Ամերիա Սերունդ. 2012թ.-ից երիտասարդների կողքին ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (21 ՓԵՏՐՎԱՐԻ). Նիկոլ Փաշինյանը հայտարարել... ՀԱՍԱՐԱԿՈՒԹՅՈՒՆ
Հայաստանը վտանգի է ենթարկվում «դառնալ դաշտ, որտեղ տեղի են ու... ՄԻՋԱԶԳԱՅԻՆ
Երեխայի հանրային ծառայությունների համարանիշը կամրագրվի ծննդյ... ՀԱՍԱՐԱԿՈՒԹՅՈՒՆ
«Սննդամթերքի անվտանգության ոլորտի բարեփոխումների համար միայն... ՀԱՐՑԱԶՐՈՒՅՑ
Երևան, 21.Փետրվար,
00
:
00
:
00
Փոխարժեք
478.65
$
560.79
Բենզինի շուկայի նոր անունները. ովքեր են մուտք գործել «յուղոտ» շուկա Նիկոլ Փաշինյանը ցավակցական հեռագիր է հղել Անգելա Մերկելին Վարպետության դասեր լավագույն դաշնակահարների համար Մալթայի միջազգային փառատոնի շրջանակներում «Ամոթ ձեզ, ծաղրածուներ» նորածիններին կորցրած մայրերը՝ Ռազմիկ Աբրահամյանին (տեսանյութ) Ամերիա Սերունդ. 2012թ.-ից երիտասարդների կողքին Ոստիկանությունը բացահայտել է պետությանը պատճառված 34 մլն դրամից ավելի վնաս հասցնելու դեպք (տեսանյութ) Լուսաձոր համայնքի ղեկավարը կազմակերպել է ձևական աճուրդներ և հողատարածքներ վաճառել տարբեր անձանց (տեսանյութ) Մոնիկա Բելլուչին նոր ֆոտոշարքում ցուցադրել է իր էլ ավելի սլացիկ դարձած կազմվածքը Ընթանում է Երվանդ Մանարյանի հոգեհանգիստը. մասնակցում է Նիկոլ Փաշինյանը (ուղիղ) Կեղծ մրցույթ են հայտարարում, հետո իրենց աչքադրած մարդու հետ պայմանագիր կնքում. Սերգեյ Բագրատյան Նորածին փոքրիկն իր մեկամսյակը նշում է բժշկական կենտրոնում․ մայրը լքել է նրան (տեսանյութ)

Գորիսի պատմամշակութային հուշարձաններն ու հետաքրքիր պատմությունները ներկայացված են «Հին և նոր Գորիս» պատկերագրքում

 

 Սեն Հովհաննիսյանի «Հին և նոր Գորիս» պատկերագիրքը թերթելիս հետաքրքրասերները կարող են ծանոթանալ Գորիսի պատմությանը, տեսարժան վայրերին, պատմամշակութային արժեքներին:

 

Ռուսերեն և անգլերեն լեզուներով գրքի շնորհանդեսն անցկացվեց հուլիսի 8-ին «Գորիսը ԱՊՀ մշակութային մայրաքաղաք» ծրագրի շրջանակում:

 

«Պատկերագրքում ներառվել է քաղաքի ստեղծման պատմությունը, գորիսեցիների նիստուկացը, նրանց տարազը, արվեստը։ Գորիսը ոչ միայն հայ, այլև համաշխարհային մշակույթի մեջ մեծ տեղ ունի: Ափսոսում եմ, որ քիչ է ուսումնասիրված. կան հրաշալի աշխատություններ, բայց իմ ուշադրությունը գրավեց մշակութային ժառանգությունը, որն առանձին գրքով չի հրատարակվել։ Տպագրվել է 1000 օրինակ»,-«Արմենպրես»-ի հաղորդմամբ` նշեց պատկերագրքի հեղինակ Սեն Հովհաննիսյանը:

 

Հայաստանի ազգային գրադարանի տնօրեն Տիգրան Զարգարյանի խոսքով, գիրքը   վերցնելով, կարող ենք տեսնել, թե ինչով է հարուստ այս տարածաշրջանը: «Շատ ուրախ ենք, որ այն լույս է տեսել և հույս ունենք, որ իր արժանի տեղը կգտնի բոլոր գրախանութներում»,-ասաց նա:

 

Ակսել Բակունցի տուն-թանգարանի տնօրեն Վարդան Սարգսյանը պատմեց, որ վերջերս իրեն բախտ է վիճակվել ծանոթանալ Սեն Հովհաննիսյանի հետ: «Նա այցելել էր Գորիս այս պատկերագիրքը կյանքի կոչելու համար: Նրա հետ շփումից պարզ դարձավ, որ Հովհաննիսյանը բազմաշնորհ և տաղանդավոր անձնավորություն է, նրա հետաքրքրությունների շրջանակը շատ մեծ է: Նա զբաղվում է և’ քարտեզագրությայմբ և ազգագրությամբ, և’ հրատարակչական գործով»,-շեշտեց նա:

 

Սարգսյանը հավելեց, որ այս կարևոր աշխատանքում իրենց ուժերի սահմաններում փորձել են աջակցել նրան: «Հովհաննիսյանը կարողացել է փայլուն արտացոլել Գորիսի պատմությունը հնագույն ժամանակներից մինչև մեր օրերը, Գորիսը, որը քաղաքակրթության հնագույն օջախներից է»,-ընդգծեց նա:

 

Համագործակցության մշակութային մայրա­քաղաքներ» միջպե­տա­կան ծրագրի կանոնակարգով, Հայաստանը 2016 թվականի դեկ­տեմբերին ԱՊՀ գործադիր կոմիտեին առաջարկություն էր ներկայացրել՝ Սյունիքի մարզի Գորիս համայնքը 2018 թվա­կանի ԱՊՀ մշակութային մայրաքաղաք հայտարարելու վերաբերյալ:

 

Հայաստանի արտաքին գործերի նախարար Էդվարդ Նալբանդյանը 2017 թվականի ապրիլի 7-ին Տաշքենդում մասնակցել և ելույթ է ունեցել ԱՊՀ ԱԳ նախարարների խորհրդի նիստին:

 

Հենց այս օրը արտգործնախարարների խորհուրդը որոշել է հավանություն տալ Հայաստանի Գորիս քաղաքը որպես 2018 թվականին ԱՊՀ մշակութային մայրաքաղաք հռչակելու մասին որոշման նախագծին։

 

 

 

website by Sargssyan