Ծաղկեպսակից մինչև որակյալ դրոն. «Փաստ»
ՔԱՂԱՔԱԿԱՆ«Փաստ» օրաթերթը գրում է.
Վերջին օրերի բացահայտումների ազդեցությունը հայաստանյան հասարակության վրա որքան սպասելի, նույնքան էլ շոկային էր: Չնայած այն փաստին, որ գրեթե բոլորս առնվազն ենթադրել ենք չարաշահումների, յուրացումների, կոռուպցիայի առկայությունը նախկին իշխանությունների օրոք, այնուամենայնիվ կային բաներ, որոնք ամենահոռետես մոտեցման դեպքում անգամ դժվար էր պատկերացնել: Սակայն այս ամենին զուգահեռ սկիզբ է առնում մի արատավոր երևույթ, որը կարծես թե զանգվածային հոգեխանգարման է դրդում հասարակությանը:
Տպավորություն է, թե բացահայտումների տեսանյութերի և հրապարակումների առաջնային թիրախներից մեկը լրատվականների համար սկանդալային վերնագրեր ապահովելն է՝ լինի դա Մանվել Գրիգորյանի տան խուզարկությունից հայտնաբերված ծաղկեպսակը, թե Ալեքսանդր Սարգսյանին Սայաթ-Նովայի պողոտայից ի ցույց ամենքի բերման ենթարկելը: Կարծես թե հստակ նպատակադրվածությամբ ուղղակի փորձ է արվում հավել յալ սկանդալայնություն հաղորդել կատարվող իրադարձություններին, թեկուզ երևույթներն ինքնին բավարար սկանդալային են: Ի վերջո, պարզ է, որ Մանվել Գրիգորյանը առնչվում է բազմաթիվ հանցագործությունների հետ: Հուսանք, որ առաջիկայում կպարզվեն Ալեքսանդր Սարգսյանի գործունեության իրեղեն, փաստական տվյալներ: Եվ ընդհանրապես, բոլոր նրանց, ովքեր թալանել են երկիրն ու ժողովրդին: Ու այդ բոլորը պետք է բացահայտել մինչև վերջ: Սակայն ցանկացած իրադրության կամ գործողության մեջ պետք է լինի պարզ և տրամաբանական բացատրություն, ու դրա համար հազիվ թե լավագույն ճանապարհը հասարակության ուշադրությունը հատուկ «հասցեատիրոջը չհասած ծաղկեպսակի» վրա սևեռելն է ու ընդհանրապես հաղորդագրություն գրելիս դրանց հրապարակայնացման վերնագրի ու զանգվածների վրա հոգեբանական ազդեցության մասին առաջին հերթին մտածելը, որևէ մեկի ձերբակալությունը համազգային տոն դարձնելը: Լավագույն ճանապարհը չէ նաև միջակից ցածր մակարդակի տեսանյութը, որի միակ գնահատելին դրոնների որակյալ աշխատանքն էր:
Կարճ ասած շոուն՝ շոու, բայց հասարակությանը նաև այլ «կերակուր» է պետք, այսպիսի ցուցադրական «կուտերով» երկար չես պահի...
Շարունակությունը՝ «Փաստ» օրաթերթի այսօրվա համարում