Չպայթած ռազմամթերքի վնասազերծում է նախատեսվում Ստեփանակերտում ՀԱՍԱՐԱԿՈՒԹՅՈՒՆ
Ձմեռային զորակոչի ընթացքում քաղաքացիների դիմումների և բողոքն... ՀԱՍԱՐԱԿՈՒԹՅՈՒՆ
Ոսկին թեթեւակի էժանանում է ՏՆՏԵՍՈՒԹՅՈՒՆ
Արցախում ռուս խաղաղապահները հակաահաբեկչական կանոնավոր վարժան... ՀԱՍԱՐԱԿՈՒԹՅՈՒՆ
ՀՀ տարածքում կան փակ ավտոճանապարհներ․ Լարսում ավելի քան 1000... ՀԱՍԱՐԱԿՈՒԹՅՈՒՆ
Երևան, 25.Հունվար,
00
:
00
:
00
Փոխարժեք
478.65
$
560.79
Ջալալ Հարությունյանը հանդիպել է Արցախի նախագահի հետ Բաքուն և Մոսկվան քննարկելու են ադրբեջանական լոլիկի մատակարարման հետ կապված խնդիրները Սա նաև որոշակի նախազգուշացում էր սրիկա Փաշինյանին, որ՝ «ես կարող եմ խոսել». Արմեն Աշոտյան Մոսկվայում մի շաբաթ «տժժալուց» հետո քմծիծաղը երեսին նստել է զոհվածի այրու կողքին Չպայթած ռազմամթերքի վնասազերծում է նախատեսվում Ստեփանակերտում Ուղիղ․ ՀՀԿ փոխնախագահ Արմեն Աշոտյանի ասուլիսը Պղինձը թանկանում է Ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով է ստեղծվել․ ՊՆ Պուտինը բացահայտել է Նիկոլ Փաշինյանի իրական դեմքը Ոսկին թեթեւակի էժանանում է Համոզված եմ, որ Արցախի հանձնված տարածքները կարելի էր նույնկերպ պաշտպանել, ինչպես՝ Կարմիր շուկան. ՊԲ նախկին խոսնակ Կորոնավիրուսով վարակվածների ու մահացածների թիվն՝ այսօր Դավիթ Տոնոյանը հայտարարել է, որ պատերազմը կանգնեցնելու մասին Օնիկ Գասպարյանի հայտնի վերլուծությունը համաձայնեցված է եղել իր հետ. Մեդիամաքս Ով է Փաշինյանի անունից Ալիևի հետ բանակցել Շուշին հանձնելու մասին. Սենսացիոն մանրամասներ Ղարաբաղը հանձնելու համար Փաշինյանի ընտանիքը ստանում է պարգևներ Ադրբեջանի ղեկավարությունից․ Սերգեյ Կուրղինյան Հունվարի 24-ին Վարանդայի՝ Ֆիզուլիի շրջանից և Հադրութի շրջանի Տումի գյուղի տարածքից հայտնաբերվել է ևս 2 աճյուն, մեկը՝ նախնական տվյալներով՝ քաղաքացիական անձ է. Արցախի ԱԻՊԾ Արցախում ռուս խաղաղապահները հակաահաբեկչական կանոնավոր վարժանքներ են անցկացնում․ ՌԴ ՊՆ ՀՀ տարածքում կան փակ ավտոճանապարհներ․ Լարսում ավելի քան 1000 բեռնատար է կուտակվել

Մարտիրոս Սարյանի՝ Փարիզում ստեղծած կտավներն ու գրաֆիկական աշխատանքները ներկայացվեցին մեկ հարթակում

Ֆրանկոֆոնիայի միջոցառումների շրջանակում Մարտիրոս Սարյանի տուն-թանգարանում  սեպտեմբերի 19-ին բացվեց «Սարյանը և Ֆրանսիան» խորագրով ցուցահանդեսը: Ընդգրկված են ստեղծագործություններ, որոնք հեղինակը ստեղծել է 1926-1928 թվականներին Ֆրանսիայում:

«Արմենպրես»-ի հաղորդմամբ`ցուցահանդեսում առաջին անգամ ներկայացվեց վարպետի հայտնի «Գազելներ» կտավը` Մոսկվայի պետական Տրետյակովյան պատկերասրահի հավաքածուից, ինչպես նաև «Կովկասյան քաղաքի փողոց. Թիֆլիս» կտավը, որն այրված էր համարվում։ Սարյանն այն համարել է իր «ուժեղ գործերից» մեկը:

«Ներառվել է տասը ստեղծագործություն Սարյանի փարիզյան շրջանից, նույն ժամանակահատվածում ծնված քսան գրաֆիկական աշխատանք: Արվեստասերները հնարավորություն կունենան տեսնել Սարյանի անձնական իրերը, 3D ակնոցի միջոցով ծանոթանալ նրա այն կտավների սև ու սպիտակ տարբերակով լուսանկարներին, որոնք, ավաղ, այրվել են»,-լրագրողների հետ հանդիպմանն ասաց թանգարանի տնօրեն Ռուզան Սարյանը:

Նա հավելեց, որ, համեմատելով Սարյանի մինչև Փարիզ գնալը և դրանից հետո նկարած ստեղծագործությունները, հստակ կարող ենք տեսնել, թե ինչպիսի գեղանկարչական խնդիրներ էր նա դրել իր առաջ և կարողացել լուծել դրանք դեպի Փարիզ կարճատև գործուղման ընթացքում: «Փոխվում է նրա յուղաներկով աշխատելու տեխնիկան, լույսը, արևը ներկայացնելու ձևը, գույների համադրությունը, վրձնահարվածները դառնում են ավելի կարճ, ավելի հատու: Մինչև Փարիզ գնալը Մարտիրոս Սարյանը սիրում էր մեծ հատվածներով նույն գույնով ծածկել կտավը»,-ներկայացրեց Ռուզան Սարյանը:

Ցուցահանդեսը կգործի մինչև այս տարվա նոյեմբերի 14-ը: Այն մեկ անգամ ևս մի փորձ է՝ ներառելու Մարտիրոս Սարյանի անունը համաեվրոպական մշակութային համատեքստում:

1926-1928 թվականներին Մարտիրոս Սարյանն ապրել և աշխատել է Փարիզում: Այդ շրջանը նշանակալի ազդեցություն է ունեցել նկարչի արվեստի հետագա զարգացման և գեղանկարչական խնդիրների լուծման առումով:

Սարյանը Փարիզում ստեղծել է մոտ քառասուն գործ, Շարլ-Օգյուստ Ժիրար պատկերասրահում կազմակերպել է իր անհատական ցուցահանդեսը, որը մեծ արձագանք է ստացել արվեստների մայրաքաղաքում: Բայց, ավաղ, տունդարձի ճանապարհին նրա երեսուն ստեղծագործություն այրվել է ֆրանսիական նավատորմին պատկանող «Ֆրիժ»-ի բեռնախցում` Կոստանդնուպոլսի նավահանգստում: Փարիզյան շրջանից պահպանվել են միայն այն կտավները, որոնք նկարիչն ի պահ էր տվել իր բարեկամուհուն՝ թատերական գործիչ Աննա Բուդաղյանին, և կտավներ, որոնք վաճառել կամ նվիրել էր Ֆրանսիայում ապրող ընկերներին: Պահպանվել են նաև այն էտյուդներն ու գրաֆիկական աշխատանքները, որոնք իր հետ գնացքով բերել էր Հայաստան: Այդ իսկ պատճառով Սարյանի փարիզյան շրջանից պահպանված գործերը մասունքների արժեք են ձեռք բերել:

website by Sargssyan