Անհայտ մարզպետների ու անհայտ այլոց ռեյտինգային խրախճանքը. «Փ... ՎԵՐԼՈՒԾԱԿԱՆ
Հին համակարգի քավության նոխազն ու վերաիմաստավորվելու ժամանակ... ՔԱՂԱՔԱԿԱՆ
Հերթական դժբախտ դեպքն ու Լոռու մարզպետի «քայլերը». «Փաստ» ՀԱՍԱՐԱԿՈՒԹՅՈՒՆ
«Երբ կարգին երկիր կունենանք, այդ ժամանակ կարելի է «կես բերան... ՀԱՐՑԱԶՐՈՒՅՑ
ԱԺ–ն այլ դերակատարում պետք է ստանձնի. հարկավոր է կառավարությ... ՔԱՂԱՔԱԿԱՆ
Երևան, 12.Դեկտեմբեր,
00
:
00
:
00
Փոխարժեք
478.65
$
560.79
Ստրասբուրգում տուժածների թվում, նախնական տվյալներով, Հայաստանի քաղաքացիներ և ազգությամբ հայեր չկան Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար Ոստիկանները բացահայտել են հանցագործության 53 դեպք Գյումրու տարվա լավագույն մարզիկ է ճանաչվել Գոռ Մինասյանը Կենտրոն եւ Էրեբունի վարչական շրջաններում ջուր չի լինի Քաղաքական դիակների տեղը քաղաքական աղբամանն է. Ի Տոնոյանը Արկադի Վարդանյանի մասին Նիկոլ Փաշինյանը նոր որոշում է ստորագրել Բքի պատճառով Վարդենյաց լեռնանցքը ծանրաքաշ և կցորդիչով տրանսպորտային միջոցների համար փակ է Թուրքիայի խորհրդարանում պատգամավորները վիճել և քաշքշել են միմյանց Ալեքսանդր Սպենդիարյանի տուն-թանգարանը մրցանակների արժանացրեց իր աջակիցներին Դահուկորդ Սերգեյ Միքայելյանը բաց կթողնի ևս մեկ մրցաշրջան Նոր սերնդի IQOS 3-ի վաճառքը արդեն մեկնարկել է Հայաստանում Հին սկզբունքներով նոր կանցլեր Գերմանիայում 5 տարի հետո մեր դպրոցն անճանաչելի է դառնալու. Արայիկ Հարությունյան Շիրակի մարզի Փոքր Սարիար գյուղի դպրոցում կոռուպցիոն հանցագործության դեպք է բացահայտվել. մարզի դատախազը դիմել է մարզպետին Մանվել Գրիգորյանի կալանքը երկարաձգվեց ևս երկու ամսով Ոստիկանությունը բերման է ենթարկել 22-ամյա աղջկա մարմնական վնասվածք պատճառելու կասկածանքով Երևանի Կենդանաբանական այգու բեզոարյան այծերից մեկը հայտնաբերվել է սատկած վիճակում Գեղարքունիքի մարզում իրականացվում են ճանապարհների մաքրման եւ մշակման աշխատանքներ Առերևույթ կաշառք ստանալու դեպք Երևանի 192 դպրոցում. հարուցվել է քրեական գործ

«Մեր նպատակը չի եղել մեկ լավ դպրոց ստեղծելը». Դավիթ Յանի նամակն՝ Արայիկ Հարությունյանին

Դավիթ Յանը ֆեյսբուքյան իր էջում գրում է.

«Հարգելի Արայիկ Հարությունյան,

Հպարտ եմ, որ ծնվել եմ Հայաստանում: Մայրս հայ է, հայրս`չինացի: Կյանքիս առաջին 17 տարիներն անցկացրել եմ Հայաստանում։ Հայաստանն ինձ տվել է կյանքիս ամենակարևոր բանը՝ կրթություն։ Այնուհետև ընդունվել եմ Մոսկվայի ֆիզիկատեխնիկական ինստիտուտ (ֆիզտեխ)՝ ԽՍՀՄ-ի լավագույն համալսարանը, որտեղ ընդունվել եմ ոչ միայն ծնողներիս շնորհիվ, որոնք երկուսն էլ ֆիզիկոսներ են, ոչ միայն Երևանի ֆիզիկայի ինստիտուտի (ԵրՖի) և Ֆիզիկամաթեմատիկական (ֆիզմաթ) դպրոցի իմ ուսուցիչներ Գագիկ Գրիգորյանի, Արշավիր Ստեփանյանի և շատ այլ փայլուն ուսուցիչների շնորհիվ, այլ նաև շնորհիվ իմ ավագ դասընկերներ և օլիմպիադայի հաղթողներ Մաթևոս Արամյանի և Աշոտ Ասլանյանի, որոնք մեզ ֆիզիկա էին սովորեցնում։

Այսօր իմ առաջին ընկերությունը՝ ABBYY-ն, համաշխարհային առաջատար է արհեստական բանականության ոլորտում և գրասենյակներ ունի աշխարհի 11 երկրում, ունի ավելի քանի 1000 աշխատակից, 400 պատենտ և 50 միլիոն օգտատեր աշխարհի 200 երկրում։

2006 թվականին Ֆիզմաթի/Ֆիզտեխի 8 շրջանավարտներով, այդ թվում՝ Արամ Փախչանյանը, Արթուր Բերդը, Աշոտ Ասլանյանը, Դավիթ Փախչանյանը, Կարեն Մուսայելյանը, Կարո Սարգսյանը և տեր Մեսրոպ (Մաթևոս) քահանա Արամյանը՝ մարդիկ, որոնք զգալի մասնագիտական և բիզնես հաջողություններ էին գրանցել իրենց կյանքում, հավաքվեցինք մեր տանը և որոշեցինք մեր ներդրումն ունենալ Հայաստանի և հայկական կրթության զարգացման գործում՝ հավատալով, որ կրթությունն աշխարհը վերափոխելու և ավելի լավ տեղ դարձնելու միակ միջոցն է։ Այս նպատակով մենք հանձն առանք նվիրաբերել գումարներ և աշխարհի տարբեր ծայրերից ներգրավել ավելի շատ մարդկանց՝ ստեղծելու՝

