Երևանից դուրս հեղափոխության մեսիջները սխալ են մեկնաբանվում. ... ՎԵՐԼՈՒԾԱԿԱՆ
Բարիկադները քանդվում են նաև տնտեսության մեջ. «Փաստ» ՔԱՂԱՔԱԿԱՆ
Բազմազավակ ընտանիքների հարցերը կարգավորելու օրենք չունենք. «... ՀԱՍԱՐԱԿՈՒԹՅՈՒՆ
«Մեր թիմն ու մեր ծրագիրը միայն օգնելու են Փաշինյանի կառավարո... ՀԱՐՑԱԶՐՈՒՅՑ
Քոչարյա՞նն է իրենից հեռացնում ՀՀԿ–ին, թե՞ հակառակը. «Փաստ» ՔԱՂԱՔԱԿԱՆ
Երևան, 22.Հոկտեմբեր,
00
:
00
:
00
Փոխարժեք
478.65
$
560.79
Կապանում ՔՊ քաղաքապետի թեկնածուն պարտվել է անկուսակցական Գևորգ Փարսյանին ՔՊ-ն ներկայացնող թեկնածուները հաղթել են Արմավիրում և Էջմիածնում, պարտվել՝ Կապանում, Հրազդանում հաղթել է ՔՊ-ական ,բայց ինքնաառաջադրված թեկնածուն.նախնական արդյունքներ Անթիլիասում տեղի է ունեցել Նիկոլ Փաշինյանի և Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսի հանդիպումը Ճապոնիայում տրանսպորտային ուղղաթիռից 600 կգ հեղուկ բետոն է թափվել ճանապարհին Էջմիածնում Դիանա Գասպարյանը բացարձակ առաջատարն է 10 ընտրատեղամասերում Եգիպտոսը երկարաձգվել է արտակարգ ռեժիմի դրությունը Կապանում ձայների մոտ 600 տարբերությամբ անկուսակցական թեկնածուն հաղթում է ՔՊ-ական քաղաքապետի թեկնածուին Արմավիրում քաղաքապետ է ընտրվել ՔՊ թեկնածու Դավիթ Խուդաթյանը «Փյունիկն» ու «Արարատ-Արմենիան» չպարզեցին հաղթողին ՏԻՄ ընտրություններին մասնակցել է ընտրելու իրավունք ունեցողների 43.28 %-ը կամ 94.222 քաղաքացի ՀՀ համայնքներում ընտրություններն ավարտվել են. ընտրատեղամասերում սկսվել է ձայների հաշվարկը «Անկախ դիտորդ» դաշինքը Հրազդանում և Վաղարշապատում մի քանի ընտրախախտումներ է հայտնաբերել Մահացել է քիմիայի ոլորտում Նոբելյան մրցանակի դափնեկիր Օսամու Սիմոմուրան Թող հավերժ ծաղկի Ձեր Հայրապետական գավազանը.Նիկոլ Փաշինյանն՝ Արամ Առաջինին ԱՄՆ նախագահի ազգային անվտանգության հարցերով խորհրդականը ժամանել է Մոսկվա Արմավիրում մարզպետի մեքենան նկատել են ընտրատեղամասերի մոտ. խորհրդականն արձագանքում է՝ մարզպետն աշխատավայրում է եղել Վրացական Ռուսթավիում պայթյուն է որոտացել. կա 12 վիրավոր Երևանի գլխավոր ճարտարապետ է նշանակվել Արթուր Մեսչյանը Ի՞նչ հարցեր են քննարկել Նիկոլ Փաշինյանն ու Լիբանանի նախագահը Թայվանում ռելսերից գնացքի դուրս գալու հետեւանքով առնվազն 17 մարդ է զոհվել

Նիկոլ Փաշինյան. «Եթե ԱԺ նիստերը հետաձգվեն, ապա դա մտնում է մեր գործողությունների տրամաբանության մեջ»

Արդեն մի քանի օր է «Քաղաքացիական պայմանագիր» կուսակցության ղեկավար, ԱԺ պատգամավոր Նիկոլ Փաշինյանը Ֆրանսիայի հրապարակից մեկնարկած անհնազանդությունների ալիք բարձրացնելը և տարբեր փողոցներ փակելը որակում է խաղաղ և քաղաքակիրթ քաղաքական պայքար, հանուն սեփական երկրի ազատագրման:

