Սաակավշիլին պահանջել է իրեն վերադարձնել վրացական քաղաքացիությունը
ՄԻՋԱԶԳԱՅԻՆՄիխեիլ Սաակաշվիլին պահանջել է իրեն վերադարձնել վրացական քաղաքացիություն երկրի քաղաքական կյանքում մասնակցելու հնարավորություն ստանալու համար, գրում է «ՌԻԱ Նովոստի»-ն:
«Մարգվելաշվիլին (Վրաստանի նախագահ Գեորգի Մարգվելաշվիլի–խմբ.) բացարձակ վախկոտ է, որովհետև նախ և առաջ նա է ինձանից խլել քաղաքացիությունը: Եթե նա ունի տարրական քաջություն, եթե նա ունի մարդկային թեկուզ մի կաթիլ, թող ինձ վերադարձնի Վրաստանի քաղաքացիությունը: Ինձ թույլ տվեք գալ Վրաստան, և ես ձեզ ցույց կտամ, թե ումից է վախենում կառավարությունը և ումով են վախեցնելու ժողովրդին»,- ասել է Սաակաշվիլին «Ռուսթավի 2»-ի եթերում:
Սաակաշվիլին պնդել է, որ նա զրկվել է քաղաքացիությունից խախտումներով:
«Ինչո՞ւ են ոչ կառավարական կազմակերպությունները լռում այն մասին, որ ինձ իրավունք չեն տալիս մասնակցելու նախագահական ընտրություններին»,- հարցրել է նա:
«Սաակաշվիլին հիանալի գիտի, որ նախագահ Մարգվելաշվիլին նրանից չի խլել Վրաստանի քաղաքացիությունը: Նա գիտակցված ձևով անձամբ հրաժարվել է Վրաստանի քաղաքացիությունից Ուկրաինայի քաղաքացիության դիմաց: Բացի այդ այս ողջ ընթացքում նա ոչ մի անգամ չի դիմել քաղաքացիությունը վերադարձնելու խնդրանքով»,- հայտարարել է գրասենյակի ղեկավար Գեորգի Աբաշիշվիլին:
Սաակաշվիլին զրկվել է Վրաստանի քաղաքացիությունից 2015 թվականի մայիսին այն բանից հետո, երբ ուկրաինական անձնագիր է ստացել: