ՊԱՏՄՈՒԹՅԱՆ ԱՅՍ ՕՐԸ (21 ՄԱՅԻՍԻ). Ար­գե­լա­փա­կել են գլխա­վոր ... ՀԱՍԱՐԱԿՈՒԹՅՈՒՆ
Ճանապարհները հերթով քանդվում են ՀԱՍԱՐԱԿՈՒԹՅՈՒՆ
Ազատվել է Հայաստանից տրված ցուցումով ՔԱՂԱՔԱԿԱՆ
Հայտարարության տեքստը էապես փոխվել է ՔԱՂԱՔԱԿԱՆ
... Եթե ձեզ զրպարտել կամ վիրավորել են ՀԱՍԱՐԱԿՈՒԹՅՈՒՆ
Երևան, 21.Մայիս,
00
:
00
:
00
Փոխարժեք
478.65
$
560.79

Փաշինյան-Ծառուկյանը համագործակցությունը ընդունվել է ժողովրդի կողմից, իսկ ժանգոտված արսենալը անզոր է ժողովրդի կամքի առաջ

Անտոն Սարոյանը ֆեյսբուքյան իր էջում գրում է.
 
Մի՞թե կարելի է լինել այնքան անսկզբունքային, որքան մեր լրատվականներից որոշներն են։ Հորինել, սադրել ու կատարել ստոր պատվեր՝ դրանով իսկ փորձելով որոշակի հակասական տրամադրություններ առաջացնել հասարակության մեջ։ Ահավասիկ «Իրավունք» օրաթերթը, իր այլևս իշխանազուրկ հովարանորների համար շարունակում է սևագործ աշխատանք կատարել։ Իսկ վերջիններիս կողմից հանձնարարվածն, անշուշտ, պետք է միտված լինի նրան, որ վարկաբեկելով նոր կառավարությանը, ժողովրդական շարժման գլուխում կանգնածներին ու այս շարժումը սատարողներին՝ կարողանա հետդարձի մի ուղի բացել նախկինների վերադարձի համար, իսկ վերոնշյալ թերթին՝ ապահովել յուղոտ պատառներով լեցուն կերակրատաշտին վերադարձով։

Թերթի սեփականտերը, ինչպես գիտենք, Հայկ Բաբուխանյանն է, ով նաև Ազգային Ժողովի պատգամավոր է, նախկին բոցկլտացող ընդդիմադիր, հիմա երդվյալ հանրապետական, ու դեռ հարց է, թե հետո ինչ է լինելու։ Իսկ մարդու կենսագրությունը ինքնին արարք է ու գործողություն։ Հենց այս մարդու կենսագրությանը համապատասխան էլ գործում է «Իրավունք» թերթը՝ անսկզբունքային ու սուտ նյութեր գրելով իր էջերում։ Վերջին շրջանում այս թերթի խմբագրակազմը սևեռված է Նիկոլ Փաշինյանի և համաժողովրդական շարժմանը միացած «Ծառուկյան» դաշինքի առաջնորդ Գագիկ Ծառուկյանի համագործակցության վրա։ Այս համագործակցության մեջ տեսնելով անպարտելի ուժ՝ Բաբուխանյանի «տերերը» իրենց ողջ արսենալը ի գործ են դնում՝ ամեն օր ու ամեն անգամ մի հերյուրանք հորինելով ու արտանետելով հասարակության մեջ։ 
 
Տևական ժամանակ նույն գործին նվիրվելը ակնհայտ է դարձնում, որ սա ստոր պատվեր է։ Ու այս իսկ պատճառով երեկ մամուլում արդեն տարածվեցին բացահայտ հակափաստարկներ այն մասին, որ հատկապես ու մասնավորապես սույն թերթը աշխատում է Ծառուկյան-Փաշինյան համագործակցության հիմքում հետին մտքեր որոնելու և նրանց միասնականությունը խաթարելու անազնիվ ու պառակտիչ մղումով։ Թերթի այսօրվա համարում խմբագրակազմը այս հակափաստարկները չեզոքացնելու նպատակով ՀՅԴ-ին էլ է մեջ գցել, բայց էլի նյութի հոսքը տարել է նույն ուղղությամբ՝ երգելով նույն անիմաստ երգը։

Այս պատվերն ուղղակի պատուհաս է դարձել «Իրավունք» թերթի և Հայկ Բաբուխանյանի գլխին, ու որքան էլ ջանան այն իրականացել, արդեն վերջինս դատապարտված է անհաջողության։ Թե՛ Փաշինյանը, թե՛ Ծառուկյանը և թե՛ այս երկու ուժերի համագործակցությունն արդեն վաղուց ընդունվել է մեր ժողովրդի կողմից, իսկ հիմա երկրում առաջնայինը հենց ժողովրդի կամքն է։ Հետևաբար, Բաբուխանյանը իր՝ վաղուց ժանգոտված ու սպառված արսենալով ոչ մի բանի չի կարող հասնել՝ բացի իր ու իր թերթի անվան վրա հերթական խզբզանքն ավելացնելուց։
 



website by Sargssyan