Խոստանում է մինչ տարեվերջ լուծել աշխատավարձերի ուշացման խնդի... ՀԱՍԱՐԱԿՈՒԹՅՈՒՆ
«Թաղային» տեղեկատվական «բազարներ». «Փաստ» ՀԱՍԱՐԱԿՈՒԹՅՈՒՆ
Վարորդական վկայական «գնելու» թեման փակվե՞ց. «Փաստ» ՀԱՍԱՐԱԿՈՒԹՅՈՒՆ
Անի Զախարյանը դեռ ուսումնասիրում է Փաշինյանի կառավարության ա... ՀԱՐՑԱԶՐՈՒՅՑ
Հայկ Սարգսյան. «Թալանածը պետք է հետ բերել, բայց զարգացման տե... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Փրկարարները քաղաքացիներին անվնաս դուրս են բերել արգելափակված վերելակից Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Խոշոր ավտովթար Ձորաղբյուրում. բախվել են Հայաստանի քննչական կոմիտեի վարչություններից մեկի պետի Hyundai-ն և Jeep-ը. 5 վիրավորներից 4-ը երեխաներ են Իրանում տեղի ունեցած երկրաշարժի հետևանքով տուժել է 146 մարդ Ջրհեղեղների պատճառով Վիետնամում զոհվել է 10 հոգի (տեսանյութ) Քաղաքացին նետվել է Դավիթաշենի կամրջից. ահազանգ ԱԻՆ-ում Արագածոտնում Կնյազը փախցրել է իր հավանած 17-ամյա աղջկան, բայց հայտնվել է գաղութում «Հաղթանակ» կամրջից քաղաքացի է նետվել «Վարդենիս» նյարդահոգեբանական տուն-ինտերնատում 45-ամյա տղամարդը փորձել է մկրատով սպանել իր թուշը կծած հիվանդին Սամցխե-Ջավախքի Գանձա գյուղում կայացել են Տերյանի պոեզիային նվիրված միջոցառումներ Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Մխիթարյանը «Արսենալ»-ի հետ ժամանել է Սինգապուր Այս պահին հանգիստս եմ անցկացնում Եվրոպայում. Ռուբեն Թաթուլյան Ռուսաստանն ամբողջությամբ Հայաստանին է տրամադրել վարկային համաձայնագրով նախատեսված սպառազինությունը Բասկետբոլի հավաքականը 21-րդն է Եվրոպայում Խաղեր, մրցույթներ, երաժշտություն. «Յելլ էքսթրիմ Պարկ»-ը մեծ շուքով նշեց ծննդյան երրորդ տարեդարձը Դավիթ Տոնոյանը չի բացառում ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը Իրանում երկրաշարժ է գրանցվել ՀՀ պաշտպանության նախարարը Փանիկում փակ քննարկում է անցկացրել ՌԴ 102–րդ ռազմակայանի հրամանատարի հետ «Վեոլիա Ջուր»-ն Արարատի մարզում վթարային ջրանջատում է կատարել

Հայաստանը՝ Եվրոպայի և Ասիայի խաչմերուկ

New Europe, The New York Times, Project Syndicate, World Review պարբերականների՝ «Մեր աշխարհը» համատեղ տարեկան ամփոփագրում տպագրվել է Բարգավաճ Հայաստան Կուսակցության նախագահ Գագիկ Ծառուկյանի «Հայաստանը՝ Եվրոպայի և Ասիայի խաչմերուկ» հոդվածը: Այս պարբերականում հրապարակումներով են հանդես եկել քաղաքական, հասարակական, տնտեսական հայտնի գործիչներ, այդ թվում՝ ԱՄՆ նախկին նախագահ Ջիմի Քարթերը, ՄԱԿ նախկին գլխավոր քարտուղար Քոֆի Անանը, ԱՄՆ փոխնախագահ Ջո Բայդենը, Մեծ Բրիտանիայի նախկին վարչապետ Թոնի Բլերը և այլք: Ներկայացնում ենք ԲՀԿ նախագահ Գագիկ Ծառուկյանի հոդվածը:

Հայաստանը՝ Եվրոպայի եւ Ասիայի խաչմերուկ

Որքան էլ մենք խոսենք համաշխարհային, գլոբալ խնդիրներից ու մարտահրավերներից, պետք է ընդունենք, որ այսօր մենք ապրում ենք բավականին հետաքրքիր, արագ փոփոխվող աշխարհում, երբ գություն ունեցող բազմաթիվ կոնստանտներ սկսում են քանդվել, կամ տրանսֆորմացվել։ Համաշխարհային տնտեսական օրակարգ ձեւավորող երկրներում մենք տեսնում ենք, թե ինչպես են գիտական տեխնոլոգիաների զարգացումը եւ նոր արդյունաբերական մոդելները ջարդում գոյություն ունեցող կարծրատիպերը։ Համաշխարհային տնտեսությունը այսօր ապրում է անդառնալի տրանսֆորմացիայի փուլ։ Աշխարհը կանգնած է նոր՝ չորրորդ արդյունաբերական հեղափոխության շեմին, որը ջնջելու է տեխնոլոգիական հայտնի եւ ընդունված սահմանները, արմատապես վերափոխելու է տեխնոլոգիական եւ արդյունաբերական շղթաները։ Նոր արդյունաբերական հեղափոխության բնորոշիչներն են լինելու տարբեր տեխնոլոգիաների միաձուլումը, ինչպես նաեւ՝ թվային տնտեսության եւ թվային հասարակության ձեւավորումը։

