Past.am | Պահանջում եմ Սողոմոնյանի բացատրությունը. Հրաչուհի Փալանդուզյան
Պատահար Տիգրանաշենի ոլորաններում. վարորդը և ուղևորուհին տեղո... ՀԱՍԱՐԱԿՈՒԹՅՈՒՆ
Գլխավոր դատախազությունը մերժել է Ռոբերտ Քոչարյանի խափանման մ... ՀԱՍԱՐԱԿՈՒԹՅՈՒՆ
«Փաստ» օրաթերթի հաջորդ համարը լույս կտեսնի օգոստոսի 21-ին ՀԱՍԱՐԱԿՈՒԹՅՈՒՆ
Արժանապատիվ հեռանալու արվեստը. «Փաստ» ՔԱՂԱՔԱԿԱՆ
Դեռ մրցավազքը չսկսած՝ արդեն իրար վրա ցեխ են շպրտում. «Փաստ» ՀԱՍԱՐԱԿՈՒԹՅՈՒՆ
Երևան, 16.Օգոստոս,
00
:
00
:
00
Փոխարժեք
478.65
$
560.79
Երևանի հեռուստաաշտարակի լույսերը ժամանակավոր կանջատվեն Բացահայտվել են պարտադիր զինվորական ծառայության ենթակա անձանց զորակոչից խուսափելուն օժանդակելու դեպքեր. պարզվել է 5 կասկածյալի ինքնություն Անցած շաբաթվա ընթացքում տարածաշրջանում գրանցվել է 3 բալ և ավելի ուժգնությամբ 10 երկրաշարժ Վանեցյանը հաստատում է, որ կառաջադրի իր թեկնածությունը ՀՖՖ նախագահի պաշտոնում Ոստիկանությունը քաղաքական հիմքերով հետապնդումներ չի իրականացնում. Օսիպյան Բարեկարգվում են Արարատի, Վայոց ձորի և Սյունիքի մարզերի մի շարք ճանապարհներ Զեյնալյանը Կարմիր Խաչի ներկայացուցիչներին խնդրել է առավել հաճախ տեսակցել Կարեն Ղազարյանին Հովհաննես Մանուկյանի հրաժարականի իրական պատճառը. մանրամասներ նրա, Քոչարյանի ու Սարգսյանի տարաձայնություններից Արթիկում կողաշրջվել է զինվորական մեքենա Ռումբի մասին ահազանգ «Սիլաչի» հյուրանոցում. փրկարարները վտանգավոր ոչինչ չեն հայտնաբերել Երևանում և 8 մարզերում այսօր կիրականացվեն էլեկտրաէներգիայի պլանային անջատումներ Նիկոլ Փաշինյանն առաջարկում է օգոստոսի 17-ին Հանրապետության հրապարակ գնալ երթով՝ քաղաքի որևէ թաղամասից Կոչ եմ անում երեխաների համար չգնել հեղափոխության խորհրդանիշներով դպրոցական պարագաներ. Արայիկ Հարությունյան Վանաձոր-Սպիտակ ավտոճանապարհի վրայի գազալցակայանում հրդեհ է բռնկվել «Դիլիջան ազգային պարկի» «Հաղարծին տեղամաս» մասնաճյուղի մի շարք պահաբաժիններում ապօրինի ծառահատումների գործով մեղադրանք է առաջադրվել ևս 2 անտառապահի Ոստիկանությունը կոպտորեն խախտում է անմեղության կանխավարկածը. Ա. Վարդանյանի և Գ. Իսկանդարյանի պաշտպաններ ՈւԵՖԱ-ի Սուպերգավաթ. «Ռեալ»-«Աթլետիկո» Հնդկաստանում ջրհեղեղի հետևանքով մահացածների թիվը հասել է 67-ի Շվեդիայում մեկ գիշերում տասնյակ մեքենաներ այրած անձանցից մեկը ձերբակալվել է Թուրքիայում Ռումբի մասին ահազանգ «Սիլաչի» հյուրանոցում. փրկարարները տարհանել են 120 մարդու

Պահանջում եմ Սողոմոնյանի բացատրությունը. Հրաչուհի Փալանդուզյան

Հրաչուհի Փալանդուզյանը ֆեյսբուքյան իր էջում գրում է.

