Երևանից դուրս հեղափոխության մեսիջները սխալ են մեկնաբանվում. ... ՎԵՐԼՈՒԾԱԿԱՆ
Բարիկադները քանդվում են նաև տնտեսության մեջ. «Փաստ» ՔԱՂԱՔԱԿԱՆ
Բազմազավակ ընտանիքների հարցերը կարգավորելու օրենք չունենք. «... ՀԱՍԱՐԱԿՈՒԹՅՈՒՆ
«Մեր թիմն ու մեր ծրագիրը միայն օգնելու են Փաշինյանի կառավարո... ՀԱՐՑԱԶՐՈՒՅՑ
Քոչարյա՞նն է իրենից հեռացնում ՀՀԿ–ին, թե՞ հակառակը. «Փաստ» ՔԱՂԱՔԱԿԱՆ
Երևան, 22.Հոկտեմբեր,
00
:
00
:
00
Փոխարժեք
478.65
$
560.79
Կապանում ՔՊ քաղաքապետի թեկնածուն պարտվել է անկուսակցական Գևորգ Փարսյանին ՔՊ-ն ներկայացնող թեկնածուները հաղթել են Արմավիրում և Էջմիածնում, պարտվել՝ Կապանում, Հրազդանում հաղթել է ՔՊ-ական ,բայց ինքնաառաջադրված թեկնածուն.նախնական արդյունքներ Անթիլիասում տեղի է ունեցել Նիկոլ Փաշինյանի և Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսի հանդիպումը Ճապոնիայում տրանսպորտային ուղղաթիռից 600 կգ հեղուկ բետոն է թափվել ճանապարհին Էջմիածնում Դիանա Գասպարյանը բացարձակ առաջատարն է 10 ընտրատեղամասերում Եգիպտոսը երկարաձգվել է արտակարգ ռեժիմի դրությունը Կապանում ձայների մոտ 600 տարբերությամբ անկուսակցական թեկնածուն հաղթում է ՔՊ-ական քաղաքապետի թեկնածուին Արմավիրում քաղաքապետ է ընտրվել ՔՊ թեկնածու Դավիթ Խուդաթյանը «Փյունիկն» ու «Արարատ-Արմենիան» չպարզեցին հաղթողին ՏԻՄ ընտրություններին մասնակցել է ընտրելու իրավունք ունեցողների 43.28 %-ը կամ 94.222 քաղաքացի ՀՀ համայնքներում ընտրություններն ավարտվել են. ընտրատեղամասերում սկսվել է ձայների հաշվարկը «Անկախ դիտորդ» դաշինքը Հրազդանում և Վաղարշապատում մի քանի ընտրախախտումներ է հայտնաբերել Մահացել է քիմիայի ոլորտում Նոբելյան մրցանակի դափնեկիր Օսամու Սիմոմուրան Թող հավերժ ծաղկի Ձեր Հայրապետական գավազանը.Նիկոլ Փաշինյանն՝ Արամ Առաջինին ԱՄՆ նախագահի ազգային անվտանգության հարցերով խորհրդականը ժամանել է Մոսկվա Արմավիրում մարզպետի մեքենան նկատել են ընտրատեղամասերի մոտ. խորհրդականն արձագանքում է՝ մարզպետն աշխատավայրում է եղել Վրացական Ռուսթավիում պայթյուն է որոտացել. կա 12 վիրավոր Երևանի գլխավոր ճարտարապետ է նշանակվել Արթուր Մեսչյանը Ի՞նչ հարցեր են քննարկել Նիկոլ Փաշինյանն ու Լիբանանի նախագահը Թայվանում ռելսերից գնացքի դուրս գալու հետեւանքով առնվազն 17 մարդ է զոհվել

Պատասխանատվություն կկրի հաստատության ղեկավարը. «Փաստ»

«Փաստ» օրաթերթը գրում է.