ա) «ապագայի դպրոց» և
բ) կրթական հիմնադրամ, որը զգալիորեն կբարելավի կրթության որակը Հայաստանի հարյուրավոր դպրոցներում։

Մենք հավատում ենք, որ վերջին 12 տարում այն շարունակական ջանքերը, որոնք ներդրել են «Այբ» համայնքի անդամները, այդ թվում՝ Դավիթ Սահակյանը, Գագիկ Գրիգորյանը, Անահիտ Ադամյանը, Աշոտ Ասլանյանը, Աշոտ Թումասյանը, Աշոտ Մկրտչյանը, Ավետիք Չալաբյանը, Արամ Արամյանը, Արամ Փախչանյանը, Արեգ Զաքոյանը, Արթուր Ալավերդյանը, Արթուր Բերդը, Արթուր Թովմասյանը, Արթուր Ջանիբեկյանը, Արմեն Խեչոյանը, Արմեն Կազարովը, Արմինե Առուստամյանը, Արսեն Գալստյանը, Արսեն Ղազարյանը, Արսեն Մամիկոնյանը, Արտակ Օգանեսյանը, Արտաշես Շիրիկյանը, Արտյոմ Գրիգորյանը, Դավիթ Յանը, Դավիթ Փախչանյանը, Լևոն Ղազարյանը, Լևոն Ֆրնջիբաշյանը, Կարեն Մուսայելյանը, Կարո Սարգսյանը, Մանուկ Հերգնյանը, Մարտիրոս Մինասյանը, Յուլիա Դանիելյանը, Նատալյա Ռիժկովան, Ռուբեն Հարությունյանը, Ռուբեն Սիմոնյանը, Սահակ Պետրոսյանը, Սամվել Դովլաթյանը, Սարգիս Բադալյանը, Սերգեյ Ստեփանյանցը, Սուրեն Հարությունյանը, Վահե Ամիրբեկյանը, Վարդան Բաբիկյանը, Վիկտոր Ակուլյանը, Արմեն Մելքումյանը, Արմեն Շահինյանը, Արսեն Աղաջանյանը, Արտեմ Կոնստանդյանը, Ղարիբ Մովսիսյանը, Սերգեյ Համբարձումյանը, Ալյոնա Յանը, Սիլվա Յանը, Յան Շին և այլ ընկերներ, մեզ այսօր ավելի են մոտեցրել մեր սկզբնական նպատակին։

Իմ երեխաները հաճախում են Սիլիկոնյան հովտի լավագույն դպրոցներից մեկը, իսկ Սիլիկոնյան հովտի միջին և ավագ դպրոցները համարվում են լավագույնը ողջ ԱՄՆ-ում։ Եվ ես Ձեզ կարող եմ վստահությամբ ասել, որ «Այբ» դպրոցը որևէ կերպ չի զիջում այդ դպրոցներին։ «Այբ» դպրոցի և նրա տված կրթության մասին չեմ խոսի. դրա մասին կփաստեն մյուսները: Իրականությունն այն է, որ «Այբ» դպրոցը շատ ավելի հզոր է, քանի ԱՄՆ-ի՝ լավագույնը համարվող դպրոցներից շատերը։

Մեր նպատակը ՉԻ ԵՂԵԼ ՄԵԿ ԼԱՎ ԴՊՐՈՑ ՍՏԵՂԾԵԼԸ։ Մենք ցանկանում էինք զգալիորեն բարձրացնել կրթության նշաձողը Հայաստանում։ Դա նշանակում է լուսավորել և զարգացնել ուսուցիչներին՝ նրանց փոխանցելով դասավանդման նոր հմտություններ ու մեթոդներ, բարձրացնել նրանց աշխատավարձերը՝ ամսական 150 ԱՄՆ դոլարից հասցնելով 1000-ի, բարելավել սարքավորումներով հագեցվածությունն այն դպրոցներում, որոնք ձգտում են բարձրացնել կրթության նշաձողը, և ամենակարևորը՝ ժամանակակից պահանջներին համապատասխանեցնել կրթական բովանդակությունը և այն դարձնել առաջատար։

Ահա թե ինչու ենք ստեղծել «Այբ» կրթական հիմնադրամը, սկսել «Արարատյան բակալավրիատ» ծրագիրը, «Կենգուրու» մաթեմատիկական մրցույթը և այլն։

Ես գիտեմ, որ Դուք իսկական հայրենասեր եք, այնպես, ինչպես մենք: Ողջունում եմ «Այբ» համայնքի հետ հանդիպելու և մեր սիրելի Հայաստանի կրթական համակարգի բարելավման ուղիները քննարկելու Ձեր առաջարկը: Որպես ՀՀ կրթության նախարար՝ Ձեր ստանձնած աշխատանքը երկրում ամենաբարդերից մեկն է: «Այբ» համայնքի յուրաքանչյուր անդամ ի սրտե ցանկանում է, որ Դուք հաջողեք Հայաստանում կրթական համակարգի բարելավման Ձեր առաքելության ճանապարհին: Խնդրում ենք մեզ տեղեկացնել, թե երբ Ձեզ հարմար կլինի հանդիպել և անցնել գործնական քննարկումների:

ՀԳ․ Ստորև կարող եք դիտել իմ ելույթը «Այբ» դպրոցի ավարտական հանդիսությանը։

website by Sargssyan