Քոչարյանն ընտրվեց նախագահ և դաշնակցականներին, որոնց բանտերն էր լցրել ԼՏՊ-ն, ազատեց, նրա փակած լրատվամիջոցները վերաբացեց: Հրավեր ստացա աշխատելու ՀՅԴ պաշտոնաթերթ ԵՐԿԻՐ-ում: Լրագրողի աշխատանքի մի մասն էլ մնացած պարբերականներում տպագրվածին հետևելն էր: Քիչ է ասել, թե ապշած էի. լևոնական քարոզիչները ամաչելու, սսկվելու փոխարեն կայծակնային գրոհի անցան Քոչարյանի դեմ: Անպատկառության գլխանվոր ցուցիչն այն էր, որ այն ամենը, ինչ մինչ այդ ասվել էր ԼՏՊ-ի մասին՝ վերագրվեց Քոչարյանին՝ նույն մեղքերը, նույն փաստերը, միայն արտահայտվելու ոճը փոխվեց, դարձավ փողոցային-պառավական անեծքահայհոյանք: Գնալով այդ հեղեղն ավելի սևացավ, բառապաշարն անցավ հայերենի սահմանները… Դրա դեմ ոչինչ չէր արվում, ամեն զառանցանք մնում էր անպատասխան: Բնական է, որ տեղական քննադատներին պետք է ավելանային դրսին վաճառված դավաճանները: Քոչարյանը հայտնվեց տեղեկատվական շրջափակման մեջ, ու ինձ երբեմն թվում էր, թե այդ մարդը մազոխիստ է: Ակնհայտորեն՝ երկրորդ նախագահը չկարողացավ իր համար տեղեկատվական թիմ ձևավորել, նրան համակրողներն անգամ չէին հմարձակվում նրան պաշտպանել, այնքան հզոր էր լևոնական վրիժառու քարոզամեքենան: Դաշնակցության կեցվածքը հետաքրքիր էր՝ արգելում էին թերթում ԼՏՊ-ի մասին խիստ խոսքեր գրել, իրավիճակն ինձ համար անհասկանալի էր, զգացի, որ պետք է հեռանամ, քանի որ հակված էի այդ ամենը բացատրելու Քոչարյանի թուլությամբ: Ես նրա գործունեությանը վաղուց էի հետևում, նա մեկն էր, ում հայրենասիրությանն ու բանիմացությանը ուզում էի հավատալ, որովհետև համատարած աղտեղության մեջ մարդ միշտ մի փրկարար շյուղ է փնտրում: Ես ևս այն կարծիքին էի, որ մարտի 1-ը սարքվեց, որպեսզի բացառվի Սարգսյան-նախագահ-Քոչարյան-վարչապետ տարբերակը: Ինչևէ, նա հեռացավ, որին հաջորդեց նրա մի քանի միլիարդ հարստության մասին տեղեկությունը: Ժողովուրդը նրան սկսեց ատել հատկապես կուտակած կարողության պատճառով: Ատելությունը համատարած էր, կալանավորման լուրը բացահայտեց, որ բացառություն են բացառիկ անհատները: Բնական է, որ Դաշնակցությունը արդարադատություն է պահանջում, որոշ մարդիկ անաչառ դիտարկումներ են անում, սակայն ես զարմանում եմ, թե ինչու է Քոչարյանի գրասենյակը բերանը ջուր առել: Մարտի 1-ը այսպես, թե այնպես լիովին բացահայտվելու է, բայց մնալու է 4 միլիարդի մասին խոսակցությունը: Գրասենյակը կամ պետք է ներկայացնի Քոչարյանի կարողության իրական չափը և դրա ստացման եղանակները, կամ ապացուցի, որ դա վարկաբեկման հերթական ստորությունն է: Այսօր սա ավելի կարևոր է, քան նույնիսկ մարտի 1-ի հանգամանքների պարզումը, որովհետև այնքան միամիտներ չկան, որ մտածեն, թե Քոչարյանը մեկ առ մեկ մտել է մարդկանց տները ու նրանց գնդակահարել: ԼՏՊ-ի գործոնը, որքան էլ սքողեն, վառոդի տակառի նման է պայթելու: Ես իբրև մի մարդ, ով հավատացել է Քոչարյանի հայրենասիրությանը՝ առանց այլևայլության պահանջում եմ Վիկտոր Սողոմոնյանի բացատրությունը: Անձնական բիզնեսի՞, թե Հայաստան-Արցախի հաշվին է հարստացել իր պետը: Եթե սա չպարզվի՝ հայոց պատմության մի որոշակի հատված մնալու է մշուշի մեջ, իսկ ժողովուրդը շարունակելու է գոյատևել որպես քարոզչական խղճուկ փորձաճագար: Վաղն ուրիշ իշխանություն ենք ունենալու, ուրիշ պետություն, պետք է կարողանանք նրանց մաքուր ժառանգություն հանձնել: 

ՀՓ, 28.07.2018

 
 
 
website by Sargssyan