Հակաքարոզչություն և կենացներ. մի քարոզարշավի պատմություն. «Փ... ՎԵՐԼՈՒԾԱԿԱՆ
Արտահերթ ընտրությունների գործոնը գերագնահատված է. «Փաստ» ՎԵՐԼՈՒԾԱԿԱՆ
«Ինձ ճանաչելով՝ բոլորը գիտեն, որ ինձ հնարավոր չէ ահաբեկել կա... ՀԱՐՑԱԶՐՈՒՅՑ
Ինչպե՞ս է ավագանու կազմից ընտրվելու Երևանի քաղաքապետ. «Փաստ» ՔԱՂԱՔԱԿԱՆ
Հնի և նորի խաչմերուկում. «Փաստ» ՎԵՐԼՈՒԾԱԿԱՆ
Երևան, 22.Սեպտեմբեր,
00
:
00
:
00
Փոխարժեք
478.65
$
560.79
Ռոստովյան և Աթոյան փողոցների խաչմերուկում տեղի ունեցած վթարի հետևանքով 3 մարդ հոսպիտալացվել է Հայաստանն ու Կանադան առանձնահատուկ հարաբերություններ ունեն, որոնք մտադիր ենք ամրապնդել. Ջասթին Թրյուդոյի շնորհավորական ուղերձը Մահվան ելքով վրաերթ է տեղի ունեցել Արմավիրի մարզում. shamshyan.com Բաքվում ՆԱՏՕ-ի զորավարժություններ են իրականացվել Գագիկ Ծառուկյանը մասնակցել է ԲՀԿ նախընտրական քարոզարշավի ամփոփիչ հանրահավաքին Կանադայի վարչապետ Ջասթին Թրյուդոն մասնակցելու է Երևանում կայանալիք Ֆրանկոֆոնիայի գագաթաժողովին Կա քաղաքական ճգնաժամ, և այն Սահմանադրությամբ հարթելու միակ տարբերակը խորհրդարանական ընտրություններն են. Արամ Սարգսյան ՀԱՊԿ գլխավոր քարտուղարն Ադրբեջանին կոչ է արել դադարեցնել Հայաստանի սահմանամերձ բնակավայրերի գնդակոծությունները Սամվել Ալեքսանյանի կողմից ցուցարարին հարվածելու տեսագրության հիման վրա քրեական գործ չի հարուցվել, հանցակազմ չկա Միացյալ Թագավորության մայրաքաղաքում և Յորքշիրում անցյալ տարի ծնված տղաներին ամենից շատ տրվել է Մուհամեդ անունը Վարդան Մինասյանը հեռացել է ֆուտբոլի ազգային հավաքականի գլխավոր մարզչի պաշտոնից ՆԱՏՕ-ի գլխավոր քարտուղարի տեղակալը հաստատել է, որ Վրաստանը դաշինքի անդամ կդառնա Բաղրամյան 26-ի դռները կբացվեն և այլևս երբեք չեն փակվի. Նիկոլ Փաշինյանի ելույթը Վարչապետի նստավայրում մեկնարկել է ՀՀ անկախության տոնին նվիրված ընդունելությունը ԱՄՆ-ում ազատ են արձակել 27 տարի ուրիշի հանցանքի համար դատապարտված տղամարդուն Թուրքիան անհրաժեշտության դեպքում կարող է մեծացնել իր ռազմական ներկայությունը սիրիական Իդլիբում. Էրդողանի խոսնակ ՆԱՏՕ-ի եւս մեկ ռազմանավ Է մտել Միջերկրական ծով Սփյուռքի նախարարը Դամասկոսում ունեցել է մի շարք հանդիպումներ Ռումինական «Ագերպրես» գործակալության տնօրենն ընտրվել է Լրատվական գործակալությունների եվրոպական ալյանսի գլխավոր քարտուղար ՌԴ-ն եւ Թուրքիան համաձայնեցրել են ապառազմականացված գոտու սահմանները Իդլիբում. Լավրով

«Այս ընտրությունները շահեկանորեն տարբերվում են նախորդ բոլոր ընտրություններից». «Փաստ»

 

«Փաստ» օրաթերթը գրում է.

Վերակազմյալ ՍԴՀԿ ատենապետ Լյուդմիլա Սարգսյանը, ով Երևանի ավագանու ընտրություններին հանդես է գալիս ԲՀԿ ցուցակով, համաձայն չէ, որ ընտրարշավը սևի ու սպիտակի բաժանման ներքո է ընթանում: Նրա կարծիքով, ընդհակառակը, քարոզարշավը բավականին բազմագույն ու հետաքրքիր է թե՛ ընտրողների ու թե՛ կուսակցությունների ու դաշինքների ներկայացուցիչների համար:

«Չեմ կարծում, որ որևէ մեկը կկարողանա 12 քաղաքական ուժերի ընտրարշավը և այս ողջ գործընթացը սևի ու սպիտակի բաժանել: Ընդհակառակը, բոլոր մասնակից ուժերի պահվածքը հուշում է, որ քարոզարշավը բավականին բազմագույն է, ինչն ավելի հետաքրքիր է դարձում գործընթացը»,– «Փաստի» հետ զրույցում ասաց Լ. Սարգսյանը:

Նա նշեց նաև, որ չնայած մի քանի օր է, ինչ մեկնարկել է քարոզարշավը, սակայն այս ընթացքում ԲՀԿ–ի ավագանու անդամները հասցրել են բավականին ակտիվ շփումներ ունենալ ընտրողների հետ: Իսկ բակային հանդիպումների ընթացքում ավելի տեսանելի է դառնում կարծիքը, որ ԲՀԿ–ի կողմից առաջարկվող ծրագրային դրույթներով միայն հնարավոր կլինի փոխել Երևանի առջև ծառացած խնդիրների ընդհանուր պատկերը: 

Քաղաքական գործչի կարծիքով, ընտրապայքարին մասնակցում են բավականին կայացած քաղաքական ուժեր ու դաշինքներ, այդ թվում՝ նաև «Բարգավաճ Հայաստան» կուսակցությունը, որը միանշանակ ներկայացված կլինի քաղաքային իշխանությունում: «Ես մտավախություն չունեմ, որ մեկ կուսակցության կամ դաշինքի կողմից կձևավորվի մեծամասնության կառավարություն: Ընդհակառակը, ես կարծում եմ, որ մենք կունենանք մի քանի կուսակցություններից բաղկացած ավագանի, ուր կապահովվի բազմակարծություն: Ի դեպ, ես չեմ կարծում, որ մեր ազգաբնակչությունը բաժանված է միայն նախկին և ներկա իշխանությունների ու իշխանավորների: Այդ բաժանումներից բացի, կան նաև բավականին ազդեցիկ քաղաքական ուժեր, որոնք նույնպես մեծ ակնկալիքներ ունեն ընտրությունների արդյունքներից: Այնպես որ, ես ամենևին չեմ ուզում «Քաղաքացիական պայմանագիր» կուսակցությունը համեմատել նախկին իշխանությունների՝ Հանրապետականի հետ: Ավելին, ես կարծում եմ, որ իշխանափոխություն և հեղափոխություն իրականացնելու Նիկոլ Փաշինյանի ցանկությունը չի եղել կամ սահմանափակվել միակուսակցական համակարգ ստեղծելով: Բացի այդ, միակուսակցական համակարգ չի ձևավորվի նաև այն պատճառով, որ հասարակությունը շատ լավ է գիտակցում և գիտի, թե որոնք են դրա վատ ու վնասակար հետևանքները»,– ասաց Լ. Սարգսյանը: 

Քարոզարշավի ընթացքում ՍԴՀ կուսակցության առաջնորդն այս ընթացքում հասցրել է արձանագրել նաև, որ ինչպես ԲՀԿ–ի, այնպես էլ մյուս կուսակցությունների ներկայացուցիչների հետ հանդիպման են գնում բոլոր ընտրողները, անկախ նրանից, թե ում են համակրում: Եվ այս հարցում նույնպես ընտրողների միջև լարվածության որևէ նշույլ անգամ չկա:

«Հասարակության շրջանում ինչքան բազմազան լինեն կարծիքներն ու դրանց հետևորդները, այնքան առողջ քաղաքային իշխանություն կձևավորվի: Դա նաև կօգնի, որ հետագայում նույնպես երկրի ղեկավարումն առողջ ուժերի միջոցով իրականացվի: Այնպես որ, ես հիմա որևէ մտավախություն չունեմ և կարծում եմ, որ ներկա իշխանությունն էլ չի ձգտել նման ռևանշի գնալ մնացած քաղաքական ուժերի նկատմամբ»,– ասաց Լ. Սարգսյանը:

Նա նաև նշեց, որ քարոզարշավի ժամանակ կարող է ընդամենը հռետորաբանությունը մի փոքր սուր լինել, սակայն դա ամենևին էլ չի նշանակում, որ ներկա իշխանությունների նպատակները փոխվել են: Քաղաքական գործչի դիտարկամբ, քաղաքացիների մեջ կան նաև արդեն իսկ կողմնորոշվածներ, սակայն կան նաև այնպիսիք, որոնք ցանկություն ունեն բոլոր քաղաքական ուժերի կողմից ներկայացվող նախընտրական ծրագրերը լսել, շփվել բոլորի հետ, նոր միայն վերջնական որոշում կայացնել:

«Ես չեմ տեսել քաղաքացի, ով կաշկանդված է եղել իր կարծիքը հայտնելու համար: Այնպես որ, այս ընտրությունները շահեկանորեն տարբերվում են նախորդ բոլոր ընտրություններից, քանի որ մարդիկ ավելի ազատ են իրենց կարծիքն արտահայտում: Կուսակցությունները նույնպես ավելի պատասխանատու են իրենց գործողությունների մեջ, քանի որ գիտակցում են իրենց դերն ու կարևորությունն այս ընտրություններում: Հուսանք, որ մինչև քարոզարշավի ավարտը այդ մթնոլորտը կպահպանվի: Եվ ամենակարևորը, որ ընտրակաշառքի որևէ դրսևորում չկա: Համենայնդեպս, այդ պատկերը բավականին հստակ երևում է այս քարոզարշավի ժամանակ»,– խոսքը եզրափակեց Լ. Սարգսյանը: 

Մանրամասները՝ «Փաստ» օրաթերթի այսօրվա համարում

 

website by Sargssyan