2 միլիոն դրամը դարձել է 4 ՔԱՂԱՔԱԿԱՆ
Ավելի մատչելի գին, քիչ թռիչքաժամ, գումարած՝ որակ. ինչպե՞ս «A... ՀԱՍԱՐԱԿՈՒԹՅՈՒՆ
Համատիրություններում կուտակված խնդիրներն այնքան շատ են, որ հ... ՀԱՐՑԱԶՐՈՒՅՑ
Խանութները գուցե հրաժարվեն ծխախոտ վաճառել ՀԱՐՑԱԶՐՈՒՅՑ
«Անկաշկանդ տնտեսական համաժողովն» ու Հայաստանը. ի՞նչ ակնկալել... ՀԱՐՑԱԶՐՈՒՅՑ
Երևան, 22.Հունվար,
00
:
00
:
00
Փոխարժեք
478.65
$
560.79
Գեւորգ Մուրադյանը ընտրվեց ԵՊՀ հոգաբարձուների խորհրդի նախագահ 2 միլիոն դրամը դարձել է 4 «Քանի դեռ ԼՂ հարցը մնում է չլուծված, Հայաստանի հետ հարաբերությունների կարգավորում հնարավոր չէ». Չավուշօղլու Ավելի մատչելի գին, քիչ թռիչքաժամ, գումարած՝ որակ. ինչպե՞ս «ARON»–ը ՀՀ բերեց նոր ավիափոխադրողի Հայաստանում առաջին անգամ խորհրդարանում իրական ընդդիմություն չկա. Էդուարդ Շարմազանով Համատիրություններում կուտակված խնդիրներն այնքան շատ են, որ հարկավոր է օրենք փոխել Խանութները գուցե հրաժարվեն ծխախոտ վաճառել «Անկաշկանդ տնտեսական համաժողովն» ու Հայաստանը. ի՞նչ ակնկալել Դավոսից Առիթմիա. հեղափոխության խափանված «սիրտը» Ավտովթար Արմավիր-Սարդարապատ ճանապարհին, ուղևորներից մեկը տեղում մահացել է, մյուսը՝ ԲԿ-ում, կան վիրավորներ Ի՞նչ անել «Հայոց եկեղեցու պատմություն» առարկայի հետ Հունաստանում բրիտանացուն մեղադրել են լրտեսության մեջ Լարսը բաց է բոլոր տեսակի ավտոմեքենաների համար. ռուսական կողմում դեռ սպասում է 289 բեռնատար Նիկոլը պետք է կերակրի թիմը, իսկ թիմը պետք է ապահովի նրա իշխանությունը. Ստեփան Դանիելյան Իբրահիմովիչ. Հիմա տեսնում ենք երջանիկ Պոգբայի Անհայտ անձինք կոտրել են Ազգային ժողովի պատգամավորի ավտոմեքենան Համացանցում հրապարակվել են Սև ծովում այրվող երկու նավերի կադրերը Երևանի քաղաքապետը հրաժարականի դիմում չի գրել Դատարանը բավարարել է Ռոբերտ Քոչարյանի հերքման պահանջը Նորմալ եմ համարում պարգեւատրում տալը, շահարկման թեմա են դարձնում. Սյունիքի փոխմարզպետ

«Երբ ասում են, որ իրենք ամենալավն են, պետք է ջախջախիչ հաղթանակ տանեն, նորմալ է». «Փաստ»

«Փաստ» օրաթերթը գրում է.

Երկար տարիներ Երևանի ավագանու անդամ Անահիտ Բախշյանն այս ընտրությունների ժամանակ առաջադրվել է «Լույս» դաշինքով: Նրա կարծիքով, եթե ընտրությունների ժամանակ որևէ կուսակցություն բացարձակ մեծամասնություն ստանա և միայնակ կառավարելու, ինչպես նաև որոշումներ կայացնելու իրավունք ձեռք բերի, անկախ նրանից, թե ով կլինի այդ քաղաքական ուժը, երկրում նույն այն իրավիճակը կտիրի, ինչպիսին ՀՀԿ–ի ժամանակ էր: «Փաստ»–ի հետ զրույցում Ա.Բախշյանը նշեց, որ թեև մայրաքաղաքի բնակիչների պահանջների մեջ ոչինչ չի փոխվել, սակայն, իր կարծիքով, Երևանի ավագանու արդյունավետ աշխատանքի համար ամենակարևորը ընտրությանը մասնակցող կուսակցությունների և դաշինքների միջև համամասնությունը պահպանելը պետք է լինի:

«Ես չեմ ուզում, որ մի օր Հայկոն ասի՝ «մեր դեմ խաղ չկա»»,– ասաց Ա. Բախշյանը:

Հասարակական–քաղաքական գործչի կարծիքով, երբ քարոզարշավի ժամանակ որևէ կուսակցության ներկայացուցիչ ասում է, որ իրենք ամենալավն են և պետք է ջաղջախիչ հաղթանակ տանեն ընտրությունների ժամանակ, դա նորմալ է, քանի որ բոլորն են նման հռետորաբանությամբ հանդես գալիս: 

