ՊԱՏՄՈՒԹՅԱՆ ԱՅՍ ՕՐԸ (21 ՄԱՅԻՍԻ). Ար­գե­լա­փա­կել են գլխա­վոր ... ՀԱՍԱՐԱԿՈՒԹՅՈՒՆ
Ճանապարհները հերթով քանդվում են ՀԱՍԱՐԱԿՈՒԹՅՈՒՆ
Ազատվել է Հայաստանից տրված ցուցումով ՔԱՂԱՔԱԿԱՆ
Հայտարարության տեքստը էապես փոխվել է ՔԱՂԱՔԱԿԱՆ
... Եթե ձեզ զրպարտել կամ վիրավորել են ՀԱՍԱՐԱԿՈՒԹՅՈՒՆ
Երևան, 21.Մայիս,
00
:
00
:
00
Փոխարժեք
478.65
$
560.79

Հայկ Բաբուխանյանի «Իրավունք» թերթի գործելաոճը ապացուցում է հին ասացվածքը․ կարմիր կովը իր կաշին չի փոխի

Գարիկ Գասպարյանը ֆեյսբուքյան իր էջում գրում է.
 
Հայաստանյան լրատվադաշտում կա մի թերթ, որը վերջին ժամանակներս ունի գործունեության հստակ ուղղվածություն ։ Դա նոր Կառավարության աշխատանքը սևացնելու, Նիկոլ Փաշինյանի և Գագիկ Ծառուկյանի համագործակցությունը պառակտելու, համաժողովրդական շարժման հաղթանակը հարցականի տակ դնելու գործունեությունն է, որը ի սկզբանե դատապարտված է ձախողման։ 
 
Ձախողման է դատապարտված, քանի որ ի դեմս Ծառուկյանի և Փաշինյանի գործ ունենք այսօր Հայաստանում ամենաբարձր վարկանիշն ունեցող գործիչների հետ, որոնց միասնությունը արտահայտում է ողջ հասարակության համակրանքն ու սերը։ Այսքանից հետո առնվազն հիմար պետք է լինել նման միասնության դեմ պայքարելու համար։

Բայց «Իրավունք» թերթը և նրա սեփականտեր Հայկ Բաբուխանյանը ապացուցում են, որ հիմար լինելը իրենց համար խնդիր չէ և լծվել են այդ անշնորհակալ ու նաև անիմաստ գործին։ Ամեն օր «Իրավունք» թերթը ինչ-որ սուտ կամ հիմարություն է գրում նոր Կառավարության, Ծառուկյան-Փաշինյան միասնության մասին, հղում անում իբր գոյություն ունեցող իր աղբյուրներին, կարճ ասած, փորձում պառակտել այդ միասնությունը և խարխլել համաժողովրդական շարժման հաղթանակը։

Սա ինչ խոսք անիմաստ գործ է, քանի որ ինչպես վերևում նշվեց, այդ միասնությունը ոչ միայն ամուր է, այլ նաև վայելում է ամբողջ հասարակության համակրանքը։ Դա նույնն է, որ փորձես գլխով կոտրել գրանիտի պես ամուր պատը։ Բայց Բաբուխանյանը երևի որոշել,է որ դա իր մոտ ստացվելու է, և արդեն տևական ժամանակ զբաղվածէ իր խարխուլ գլխով պատին խփելու գործով։ 

Իհարկե այս ամենի արդյունքում վաղ թե ուշ ճաքեր են առաջանալու, և ոչ թե պատին, այլ բնականաբար գլխի վրա։ Բայց դա նաև լավ է, քանի որ մի դատարկ գլուխ և նրա կողմից հովանավորվող ստախոս լրատվամիջոց կպակասի Հայաստանի քաղաքական դաշտից։ Այսպիսի արդյունքի են դատապարտված բոլոր այն անձինք, ովքեր առաջնորդվում են նման գործեալոճով։ Բաբուխանյանը իր ողջ կյանքում եղել է անսկբունքային գերծիչ ու հիմա էլ շարունակում է նույն ոճով։ Նախկին ընդդիմադիր, այսօր ՀՀԿ-ի խմբակցությունում հանգրվանած այս գործիչը վաղը պատրաստ է արագորեն մեկ այլ կուսակցության գրկում հայտնվել, եթե նրան համապատասխան փշրանքները տան։ Ինչպես հայտնի ժողովրդական խոսքն է ասում՝ կարմիր կովը իր կաշին չի փոխում։ 

Իսկ մինչ այդ ևս մեկ անգամ խորհուրդ ենք տալիս բոլորին լուրջ չվերաբերվել «Իրավունք» թերթին և նրա մատուցած ապատեղակատվությանը, քանի որ այս թերթը լծվել է կոնկրետ պատվեր կատարելու գործին և ցանկանում է խաթարել Հայաստանի երջանիկ ապագան։



website by Sargssyan