Մարզպետարանների աշխատակազմերը էապես կկրճատվեն. «Փաստ»
ՔԱՂԱՔԱԿԱՆ«Փաստ» օրաթերթը գրում է.
Համայնքների խոշորացման ծրագիրը բազմաթիվ տարակարծությունների տեղիք է տվել, սակայն փաստը մնում է փաստ, որ այդ ծրագրի մեծ մասն արդեն կյանքի է կոչվել: Ամենայն հավանականությամբ, նոր իշխանությունները ստիպված կլինեն այն ավարտին հասցնել, քանզի շատ քիչ համայնքներ են մնացել, այսպես ասած, չխոշորացված:
«Փաստ» օրաթերթին հասած տեղեկությունների համաձայն, ներկայումս կառավարությունում փորձում են հասկանալ վերջնական խոշորացումից հետո մարզպետարանների դերի հարցը: Բանն այն է, որ այդ պարագայում ներկայիս գործառույթներով ու կազմերով անիմաստ կդառնա մարզպետարանների գոյությունը, թեպետ հիմա էլ անհասկանալի խնդիրներ կան՝ կապված ընտրովի, ինչպես նաև մունիցիպալ այլ մարմինների հետ աշխատանքի սկզբունքների, վերադասության և այլ հարցերի հետ կապված:
Նույն աղբյուրի պնդմամբ, քննարկվում է մարզպետարանները սոսկ կառավարության և համայնքների միջև կապող օղակ դարձնելու հարցը, ինչի արդյունքում էապես կկրճատվեն աշխատակազմերը՝ հասնելով 20–30 աշխատակցի: Հիշեցնենք, որ ներկայումս մարզպետարաններում աշխատում է ընդհուպ մինչև 200 մարդ: Ամենայն հավանականությամբ, այս հարցին կառավարությունը կանդրադառնա արտահերթ ընտրություններից հետո:
Շարունակությունը՝ «Փաստ» օրաթերթի այսօրվա համարում