«Բոլորն էլ ասում են, որ իրենք են հաղթելու: Դա չէ խնդիրը, բայց դրանից չպետք է բխի այն, որ նրանք էլ անեն այն, ինչ արել է Հանրապետական կուսակցությունը: Հիմա քարոզարշավի ժամանակ, փառք Աստծո, զգում ենք, որ գործ ունենք ազատագրված ժողովրդի հետ: Ընտրողների հետ հանդիպումների ժամանակ տեսնում ենք, որ մարդիկ սեփական կամքով են մասնակցում քարոզարշավներին, իսկապես ուզում են բոլորին լսել և ընտրություն անել, որևէ մեկը նրանց չի ուղղորդում այն ձևով, ինչպես նախորդ ընտրությունների ժամանակ էր լինում: Իսկ այն, որ վարչապետը հայտարարում է, որ իրենք պետք է ջաղջախիչ հաղթանակ տանեն, այդպիսի հայտարարություններ բոլորն են անում: Ես այդտեղ վտանգ չեմ տեսնում, այլ դա ես տեսնում եմ հետագայի համար: Այսինքն, եթե Երևանի ավագանիում «Իմ քայլը» դաշինքը մեծամասնություն ձևավորի, այ, այդտեղ եմ ես լուրջ վտանգ տեսնում, քանի որ ժողովրդավարական կառավարման համակարգը կարող ենք տանուլ տալ»,– ասաց Ա. Բախշյանը:

Ավագանու անդամը Տարոն Մարգարյանի հրաժարականի և Երևանում աղբի սարեր կուտակվելու երևույթների մեջ սաբոտաժի տարրեր թեև չի տեսնում, բայց նրա ավագանու անդամի հնգամյա փորձը հուշում է, որ չի բացառվում՝ մայրաքաղաքի փողոցներն ու մայթերը «ողողած» աղբի հսկայական կույտերի հայտնվելը կարող են, այնուամենայնիվ, տողատակային կապերի և այլընտրանքային հարաբերությունների հետևանքներ լինել:

«Կարող եմ ենթադրություն անել, որ բացի պայմանագրային պարտավորություններից, կար «ստորգետնյա», առանց թղթային ձևակերպումների ինչ–որ մի մեխանիզմ, որ երբ այդ մեխանիզմը գործում էր, «Սանիթեքը» աշխատում էր: Տարոն Մարգարյանը հրաժարական տվեց, ուրեմն այդ մեխանիզմն էլ չի գործում: Այդ իսկ պատճառով էլ մայրաքաղաքն այս օրին է հասել»,– ասաց Ա. Բախշյանը: 

Քաղաքապետի պաշտոնակատարի և ողջ Հանրապետականի այս օրերի գործելաոճը ավագանու անդամը բնութագրում է հայտնի ասացվածքով՝ «ինձնից հետո՝ թեկուզ ջրհեղեղ», այդ պատճառով էլ մայրաքաղաքում ամեն ինչ իրար է խառնվել: «Մի քանի օր է մնացել Հանրապետականների կառավարման ավարտին, այդ պատճառով էլ նման կերպ են վերաբերվում Երևանին: Ուզում է քաղաքը ոտքի հետ գնա, ուզում է աղբը մարդկանց ծածկի, երկրում ինչ ուզում է լինի, նրանց համար մեկ է: Այդպիսով մի տեսակ չարախնդում են, և ես այդ վերաբերմունքը զգում եմ յուրաքանչյուր երևույթի մեջ: Այսինքն, ուզում են մարդկանց ասել՝ «տեսա՞ք՝ մեզնից հետո ինչ եղավ», և իրենց կարծիքով այդ ձևով ուզում են ընդգծել, որ իրենց ժամանակ ինչպես էր, հիմա ինչպես է»,– ասաց Ա. Բախշյանը:

Ի դեպ, «Լույս» դաշինքի քարոզարշավն ընթանում է «Երևան, լույս, Զեյնալ յան» կարգախոսի ներքո, իսկ քարոզարշավի ժամանակ «Հանրապետություն» կուսակցության նախագահ, ԱԺ «Ելք» դաշինքի պատգամավոր Արամ Սարգսյանն անդրադառնալով այս օրերին շատ քննարկվող՝ քաղաքական ուժերին ու կուսակցություններին «սևերի ու սպիտակների» բաժանելու մասին հայտարարություններին, նշեց, որ այս երկրում որևէ մեկն իրենցից շատ չի պայքարել հակահեղափոխականների դեմ:

«Ո՞վ է այդ հակահեղափոխականը: Այն ուժը, որը կոչվում է հակահեղափոխական ուժ, Հանրապետական կուսակցությունն է, որը քաղաքապետի ընտրություններին չի մասնակցում: Ժողովուրդ, չկա ոչ մի հակահեղափոխություն: Կա Ռոբերտ Քոչարյան, ով խնդիր ունի չդատվելու: Ինքն այդ ամենն անում է չդատվելու համար ու եթե մտածում են, որ Արտակ Զեյնալյանին առաջադրելով կարող է Քոչարյանի վերադարձը հեշտանալ, ապա դրա համար պետք է ֆանտաստիկ երևակայություն ունենալ: Կամ եթե Արտակ Զեյնալյանին չեն վստահում, ապա այդ դեպքում ո՞նց եք նրան վստահում արդարադատության նախարարի պաշտոնը: Ես սա էլ չեմ հասկանում, ժողովուրդ ջան»,– ընտրողների հետ հանդիպման ժամանակ ասել է Ա. Սարգսյանը:

Մանրամասները՝ «Փաստ» օրաթերթի այսօրվա համարում

 

 

website by Sargssyan