ՊԱՏՄՈՒԹՅԱՆ ԱՅՍ ՕՐԸ (19 ՍԵՊՏԵՄԲԵՐԻ)․ Մի­կի Մա­ու­սը, «սմայ­լի... ՀԱՍԱՐԱԿՈՒԹՅՈՒՆ
Սի­րա­հար­վել է Հա­յաս­տա­նին, կե­րել է փախ­լա­վա ու նաև չի ... ՄԻՋԱԶԳԱՅԻՆ
Անում են ամեն ինչ, որ­պես­զի այլ հա­կա­մար­տու­թյուն­ներ էլ ... ՄԻՋԱԶԳԱՅԻՆ
Ի՞նչ գույք է վաճառել ու ի՞նչ է ձեռք բերել Արտաշատի քաղաքապետը ՀԱՍԱՐԱԿՈՒԹՅՈՒՆ
«Ար­վես­տի վաս­տա­կա­վոր գոր­ծիչ եմ, ո՞վ ինձ կան­չեց, որ մի ... ՀԱՐՑԱԶՐՈՒՅՑ
Երևան, 20.Սեպտեմբեր,
00
:
00
:
00
Փոխարժեք
478.65
$
560.79
Իսպանիայում կինը խեղդամահ է արել իր փեսացուի 8-ամյա երեխային Ֆրանսիայում կողոպտել են ամենահարուստ դղյակներից մեկը. Կողոպտիչները տարել են 2 մլն եվրո Երկրաշարժ՝ Շիրակի մարզում․ 3 գյուղերում ցնցման ուժգնությունը կազմել է 3 բալ Երևանում բնակարանի գազի արտահոսքից առաջացած բոցից 4 անձ է տուժել, այդ թվում՝ երեխա. Shamshyan.com Ռիվալդո. Ռեալը զայրացնում է մրցակիցներին շատ տիտղոսներ նվաճելու պատճառով Ստամբուլում հզոր պայթյուն է որոտացել քիմիական գործարանում (տեսանյութ) Վանաձորում՝ հարսանյաց սրահի դիմաց, վրաերթի է ենթարկվել 64-ամյա հետիոտնը. նա ԲԿ-ում մահացել է. Shamshyan.com Երևանի Շիրակի փողոցում բախվել են Lexus RX-ն ու BMW 320-ը. կա տուժած Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ (ֆոտո) Երևանի Նոր Արեշի բնակարաններից մեկում դի է հայտնաբերվել Նիկոլ Փաշինյանն այցելել է Հանրային հեռուստաընկերություն. ուղիղ Արտաշատի թատրոնում յուրացումներ են արվել, նախկին տնօրենը հեռացված է, նոր տնօրենը չկա

Ախալքալաքի Կուլիկամ գյուղի տոնը նշվեց հետաքրքիր միջոցառումներով

 

 Ախալքալաքի շրջանի Կուլիկամ գյուղի օրը առաջին անգամ մեծ հանդիսավորությամբ նշվեց հուլիսի 1-ին: «Արմենպրես»-ի հաղորդմամբ` տոնը նշանավորվեց Սբ. Երրորդություն եկեղեցու վերաօծմամբ և գյուղամեջում Արցախյան հերոսամարտի մասնակից, ծնունդով Կուլիկամ գյուղից Արթուր Ղարիբյանի հուշաքարի բացմամբ:

 

Տոնակատարությանը ներկա էին Վիրահայոց թեմի առաջնորդ, Գերաշնորհ Տեր Վազգեն եպիսկոպոս Միրզախանյանը, Վրաստանի խորհրդարանի պատգամավոր Սամվել Մանուկյանը, Արցախյան հերոսամարտի մասնակից Արթուր Ղարիբյանի եղբայրը՝ Գրիգոր Ղարիբյանը, հուշաքարի բացման նախաձեռնող Արմեն Ուզունյանը, բարերար Աղվան Աջամօղլյանը, «Ջավախքին աջակցություն» հիմնադրամի տնօրենի տեղակալ, ծնունդով Կուլիկամ գյուղից Սամվել Մկոյանը, բազմաթիվ կուլիկամցիներ, հյուրեր Ռուսաստանի Դաշնությունից և Հայաստանից:

 

Տոնական օրը սկսվեց եկեղեցու վերաօծման արարողությամբ՝ ձեռամբ Վիրահայոց թեմի առաջնորդ, Գերաշնորհ Տեր Վազգեն եպիսկոպոս Միրզախանյանի: Վերաօծվեցին եկեղեցու 16 սյուները, Սուրբ խորանը, մկրտության ավազանն ու սրբապատկերները: Արդեն վերաօծված եկեղեցում Սուրբ Պատարագը մատուցեց Ախալքալաքի և շրջակա գյուղերի հոգևոր հովիվ Արժանապատիվ Տեր Տաթև քահանա Մարուքյանը:

 

Սբ. Երրորդություն եկեղեցին վերակառուցվել է ծնունդով կուլիկամցի, ռուսաստանաբնակ Ստեփան Ուզունյանի բարերարությամբ: Եկեղեցու վերանորոգման աշխատանքներին իրենց ներդրումն են ունեցել նաև բազմաթիվ կուլիկամցիներ:

 

Սուրբ Պատարագից հետո գյուղամեջում տեղի ունեցավ արցախյան գոյամարտի մասնակից, ծնունդով Կուլիկամ գյուղից Արթուր Ղարիբյանի հուշաքարի բացումը: Հուշաքարը բացվեց Արմեն Ուզունյանի նախաձեռնությամբ և բարերար Աղվան Աջամօղլյանի ու համագյուղացիների համատեղ ջանքերով: Հուշաքարի բացմանը ներկա էին նաև Արթուրի մարտական ընկերները: Գեղարվեստական տարբեր կատարումներով հանդես եկան Ա. Ղարիբյանի անունը կրող հանրային դպրոցի սաները: Հնչեցին հերոսին նվիրված բանաստեղծություններ և երգեր:

 

Տոնական օրն ավարտվեց վերջերս վերանորոգված հանդիսությունների սրահում ավանդական մատաղի օրհնության կարգով և համտեսով:

 

website by Sargssyan