Այս պայմաններում անկեղծ ասած, դժվար է պատկերացնել, թե ԱԺ-կառավարություն հարց ու պատասխանի ժամանակ պատգամավորների կողմից հնչեցված հարցերին ինչպես են պատասխանելու նախարարները և արդյոք «չգիտեմ, չեմ լսել, չեմ ասի» բանաձևով առաջ շարժվելով, իշխանությունները չե՞ն հայտնվի զավեշտալի իրավիճակում:

 «Մարդկային զարգացման միջազգային կենտրոնի» նախագահ Թևան Պողոսյանն այս շատ վիճահարույց հարցին, հարցով է պատասխանում:

«Կներեք, իսկ եթե առանց վարչապետի թույլտվության ինչ-որ տեղեկություն տրամադրեց, ի՞նչ է լինելու. վարչապետը նրան գնդակահարելո՞ւ է, նրան քրեական պատժի՞ են արժանացնելու, նստացնելո՞ւ են, թե՞ աշխատանքից են ազատելու: Մյուս կողմից վարչապետը պարտավոր է նաև ապահովել կառավարության աշխատանքի թափանցիկությունը և հասարակության հետ հաղորդակցությունը: Դրանից բացի կա ԱԺ կանոնակարգ օրենք, որը պատգամավորներին հնարավորություն է տալիս կառավարության համապատասխան անդամին հրավիրել համապատասխան հանձնաժողով և ոլորտի մասին տարբեր հարցեր ուղղել, ինչպես նաև այս կամ այն հարցի շուրջ լսումներ կազմակերպել: ԱԺ-ն կարծես թե թափանցիկ աշխատելու պարտավորություն է ստանձնել: Եվ եթե  գիտակցում են, որ կառավարությունը նման կերպ վարվելով շատ վատ բան է արել, ապա ԱԺ-ն պետք է ինքը ստանձնի թափանցիկություն ապահովելու պարտականությունը »- ասաց Թ. Պողոսյանը:
Նա նաև նշեց, որ առանձին դրույթով սահմանված է նաև, թե որն է համարվում գաղտնի տեղեկություն, իսկ մնացած դեպքերում վարչապետը պարզապես պարտավոր է կառավարության աշխատանքի թափանցիկությունն ապահովել:

«Նշված երկու օրենքներում այնքան շատ են հակասությունները, որ դժվար է պատկերացնել, թե ինչու են իրար հակասող այդպիսի ձևակերպումներ արել: Բացի այդ, ինֆորմացիայի ազատության տեսանկյունից կառավարության անդամները լրագրողների հարցերին չեն կարող չպատասխանել: Միգուցե սրանով կառավարությունը փորձել է ինքն իրեն ինչ-որ տեղ ապահովագրել, բայց եթե մնացած բոլոր օրենքների համատեսքստում այն դիտարկեն, ապա իրենք էլ կհասկանան, որ սխալ մոտեցում են ցուցաբերել»,- համոզված է Թ. Պողոսյանը:

Փորձագետի կարծիքով, եթե ընդդիմությունն ու մամուլը դրա դեմ չպայքարեն, իշխանությունները կսկսեն փակ ռեժիմի քաղաքականություն վարել: Դրա համար պետք է ամեն ինչ անել, որպեսզի սխալ գրված օրենքը փոխվի:

«Ես կարծում եմ, որ մեր բնակչությունը կգիտակցի և հաջորդ ընտրությունների ժամանակ ձայն չի տա փակ ռեժիմով աշխատող կառավարությանը: Այսինքն, հասարակությունը պետք է գիտակցի, թե ում է ձայն տալիս: Բայց, մյուս կողմից հարց է ծագում, թե ինչու ենք բոլորս մտածում, որ պետք է հանձնվել և սրա դեմն այլ մեխանիզմներով չպետք է առնել:

Հարկավոր է այնպիսի վիճակի մեջ դնել կառավարությանը, որ չիմանա, թե ինչպես պետք է դրա տակից դուրս գա և ստիպված լինի փոխել օրենքը: Պատկերացրեք մի իրավիճակ, երբ կառավարությանն ուղղված բոլոր հարցերին տրվում է միևնույն՝ «չեմ կարող ասել, քանի որ օրենք կխախտեմ» պատասխանը: Եվ պատկերացրեք, դրանից հետո ինչ վիճակ կառաջանա:  Կառավարության ցանկացած նման գործողություն հետևանքների է հանգեցնելու: Եվ եթե կառավարությունն այդ հետևանքների մասին մտածի, ապա անպայման կփոխի սխալ գրված օրենքը: Մենք հիմա քննարկում ենք վատագույն սցենարները, բայց ես հույս ունեմ, որ իշխանությունները գիտակցում են, որ այն, ինչն այսօր մտահոգություն է առաջացնում, դրա հետևանքները վաղը մյուս օրը լավը չեն լինելու: Ինչ վերաբերում է  օրենքների բախմանը, ապա այն կարող է հանգեցնել հանրային դժգոհության: Եվ իշխանությունները երբ դա զգան, ստիպված կլինեն փոխել օրենքը»,- ասաց Թ. Պողոսյանը:

Արմինե Գրիգորյանը
     
 
   

 

website by Sargssyan