Երևան, 29.Մարտ.2024,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Այս տարի Սյունիքում կիրականացվի 13 ծրագիր` 422 մլն դրամ արժողությամբ. «Փաստ»

ՀԱՍԱՐԱԿՈՒԹՅՈՒՆ

 

«Փաստ» օրաթերթը գրում է.


Հարցազրույց Սյունիքի մարզպետ Կարեն Համբարձումյանի հետ:

–Պարո՛ն մարզպետ, լրացավ Ձեր պաշտոնավարման 100 օրը: Ի՞նչ վիճակ է տիրում մարզում, և ի՞նչ է արվել խնդիրները լուծելու ուղղությամբ:

– Մարզում չլուծված հարցերը, իրոք, շատ են, և այս կարճ ժամանակահատվածում, բնականաբար, իմ առաջնային քայլը եղել է իրավիճակին ծանոթանալը, խնդիրները դասակարգելը, լուծման ուղիներ գտնելը և ժամանակացույց կազմելը՝ խնդիրներն ըստ առաջնահերթության լուծելու համար: Նշեմ, որ ՀՀ վարչապետն իր առաջին աշխատանքային այցն սկսեց Սյունիքից, հանդիպումներ ունեցավ մարզի բոլոր տարածաշրջաններում: Արձանագրեմ, որ բավականին արդյունավետ այց էր, որի ընթացքում և՛ բնակիչները, և՛ համայնքի ղեկավարները վարչապետին ներկայացրեցին բազմաթիվ խնդիրներ՝ սկսած անձնական հարցերից մինչև խմելու և ոռոգման ջրին, տրանսպորտին, առողջապահությանը, կրթական ոլորտին առնչվող խնդիրներ և այլն: Վարչապետի հանձնարարականով շատ հարցեր արդեն իսկ լուծվել են կամ գտնվում են լուծման փուլում: Իմ կողմից իրականացվում է վերահսկողություն դրանց լուծման ուղղությամբ: Բնականաբար, եղել են այնպիսիք, որ պարզապես լուծում չունեն կամ չէին կարող դիմումատուի նախընտրած ելքն ունենալ: Մարզ են այցելել նաև կառավարության մի շարք անդամներ, որոնք տեղում ծանոթացել են իրենց ղեկավարած ոլորտների խնդիրներին և լուծումներ առաջարկել կամ լսել մեր առաջարկները: Անմիջականորեն շփվում եմ մարզի բնակիչների հետ և՛ բնակավայրեր իմ այցերի, և՛ մարզպետարանում ընդունելության ժամանակ: Այս ընթացքում մարզի համայնքներում իրականացված ուսումնասիրումայնքներում իրականացված ուսումնասիրության, վերհանվել են հրատապ լուծում պահանջող քաղաքաշինական հիմնախնդիրները և ներկայացվել ՀՀ տարածքային կառավարման և զարգացման նախարարություն: Եվ արդեն իսկ ՀՀ կառավարության կողմից ընդունվել է 13 ծրագիր, որոնք պետք է իրականացվեն մարզում 2018թ.՝ 422մլն դրամ արժեքով: Ուզում եմ առանձնացնել 2 կարևոր խնդիր, որոնց լուծման ուղղությամբ այս պահին աշխատանքներ են տարվում՝ Մեղրու գազիֆիկացումն ավարտելը, այսինքն, ի վերջո, բնական գազը մեղրեցիների բնակարան հասցնելը, և Մեղրու հիվանդանոցը արևային էներգիայով ապահովելը. ի դեպ, ծրագրում ենք և հաշվարկներ կկատարենք մարզի մյուս հիվանդանոցներում ևս արևային էներգիայի կիրառումը ներդնելու համար: Միայն Մեղրու հիվանադանոցի հաշվարկով՝ այս նորամուծությամբ տարեկան 7.5 մլն դրամի տնտեսում կլինի: 