Իհարկե, իմ երկիրը՝ Հայաստանը, դեռեւս հեռու է 21-րդ դարի այս լրջագույն տրանսֆորմացիոն զարկերակից, որովհետեւ մենք մեր երկրի ներսում դեռեւս շատ պարզագույն ու անհրաժեշտ խնդիրներ պիտի կարողանանք լուծել։ Բայց որ մրցունակ տնտեսություն եւ մրցունակ երկիր ունենալու համար մենք պիտի անցնենք տնտեսական նոր քաղաքականության՝ դա փաստ է, եւ դա անխուսափելի է։

Այդ նոր քաղաքականությունը ես անվանել եմ երեք հիմնամարտահրավերների հաղթահարման քաղաքականություն։ Առաջին՝ տնտեսական մոդելի փոփոխության անհրաժեշտություն։ Երկրորդ՝ սոցիալական բեւեռացման մարտահրավերի լուծում։ Եւ երրորդ՝ ներգաղթի կազմակերպում, որի համար մենք մեր երկրի ներսում լրջագույն խնդիրներ պիտի լուծենք՝ սկսած վստահության վերականգնումից մինչեւ հավասար մրցակցային պայմաններ։ Ահա այս հարցերը պետք է դառնան մեր երկրի օրակարգի զարկերակը։

Ես տեսնում եմ հնարավորություն, որ Հայաստանը կարող է դառնալ մոդել՝ աշխարհին ցույց տալու, թե ինչպես է հնարավոր փոքր տնտեսություն ունեցող երկրում ձեւավորել ինովացիոն միջավայր՝ նորարարական կազմակերպություններ ստեղծելու համար, որոնք պետք է դառնան նոր տնտեսական քաղաքականության շարժիչը։

Ընդամենը վերջերս Երեւանում իմ նախաձեռնությամբ տեղի ունեցավ միջազգային համաժողով, որի կարգախոսն էր՝ «Նոր քաղաքականություն՝ հանուն բարեկեցիկ աշխարհի»։ Դա բավականին հավակնոտ նախաձեռնություն էր, որի նպատակը աշխարհի տարբեր երկրներից հավաքված մեր գործընկերների հետ այդ նոր քաղաքականության մասին խոսելն ու նոր գաղափարների եւ մտքերի գեներացիան էր։

Հայաստանը Եվրոպայի եւ Ասիայի խաչմերուկում է։ Երկիր, որը պատմականորեն եղել է Մետաքսի ճանապարհի խաչմերուկում, Հայաստանը ԵԱՏՄ անդամ է, որը ազատ առեւտրի գոտու մասին համաձայնագիր է կնքել Վիետնամի հետ, եւ այժմ քննարկվում են Իրանի, Հնդկաստանի, Եգիպտոսի, Իսրայելի և մի շարք այլ երկրների հետ առևտրատնտեսական համաձայնագրերի հնարավորությունները։ Հայաստանը նոյեմբերին համընդգրկուն համաձայնագիր ստորագրեց 500 միլիոնանոց շուկա ունեցող Եվրոպական Միության հետ։ Եւ Հայաստանը կարող է ինտեգրացիոն այս բեւեռների կամուրջ դառնալ։ Այս լավագույն հնարավորությունը չօգտագործելը կլինի աններելի։ Մեջբերեմ հրաշալի հայագետ Էլիզաբեթ Բաուերի խոսքը` «Հայաստանը եղել է քաղաքակրթության օրրան եւ մեր թվարկությունից առաջ դեռ 1-ին դարում Հայաստանի տնտեսությունը, արվեստը եւ ավանդույթները այնքան զարգացած էին, որ այդ մշակույթը խթան հանդիսացավ Եգիպտոսի, Հունաստանի եւ Հռոմի համար ինչպես նյութական, այնպես էլ հոգեւոր իմաստով»։

Կուսակցությունը եւ դաշինքը, որը ես գլխավորում եմ, առաջարկել է մեր երկրի զարգացման նոր տնտեսական մոդել, որի իրականացումը, ես հավատում եմ, սկիզբ կդնի Հայաստանի հաջողության պատմությանը։

Իսկ դրա համար անհրաժեշտ է, որ մեզանից յուրաքանչյուրը դառնա այն փոփոխությունը, որը կփոխի աշխարհը։

Գագիկ Ծառուկյան

«Բարգավաճ Հայաստան» կուսակցության նախագահ

Հայաստան

website by Sargssyan