Այսօր, անհնազանդությունների չորրորդ օրը, երբ արդեն 10.00-ի սահմաններում փակվել էին Տերյան, Հերացի, Կորյուն, Աբովյան փողոցները և հիմնականում դադարեցվել էր մայրաքաղաքի կենտրոնի երթևեկությունը, Հերացի-Կորյուն հատվածում  խաղաղ ցուցարարների և «յաշիկ» տեսակի մեքենայի ուղևորների միջև ընդհարում տեղի ունեցավ:

Այդ ընթացքում, սակայն ոստիկանները երիտասարդների վրա մեքենան քշելու խաղաղ ցուցարարների հանդեպ բռնություն գործադրելը կանխելու և նրանց «յաշիկավորներից» ազատելու փոխարեն, հայտնվել էին դիտորդի կարգավիճակում: Այս փաստն իհարկե արձանագրվեց լրագրողների կողմից, իսկ ՔՊ խորհրդի անդամ, Երևան քաղաքի «Ելք» խմբակցության ավագանու անդամ Արայիկ Հարությունյանը ոստիկաններին ասաց, որ այս պայքարն ուղղված է նաև խաղաղ բնակչության վրա հարձակվողների հանդեպ ոստիկանության կողմից ցուցաբերվող անտարբերության դեմ:

Արձանագրենք, որ այն տեղի ունեցավ ՀՀ ոստիկանության շենքից մի քանի մետր հեռավորության վրա և մեքենայի ուևորներին բերման ենթարկելու փոխարեն ուժային այս կառույցը ձկան պես լուռ մնաց:

Ժամը 11.00-ի սահմաններում, երբ Ն. Փաշինյանին և իր համախոհներին արդեն հաջողվել էր փակել նաև մայրաքաղաքի Կենտրոն համայնքի Խանջյան-Վարդանանց փողոցների խաչմերուկը, լրագրողների հետ զրույցի ժամանակ ՔՊ կուսակցության ղեկավարը նշեց, որ իրենց կազմակերպած անհնազանդության խաղաղ ակցիայի ողջ ընթացքում մասնակիցներն անգամ մեկ թուփ չեն վնասել, իսկ սադրիչներին անմիջապես հեռացնում են իրենց շարքերից:

«Ով որ այդպիսի բան անի, մեր շարժման մասնակիցները գիտեն, որ դա սադրանք է և իրենք տեղում  պետք է չեզոքացնեն: Եթե որևէ մեկը մեր տրամաբանությունից դուրս որևէ գործողություն ձեռնարկի, ապա այդ գործողությամբ ինքը ոչ միայն մեր շարժման մասնակից չի, այլև մեր շարժման հակառակորդ է: Մեր կողմնակիցները պետք է տեղում նրանց չեզոքացնեն՝ ոտքերը, ձեռքերը բռնեն և առանց որևէ մարմնական վնասվածք պատճառելու թույլ չտան, որ նման գործողություններ իրականացնեն»,-ասաց Ն. Փաշինյանը:   

Նա նաև նշեց, որ ինքը չգիտի, թե այս պահին ինչ է կատարվում հանրապետականի ներսում և եթե անգամ իշխող կուսակցության ներսում հակասություն լինի, դա միևնույն է, ոչինչ էլ չի փոխի:

«Մեզ պետք չի որ նրանք մեզ միանան, թող իրենք հանգիստ գնան իրենց տներում նստեն, որովհետև եթե քաղաքացին փողոցում է, դրանով ամեն ինչ ասված է: Բացի այդ, սա «իմ քայլը» նախաձեռնությունն է և ով քայլ ունի անելու, թող իր քայլն անի: Այստեղ հավաքվածներն ամեն մեկն իր քայլն է կատարել: Եվ սա է ամբողջ էությունը: Եթե ազգային ժողովի նիստը վաղը չկայանա, դա մեզ ձեռնտու է, իսկ եթե նիստը տեղափոխվի այլ վայր, ապա մեր քայլը կլինի այն, որ Երևան մայրաքաղաքն ամբողջությամբ կվերցնենք մեր հսկողության տակ և թույլ չտանք, որ դուրս եկածները մտնեն մայրաքաղաք»,- ասաց Ն. Փաշինյանը:

Պատգամավորը հայտնեց, որ եթե ԱԺ նիստերն ընդհանրապես հետաձգվեն մի քանի օրով, ապա դա նույնպես տեղավորվում է իրենց գործողությունների տրամաբանության մեջ, իսկ դրան հաջորդող քայլերն արդեն մշակված են, որոնք էլ հերթով կիրականացվեն:

Արմինե Գրիգորյան

website by Sargssyan