Իսկ առհասարակ մարզի բոլոր համայնքներում համընդհանուր և առաջնային խնդիրներն են միջհամայնքային և ներհամայնքային ճանապարհների վիճակը, ոռոգման և խմելու ջուրը, վերելակների, տանիքների նորոգումը, կրթական հաստատությունների վերանորոգումը: Բոլոր ոլորտների ուղղությամբ աշխատումն ենք համապատասխան նախարարությունների հետ, ներկայացրել ենք և կշարունակենք ներկայացնել հրատապ խնդիրները: Այս պահին նաև մեր առջև ծառացած է Շաղատի և Խնածախի խոշոր հրդեհների հասցրած վնասների փոխհատուցման համար լուծումներ գտնելը: 

– Պարոն Համբարձումյան, երկրում նոր իրավիճակ է: Ժողովուրդն ակտիվորեն պայքարում է իր իրավունքների համար: Մասնավորապես, մարզի Տեղ, Խնձորեսկ համայնքների բնակիչները վերջերս փակել էին միջպետական ճանապարհը: Ձեր միջնորդությամբ ճանապարհը բացվեց: Ի՞նչ խնդիրներ ունեին և ինչպե՞ս լուծվեցին դրանք:

– Իրավացի եք, նշված համայնքների բնակիչները ընտրել էին բողոքի այդ ձևը՝ համայնքների խնդիրների վրա ուշադրություն հրավիրելու նպատակով: Բնակիչների հետ անկեղծ ու անմիջական զրուցել եմ, ասել եմ, որ խնդիրները մեկ կամ երկու օրում հնարավոր չէ լուծել: Փոխադարձ համաձայնությամբ ճանապարհը բացվել է, բնակիչներին մտահոգող հարցերը լուծման փուլում են: Ուզում եմ առանձնահատուկ նշել, որ մեր քաղաքացիները պաշտոնյայի հետ անմիջական շփման կարիք ունեն և սրտացավ վերաբերմունքի դեպքում միշտ պատրաստ են ընդառաջել: Տպավորություն կա, որ խզված, կտրված է եղել մարզպետի և բնակիչների կապը: Դա նկատեցի ինչպես բողոքի ակցիաների, այնպես էլ բնակավայրեր իմ այցելությունների ընթացքում:

– Մարզի կարևորագույն խնդիրներից է առողջապահության ոլորտը, մասնավորապես՝ մասնագետների խնդիրը: Կխնդրեմ խոսեք նաև Սիսիանի բժշկական կենտրոնի ճակատագրից: 

– Այո, մարզի առաջնային ոլորտներից է առողջապահությունը, և հիմա հրապարակորեն ասում եմ՝ մարզի ոչ մի բուժհիմնարկում կոռուպցիոն երևույթներ չկան, այդուհանդերձ, դիմում եմ բոլոր սյունեցիներին. եթե կա որևէ դեպք, կոռուպցիայի օրինակ, եթե կնկատեք նման երևույթ, անմիջապես դիմեք ինձ, ու նույն պահին օրենքի ողջ խստությամբ կլինի արձագանքը:

Մարզի 4 արդիականացված բժշկական կենտրոններում առ այսօր խնդիրների խնդիրը մնում է մասնագետ բժիշկների բացակայությունը, այս ընթացքում նաև հաջողվել է երիտասարդ նոր մասնագետներ բերել Կապան և Քաջարան, որն անշուշտ բավարար չէ: Մարզպետարանը քայլեր է ձեռնարկում այդ ուղղությամբ։