Առողջապահության նախարար Արսեն Թրոսյանը օրերս ֆեյսբուքյան իր էջում տեսանյութ էր տեղադրել Հայաստանում «ծխախոտի ծխից ազատվելու» վերաբերյալ՝ հայտարարելով, որ Հայաստանը պետք է լինի ծխախոտից զերծ՝ մաքուր օդով երկիր։ Նախարարը նաև շեշտել էր, որ ծխախոտն է սիրտանոթային հիվանդությունների ամենամեծ ռիսկի գործոնը. «Եվ մենք այս երկու հիվանդությունների բուժումը ավելի հասանելի դարձնելու հետ մեկտեղ, պետք է նվազեցնենք դրանցով հիվանդացությունը՝ կտրուկ իջեցնելով ծխախոտի օգտագործումը»:

Այս հայտարարությունը հանրության մի ստվար մասին կրկին անգամ դժգոհելու տեղիք տվեց: Բայց իրականում ի՞նչ մեխանիզմներով է այս ամենը կատարվելու, ասել է, թե Հայաստանը ծխախոտից զերծ երկիր դարձնելը: Ի՞նչ նոր գաղափարներ ունեն նախարարության համապատասխան խնդրի վրա աշխատող մասնագետներն ու փորձագետները:

Հանրային վայրերում ծխելու համար տուգանքներ սահմանող օրենքի նախագիծը այս օրերին վերանայվում և վերամշակվում է: Առողջապահության նախարարի մամուլի խոսնակ Լիանա Եղիազարյանը «Փաստ»–ի հետ զրույցում նշեց, որ նախորդ կառավարության ժամանակ քննարկվող աղմկահարույց նախագիծը՝ հասարակական վայրերում ծխելն արգելելու վերաբերյալ, լրամշակվում է: Բացի տուգանքների մեխանիզմների որոշակիացումը պայքար է ծավալվելու որոշ նոր ի հայտ եկած երևույթների դեմ, մասնավորապես՝ էլեկտրոնային սիգարետների շահագործման: 

Այս պահին օրենքի նախագիծը ակտիվորեն քննարկվում է շահագրգիռ կողմերի, հասարակական կազմակերպությունների հետ: 

Հանրային քննարկումներից հետո՝ աշնանը, նախագիծը կուղարկվի կառավարություն և խորհրդարան:

Նախորդ կառավարության ժամանակ, երբ օրենքի նախագիծը շրջանառության մեջ դրվեց, տուգանքների չափերը տարընկալումների առիթ տվեցին: Բայց այս հարցը շարունակում է մնալ նաև այս կառավարության և նախարար Թորոսյանի ուշադրության կենտրոնում: Նա նպատակ ունի օրենքի նախագիծը կատարելագործել, բերել ընդհանուր համաձայնեցված տեսքի:

Տուգանքները կվերանայվեն, բայց կնվազե՞ն, թե՞ ոչ: Այս հարցերի պատասխանը կլինի միայն քննարկումների ավարտից հետո: Բայց մի բան այս պահին հստակ է: «Եթե հասարակական վայրերում մարդիկ ծխեն, պատասխանատվությունը կընկնի ոչ թե տվյալ մարդու, այլ սննդի կետերի, հասարակական այն վայրերի պատասխանատուների վրա, ովքեր իրենց ներսում ճիշտ չեն կանոնակարգում: Եթե օրենքն ասել է, որ այսպիսի հաստատությունում չպետք է ծխեն, դրա պատասխանատուն հաստատության ղեկավարն է: Կլինի խնդրի կոնկրետ հասցեատեր, ումից կպահանջեն օրենքի կետերի պահպանում»,– նշեց մամուլի խոսնակը: 

Փոխնախարար Լենա Նանուշյանի խոսքով, օրենքում առկա են որոշ թերություններ, ինչի համար էլ նախաձեռնվել է օրենքի փոփոխության նախագծի մշակումը: Ինչ վերաբերում է տուգանքների չափերին, ապա ներկայում ուսումնասիրում են միջազգային պրակտիկան՝ հասկանալու համար՝ ինչպիսի չափ է սահմանված այլ երկրներում, մասնավորապես՝ այն երկրներում, որոնք մոտ են Հայաստանին, առողջապահական և տնտեսական զարգացման ընդհանուր գծեր ունեն:

