Փորձագիտական կենտրոնում «արշալույսները» խաղաղ չեն. «Փաստ»
ՔԱՂԱՔԱԿԱՆ«Փաստ» օրաթերթը գրում է.
ՀՀ մշակույթի նախարարի հրամանով օրեր առաջ Մշակութային արժեքների փորձագիտական կենտոնի տնօրեն է նշանակվել Լիլիթ Սարգսյանը: Այն, որ նախկին տնօրեն Շողիկ Ասոյանը վերջապես ազատվել է ախատանքից, ոլորտի մասնագետների զգալի մասը օրինաչափ է ընդունում. ի վերջո, կարևորագույն այդ կառույցին թարմություն է պետք: Սակայն, արի ու տես, որ նոր տնօրենի աշխատանքը սահուն չի ընթանում, ինչի ադյունքում կենտրոնի գործունեությունը լուրջ խնդիրների առջև է կանգնած: Ավելին, Լիլիթ Սարգսյանն իր ֆեյսբուքյան էջում դժգոհում է, թե «սաբոտաժը շարունակվում է», իսկ ինքը շարունակում է «նոր թիմ հավաքել»: Այս փաստն անհանգստացրել էր ոլորտի մասնագետներին՝ մտավախություն ունենալով, որ «նոր թիմ հավաքելու» անվան տակ գուցե անվերադարձ կորցնենք բացառիկ մասնագետների, որոնք կան այս կենտրոնում: Մեզ հետ զրույցում, որը շատ հետաքրքիր էր ու գրեթե բոլոր հարցերի պատասխանը տալիս էր, կենտրոնի տնօրենը համոզմունք հայտնեց, որ սաբոտաժի հեղինակն, իր համոզմամբ, կենտրոնի նախկին ղեկավարությունն է: Միևնույն ժամանակ նա հավաստիացրեց, որ խնդիրները ոչ թե մասնագետների, փորձագետների, այլ վարչական ու տեխնիկական աշխատակիցների հետ են կապված: Սակայն, այն բանից հետո, երբ բացառության կարգով ընդառաջեցինք և հնարավորություն տվեցինք մինչև տպագրելը կարդալ հարցազրույցը, Լ. Սարգսյանը որոշեց ամբողջովին խմբագրել իր ասածները՝ անհասկանալի պատճառաբանություններով: Երբ տեղեկացրեցինք, որ ձայնագրության և տեքստային տարբերակի նման տարբերությունն անընդունելի է, նա որոշեց «պահանջել», հասկանո՞ւմ եք՝ պահանջել, որ հարցազրույցը չտպագրվի, ինչն արդեն իսկ տարօրինակ է: Հարցազրույցը չենք տպագրում, բայց հաջորդ համարում մանրամասն կանդրադառնանք այս «ոդիսականին»:
Շարունակությունը՝ «Փաստ» օրաթերթի այսօրվա համարում