Վտանգավոր հիստերիա. «Փաստ» ՔԱՂԱՔԱԿԱՆ
Քա­վոր-սա­նի­կա­կան կա­պե­րով եր­կի­րը ջրազր­կում էին. «Փաստ» ՔԱՂԱՔԱԿԱՆ
«Մի­ան­շա­նակ պետք է լի­նի մրցակ­ցու­թյուն, բայց այդ մրցակ­ց... ՀԱՐՑԱԶՐՈՒՅՑ
«Պետք է զին­վել համ­բե­րու­թյամբ և տես­նել, թե ինչ զար­գա­ցո... ՀԱՐՑԱԶՐՈՒՅՑ
«Սխալ­ներ և սկան­դալ­ներ հրահ­րող նա­խա­րար­նե­րը խնդիր­ներ ... ՀԱՐՑԱԶՐՈՒՅՑ
Երևան, 16.Հուլիս,
00
:
00
:
00
Փոխարժեք
478.65
$
560.79
Վրաստանի խորհրդարանը հաստատել է կառավարության նոր կազմը Հրդեհ Այգեպատ գյուղում. մեկնել է 2 մարտական հաշվարկ Վարչապետը հանդիպել է Ռոբերտ Աբաջյանի հորը, նրանք չեն արտագաղթել արտերկիր՝ աշխատելու այնտեղ Սյունիքի մարզի տներից մեկում նկատվել է շահմար տեսակի օձ Ամուլսարում որևէ գործողություն չենք կարող իրականացնել, եթե չունենք դրա համար դե յուրե հիմնավորում, այլապես կսկսվի ամենաթողություն. Նիկոլ Փաշինյան Կան մարդիկ, ովքեր ասում են՝ 1-2 ամիս կանցնի, և կմոռանան, կսկսեն կոռուպցիոն սխեմաներ գործել. ՀՀ վարչապետ Մոսկվայի հանձնումը բավարար փոխհատուցում չէ Ռուսաստանի գործած մեղքերի համար. Թրամփ Իրենց փողի պատճառով զինգրքույկներում գրառում չեն անում. «Դիրքապահ» ՀԿ-ն հանրահավաք եւ երթ կանցկացնի Ցավալի է, երբ կասկածի տակ են դնում Ռոբերտ Աբաջյանի անձնազոհությունը. Լեւոն Մնացականյան Քաբուլում մահապարտի մասնակցությամբ ահաբեկչական հարձակման հետեւանքով յոթ մարդ է զոհվել Ֆրանսիայի հավաքականն` աշխարհի չեմպիոն (տեսանյութ, լուսանկարներ) Արմեն Սարգսյանը և Կատարի էմիրը քննարկել են ՀՀ-ում ներդրումային ծրագրեր իրագործելու հնարավորությունները Վրաերթ Երեւանում. հետիոտնը չթույլատրված հատվածով է փողոցն անցել Մի շարք ավիափոխադրողներ ժամանակավորապես չեղարկել են չվերթներն Իրաքի հարավ Փորձ է արվում շահարկումներով ինձ կապել այս եկեղեցաքանդ և մոլեռանդ շարժմանը. Շիրակի թեմի առաջնորդը՝ կաթողիկոսի հրաժարականը պահանջող նախաձեռնության մասին Ադրբեջանում Սիրիայում ռազմական գործողությունների մասնակիցներ են ձերբակալվել Գյանջայի իրադարձությունների առնչությամբ. ՌԻԱ Նովոստի Ամասիա գյուղի «Սուրիկի աղբյուր» կոչվող տարածքում երեխա է կորել Թրամփը Մեծ Բրիտանիայի վարչապետին խորհուրդ է տվել դատի տալ ԵՄ-ին Երևանյան տներից մեկում շահմար տեսակի օձ է հայտնաբերվել Լուսիկ Ագուլեցուն վերջին հրաժեշտը կտան հուլիսի 16-ին

Պարույր Հայրիկյան. «Այս Սահմանադրության պայմաններում իրականացվող ցանկացած գործողություն ոչ լեգիտիմ է»

ԱԻՄ կուսակցության նախագահ Պարույր Հայրիկյանը, ինչպես ավելի վաղ տեղեկացրել էինք, լրատվամիջոցների հետ «շփվելու» 6-ամսյա ընդմիջում էր հայտարարել: Սակայն, ապրիլի 2-ին Ֆեյսբուք սոցիալական ցանցի իր միկրոբլոգում հասարակական-քաղաքական գործիչը, կատարելով հերթական գրառումն իրազեկեց, որ իր կողմից հայտարարված ժամկետն արդեն ավարտվել է:

Հիշեցնենք, որ նա ավելի վաղ հայտարարել էր, որ ՍԴ դիմելու և Սահմանադրության նոր տեքստը հակասահմանադրական ճանաչելու համար անհրաժեշտ էր հավաքել 200 հազար ստորագրություն: ԿԸՀ նախագահ Տիգրան Մուկուչյանը սակայն, անցյալ տարվա նոյեմբերին ստորագրություն հավաքելու ձևաթուղթ ներկայացնելու մասին ԿԸՀ ներկայացրած դիմումը մերժել էր՝ նշելով, որ այդ գործընթացը հնարավոր կլինի սկսել միայն 2018 թվականի ապրիլից, երբ ուժի մեջ մտնեն նոր նախագահի լիազորությունները: Այդ ժամանակվանից Պ. Հայրիկյանը որոշեց լռել:

Եվ այսօր, երբ արդեն թե՛ Հայրիկյանի հայտարարած 6-ամսյա դադարի ժամկետն է լրացել, թե՛արդեն ուժի մեջ են մտել Սահմանադրության նոր տեքստում ներառված դրույթները, իսկ մյուս կողմից էլ արդեն տեղի է ունեցել ՀՀ 4-րդ նախագահի երդմնակալության արարողությունը, Past.am-ը փորձեց հասարակական-քաղաքական գործչից հետաքրքրվել, թե ինչ փուլում է իր կողմից մեկնարկած Սահմանադրական բարեփոխումների հանրաքվեի գործընթացը և ՀՀ նախագահ Արմեն Սարգսյանն, իր կարծիքով, լեգիտի՞մ, թե ոչ լեգիտիմ նախագահ է:

«Ընդհանրապես այս Սահմանադրության պայմաններում իրականացվող բոլոր գործողությունները, ցավոք սրտի, ոչ լեգիտիմ են նախևառաջ այն պատճառով, որ այս Սահմանադրությունն ընդունվել է կեղծիքներով: Երկրորդ՝ քաղաքացիների իրավունքներն այնտեղ նվազեցված են: Խոսքն ամենևին էլ Արմեն Սարգսյանին չի վերաբերում, բայց փաստ է, որ երկրում տեղի ունեցող ամենակարևոր քաղաքական գործընթացների ժամանակ ուղղակիորեն նվազեցված է քաղաքացիների դերակատարությունը և մասնակցությունը: Ի դեպ, նախագահ ընտրելու կարգը խախտվել է երեկվանից: Եվ խախտումներով ընդունված Սահմանադրությամբ կատարված որևէ գործողություն չի կարելի օրինական կոչել»- ասաց Պ. Հայրիկյանը:

Հարցին, որ ստացվում է, թե իշխանություններն իրենց օրակարգով են առաջ շարժվում՝ ՀՀ նախագահ են ընտրում, երդմնակալության արարողություն են իրականացնում, վաղը մյուս օրը ՀՀ վարչապետ կընտրեն, սակայն ընդդիմադիր քաղաքական ուժերն ու գործիչները չեն կարողանում  միասնական օրակարգ ձևավորել: Այս պայմաններում, եթե անգամ հաջողվի հասարակությանը ոտքի հանել, ապա հնարավոր կլինի՞  որևէ լուրջ արդյունք ակնկալել, ԱԻՄ առաջնորդը պատասխանեց.

«Ընդհանրապես ովքեր մշտապես դժգոհ են եղել, միշտ էլ դժգոհ են: Այլ բան է, թե դժգոհությունը որքանով է հիմնավոր և արդարացվա՞ծ է, թե պարզապես ընդդիմադիրի դժգոհություն է: Եվ քանի որ մեր բարձրացրած հարցն ու պահանջը ո՛չ ընդդիմությանն է վերաբերում, ո՛չ էլ իշխանություններին, այլ օրինավոր Սահմանադրություն ունենալուն է վերաբերվում և համազգային հարց է՝ մարդու իրավունքներ, քաղաքացիների իրավունքների ամրագրում և ոչ թե դրանց նվազեցում, այլ՝ ավելացում:  Ուստի մենք տրամադրված ենք այդ ուղղությամբ աշխատել: Եվ եթե այդ ճանապարհին միջանկյալ քայլեր էլ լինեն, ապա ընդդիմադիր ուժերին մենք կաջակցենք, կզորակցենք և կարտահայտենք մեր համերաշխությունը: Բայց մենք ունենք մեր հստակ ճանապարհը, որով էլ առաջ ենք շարժվելու»,- ասաց Պ. Հայրիկյանը:

Նա չբացառեց, որ ապրիլի 13-ին կմասնակցի «Քաղաքացիական պայմանագիր» կուսակցության հրավիրած հանրահավաքին:

«Ամենայն հավանականությամբ կմասնակցեմ, քանի որ ինչ-որ պահի մենք դրական արտահայտվեցինք և մեր աջակցությունը ցուցաբերեցինք ինչպես Նիկոլ Փաշինյանի գործին, այնպես էլ Էդմոն Մարուքյանի դիրքորոշմանը: Այսինքն, բոլոր նրանք, ովքեր ցանկանում են մեր երկրի առաջընթացի համար ինչ-որ քայլ ձեռնարկել, բոլորին էլ աջակցում և զորակցում ենք, և բոլոր նման քայլերը մենք համարում ենք, որ մեր մեծ գործի նախապատրաստական քայլերն են»,- ասաց Պ. Հայրիկյանը:

Արմինե Գրիգորյան  

website by Sargssyan