Նանուշյանը շեշտում է՝ չպետք է մոռանալ, որ տուգանքը կանխարգելիչ նպատակ ունի: Որքան էլ իրենց կողմից տուգանք սահմանվի, նպատակը ուղղակի չծխելն է, երևույթի կանխարգելումը: 

«Հիմնական ուղղվածությունը լինելու է արգելքի խստացումը փակ հանրային վայրերում կամ այնպիսի վայրերում, որոնք մանկական ժամանցի համար են նախատեսված: Ներկա նախագծով կարգավորելու ենք նաև էլեկտրոնային ծխախոտի օգտագործման սահմանափակումների հետ կապված խնդիրները, հատկապես գովազգի հետ կապված: Նշում են, թե դրանք առողջության համար ռիսկ չեն պարունակում, ինչը չի համապատասխանում իրականությանը: Փաստեր կան, որ այդ սիգարների օգտագործումը նույնպես ազդում է առողջության վրա, դրանք նիկոտին են պարունակում, որը կախվածություն է առաջացնում»,– նշեց նա: 

Փոխնախարարի խոսքով, գովազդի միջոցով ներկայացնում են այս նոր արտադրանքը, որն ընդամենը մի քանի տարի է մեր շուկայում: Էլեկտրոնային ծխախոտների հիմնական օգատգործողները դեռահասներն ու երիտասարդներն են, և այն հետագայում հանգեցնում է ծխախոտի օգտագործման: 

Հարցին, թե ինչպե՞ս է իրականացվելու բացօթյա հասարակական վայրերում օրենքի կիրառումը, փոխնախարարը պատասխանեց, որ մեխանիզմներն ապահովելու են օրենքի կիրարկումը: 

«Կարևոր է, թե ինչ մեխանիզմ է իրականացվելու: Մենք պատկերացում ունենք, բայց դա նույնպես քննարկվում է միջազգային գործընկերների՝ Առողջապահության համաշխարհային կազմակերպության հետ, հասկանալու համար, թե որն է այն լավ պրակտիկան, որը կիրառվում է այլ երկրներում: 

Իհարկե, չենք կարող նույն քաղաքականությունը բերել Հայաստան, բայց կարող ենք լավ պրակտիկան համապատասխանեցնել մեզ: Օրինակ՝ սահմանված է, որ որոշ վայրերում ոստիկանությունն է վերահսկողություն իրականացնելու, իսկ որոշ վայրերում էլ՝ տեսչական մարմինը»: 

Սրճարանների, ռեստորանների և այլ հանրային վայրերի ներկայացուցիչներն ինչպե՞ս են արձագանքում այս նախագծին: Փոխնախարարի խոսքով, երբ իրենք «Առանց ծխախոտի» վերտառությամբ ակցիա էին կազմակերպել, որի նպատակը հանրային սննդի վայրերը մի քանի օրով ծխից զերծ տարածքներ դարձնելն էր, մի շարք ռեստորաններ սեփական նախաձեռնությամբ միացան իրենց: Ավելին, այդ օրերին վերջինները որևէ բողոք կամ հաճախորդների թվի նվազում չէին նշել: 

«Ծխախոտի օրենքի դրույթների կիրարկման համար բնակչությունը պետք է ինֆորմացված լինի, պետք է հասկանա և կամովին հետևի այդ ամենին: Քաղաքացիական հասարակության դերը շատ մեծ է: Մարդիկ էլ պետք է պահանջեն օրենքի կիրարկում, մարդիկ էլ պետք է մասնակցեն, միայն օրենք ընդունելով չէ, հետագա բազմաթիվ աշխատանքներ կան»,– նշեց Նանուշյանը՝ հավելելով, որ եթե ուզում ենք նվազեցնել թոքի քաղցկեղով, սրտամկանի ինֆարկտով մահացությունը, պետք է աշխատենք ծխախոտի օգտագործման սահմանափակման ուղղությամբ:

Շարունակությունը՝ «Փաստ» օրաթերթի այսօրվա համարում

 

website by Sargssyan