Նախընտրական թոհուբոհ Արցախում. ով ում թեկնածուն է ՔԱՂԱՔԱԿԱՆ
Ալավերդիում կառավարությունը «ջուր է ծեծում» ՔԱՂԱՔԱԿԱՆ
27 200 ԱՄՆ դոլար, շուրջ 9 մլն դրամ, նաև անշարժ գույք՝ «Իմ քա... ՔԱՂԱՔԱԿԱՆ
Նոր ընդդիմության և նոր իշխանության հին դեմքը ՎԵՐԼՈՒԾԱԿԱՆ
Պատասխաններ տալու ժամանակը ՔԱՂԱՔԱԿԱՆ
Երևան, 17.Փետրվար,
00
:
00
:
00
Փոխարժեք
478.65
$
560.79
ԱՄՆ-ում ինքնաթիռի սրահում էլեկտրոնային ծխախոտից հրդեհ է բռնկվել Անհայտ անձը կամ անձինք փորձել են թալանել Արմավիրի մարզպետարանը. Shamshyan.com Միայնակ Notre Dame de Paris-ի հետ (ֆոտո) Ապարանի տարածաշրջանում ձյուն է տեղում Ավազակային հարձակում Երևանում. պարանը գցել են վաճառողի պարանոցին և գումար հափշտակել Օսիպյանի հրամաններով ՃՈ վաշտի դասակների հրամանատարներ են նշանակվել Նավթի համաշխարհային գները շարունակում են աճել՝ հասնելով 66 դոլարի Խոշոր վթար Երեւանում. բախվել են Mitsubishi-ն եւ Toyota Land Cruiser-ը. վերջինս բախվել է պատին. կա վիրավոր (ֆոտո) «Արսենալի» նախկին ֆուտբոլիստ. Այնպիսի տպավորություն է, որ Մխիթարյանը չգիտի, թե ինչ պետք է անի Արցախի հիմնախնդրի շուրջ բանակցությունները կսկսվեն առնվազն ԼՂՀ-ի տեսակետը լսելի դարձնելով, եթե նույնիսկ նրանց ներկայացուցիչները միանգամից ֆիզիկապես ներկա չլինեն. Հ. Իգիթյան (տեսանյութ) Դավիթ Տոնոյանն այցելել է Աբու Դաբիի Սուրբ Նահատակաց եկեղեցի (ֆոտո) Քանի դեռ Միրիջանյանի նման բժիշկների տեսակը կա` բժշկությունը միշտ հաղթելու է ՀԱԿ-ն առաջարկում է Սահմանադրության հանրաքվե անցկացնել Պապն ու թոռը. ո՞րն է Տեր-Պետրոսյանի դերակատարումը.Տեսանյութ Հայաստանից Ռուսաստան արտահանումն ավելացել է 20%-ով «Հարսանիքը կհեռարձակվի ուղիղ եթերով». Բասկովի սենսացիոն հայտարարությունը.Տեսանյութ Մերկել. Եվրոպան շահագրգռված չէ Ռուսաստանի հետ հարաբերությունների խզմամբ Հանրապետության որոշ ավտոճանապարհներին ձյուն է տեղում Անհայտ անձը դաժան ծեծի է ենթարկել քաղաքապետին.Տեսանյութ Կեմերովոյում սև ձյուն է տեղացել (տեսանյութ)

«Ինձ ճանաչելով՝ բոլորը գիտեն, որ ինձ հնարավոր չէ ահաբեկել կամ վախեցնել». Նաիրա Զոհրաբյան. «Փաստ»

«Փաստ» օրաթերթը գրում է.

Ավարտին է մոտենում քարոզարշավը և այդ առիթով «Փաստը» ներկայացնում է քաղաքական ուժերի և ներկայացուցիչների կողմից ընտրությունների քարոզարշավն ամփոփող և եզրափակիչ դիտարկումներ ու կարծիքներ, որոնք կարող են նաև օգտակար լինել հետագայում:

Անդրադառնալով ԲՀԿ քարոզարշավի ընթացքին՝ Երևանի քաղաքապետի թեկնածու Նաիրա Զոհրաբյանը նշեց, որ շուրջ 20 տարի լինելով քաղաքականության մեջ և մասնակցելով տարբեր քարոզարշավների՝ այս քարոզարշավը երկու մասի է բաժանում: Որպես ձեռքբերում համարում է այն, որ այս անգամ կարծես թե ընտրակաշառք բաժանելու տեխնոլոգիաներ չեն կիրառվում: Նա հույս հայտնեց նաև, որ ընտրությունների ժամանակ վարչական ռեսուրսը նույնպես չի կիրառվի:

Խոսելով քարոզարշավի բացասական «ձեռքբերման» մասին՝ նա նշեց, որ այս քարոզարշավն իր ագրեսիվ դրսևորումներով եզակի էր, ինչը հատկապես դրսևորվեց իր և «Լույս» դաշինքի քաղաքապետի թեկնածու Արտակ Զեյնալ յանի հանդեպ, որը գերազանցեց բոլորի սպասելիքները:

«Այս քարոզարշավն առանձնացավ խիստ ուղղորդված պայմաններում, և ես ուզում եմ շնորհակալությունս հայտնել ՄԻՊ Արման Թաթոյանին, ով արձագանքեց սոցիալական ցանցերում տիրող իրավիճակին: Պետական կառույցներում, օրինակ՝ Սփյուռքի, Կրթության և գիտության նախարարությունների աշխատակիցների, «Իմ քայլը» դաշինքի ավագանու անդամների և ՔՊ կուսակցության անդամների ամենագռեհիկ, հարբած մուժիկի մակարդակի հայհոյախառն արտահայտություններ էին տարածվում ոչ միայն տղամարդկանց, այլև կանանց կողմից: Մենք հույս ունեինք, որ այս ընտրությունների ընթացքում պետք է նաև բարոյական չափանիշները փոխված լինեին, սակայն պարզվեց, որ չեն խնայելու անգամ այն կնոջն, ով Ստրասբուրգում և միջազգային տարբեր կառույցներում պայքարում է Արցախի հարցի կարգավիճակի համար: Եվ ցավալի է, որ նույնիսկ ադրբեջանական մամուլն է գրում այդ մասին»,– ասաց Ն. Զոհրաբյանը: 

Նա նաև նշեց, որ իր հետևողականությանը և վճռականությանը թող որևէ մեկը չկասկածի, և բոլոր նրանք, ովքեր անվայելուչ վարքագիծ են դրսևորել քարոզարշավի ընթացքում, պատասխան են տալու իրենց արարքների համար ոչ միայն մեր, այլև միջազգային կառույցների ներկայացուցիչների առջև: Նման վարքագիծ ցուցաբերելու պատճառը, Ն. Զոհրաբյանի կարծիքով, խոսում է մրցակիցների թուլության և խուճապի մեջ լինելու մասին, քանի որ եթե վախեցած չլինեին, իրենց մրցակցի հանդեպ նման անբարո գործելաոճ չէին դրսևորի:

«Այս առումով ես համարում եմ, որ սա ամենանողկալի ընտրապայքարն էր, որին ես մասնակցել եմ: Բայց ես լավատես եմ, և ինձ ճանաչելով՝ բոլորը գիտեն, որ ինձ հնարավոր չէ ահաբեկել կամ վախեցնել: Ես շատ շնորհակալ եմ, որ պարոն վարչապետն արձագանքել է այդ դրսևորումներին և հույս ունեմ, որ բոլոր այն փաստերը, որոնք փոխանցվել են ոստիկանությանը, բավարար կլինեն հարգարժան վարչապետին՝ հասկանալու համար, որ ամոթը իր քաղաքական թիմինն է, որ ամոթը իր դաշինքի ավագանու անդամներինն է, ովքեր ամենաանբարո հայհոյանքներն են հասցրել ինձ, իմ երեխային, իմ ծնողներին, իմ մահացած հորը: Նրանք ամենավատ առումով ամենամեծ ծառայությունը մատուցեցին Նիկոլ Փաշինյանին և Հայաստանի Հանրապետության հեղինակությանը»,– ասաց Ն. Զոհրաբյանը: 

Նա նաև ընտրողներին կոչ արեց ընտրել ամենակարևորը, թե որ ուղղությամբ են ցանկանում գնալ՝ հավերժ միտինգի՞, թե՞ համառ աշխատանքի: Իսկ իր քաղաքապետ ընտրվելու դեպքում նա համագործակցելու է ընտրարշավին մասնակցող բոլոր քաղաքական ուժերի հետ, բացառությամբ մեկի: Պատասխանելով հարցին, թե արդյո՞ք ընտրական լարված շրջանն ավարտվելուց հետո նա կոմպրոմիսի չի գնա նաև իր նշած այդ մեկ քաղաքական ուժի ներկայացուցիչների հետ, քաղաքապետի թեկնածուն պատասխանեց. «Ես հանդուրժող եմ, բայց չեմ կարող հանդուրժող լինել անբարոյականության, ստորության և անպարկեշտության հանդեպ: Ես իմ կյանքում երբեք չեմ ներել դավաճանությունը և ստորությունը: Դա մշտապես եղել է իմ կրեդոն: Եվ մարդն ինչքան էլ մեծահոգի լինի, եթե հանդուրժում է անբարոյականությունը, ուրեմն ազնիվ չէ: Ես ինձ համարում եմ ազնիվ, պարկեշտ և սկզբունքային մարդ»,– խոսքը եզրափակեց Ն. Զոհրաբյանը:

Մանրամասները՝ «Փաստ» օրաթերթի այսօրվա համարում

 

website by Sargssyan