Ինչպես գիտեք, Սիսիանում նշված ոլորտն առողջացնելու համար նախատեսվում էր օպտիմալացում, ըստ որի պետք է համադրվեին Սիսիանի քաղաքացիական հիվանդանոցի և զինվորական հոսպիտալի գործառույթները, որին ես ևս անձնապես դեմ էի, ինչպես մեր քաղաքացիներից շատերը: Հարցը քննարկվեց նաև ՀՀ պաշտպանության և առողջապահության նախարարների՝ Սյունիք կատարած այցերի ընթացքում: Այս 2 բուժհաստատությունների միավորման վերաբերյալ իրարամերժ ու հակասական կարծիքներ կային։ Հուրախություն սիսիանցիների՝ ասեմ, որ կառավարության սեպտեմբերի 14–ի նիստում ուժը կորցրած ճանաչվեց 2018 թվականի ապրիլի 12–ի՝ ««Սիսիանի բժշկական կենտրոն» փակ բաժնետիրական ընկերությունը լուծարելու մասին» որոշումը:

Որոշման նախագծի ընդունման անհրաժեշտությունը պայմանավորված էր այն հանգամանքով, որ «Սիսիանի բժշկական կենտրոն» ՓԲԸ–ի լուծարման գործընթացը հանգեցրել էր տարածաշրջանի բնակչության և ընկերության աշխատողների իրավացի դժգոհությանը: Նշված որոշման հիման վրա ընկերության լուծարման արդյունքում տարածաշրջանի բնակչության բժշկական օգնության և սպասարկման գործընթացը նախատեսվում էր իրականացնել ՀՀ պաշտպանության նախարարության «Զանգեզուրի կայազորային հոսպիտալ» պետական հիմնարկի կողմից, որի պարագայում, հաշվի առնելով առկա դժգոհությունները, նշված գործընթացի իրականացումը ՀՀ ՊՆ կայազորային հոսպիտալի կողմից նպատակահարմար չէ: Միաժամանակ, ՀՀ կառավարության 12.04.2018թ. N 464–Ա որոշումն ուժի մեջ մտնելուց հետո դրանում նախատեսված որևէ գործողություն չի իրականացվել՝ արդյունքում ներկայացված որոշման նախագծի ընդունման դեպքում որևէ լրացուցիչ գործողությունների կատարման անհրաժեշտություն չի առաջանում: 

Եվ այս առումով ցանկանում եմ իմ և սիսիանցիների անունից շնորհակալություն հայտնել ՀՀ վարչապետ Նիկոլ Փաշինյանին, նաև ՀՀ առողջապահության և պաշտպանության նախարարներին՝ խնդիրը ժողովրդահաճ ճանապարհով լուծելու համար: 

Ինչևէ, ոլորտը խոցելի է և շարունակում է մնալ մարզպետարանի ուշադրության կենտրոնում: 

– Ի՞նչ է արվում գյուղատնտեսական համարվող մարզի համայնքների ջրամատակարարման բարելավման ուղղությամբ:

–Ես անձամբ հանդիպումներ եմ ունեցել «Վեոլիա ջուր» ՓԲԸ ներկայացուցիչների հետ, քննարկել մարզում խմելու ջրի մատակարարման առկա վիճակը։ Պատասխանատուներին ներկայացվել է մարզի բոլոր համայնքներից մարզպետարանի ստացած՝ ջրամատակարարման հետ կապված բողոքներն ու խնդիրները: Ոլորտի պատասխանատուները խոստացել են առավել մանրամասնորեն ուսումնասիրել դրանք և վերացնել առկա բոլոր թերությունները: Բայց, գիտեք, որ համայնքներից շատերում՝ մանավանդ գյուղական, մատակարարը «Վեոլիան» չէ, ու առհասարակ թե՛ խմելու, թե՛ ոռոգման ջրի հետ կապված բազում խնդիրներ կան բնակավայրերում: Բոլոր խնդիրներին տեղյակ ենք և աստիճանաբար ձգտում ենք լուծում տալ, կառավարության այս տարվա հրատապ խնդիրների համար հաստատված ծրագրերի մեջ ևս ջրամատակարարման ոլորտին առնչվող աշխատանքներ կան: 

– Վերջերս Կապանի «Սյունիք ֆուդ» գործարանի աշխատողները պահանջում էին իրենց երկու ամսվա աշխատավարձը: Ի՞նչ լուծում է տրվել հարցին:

– Ցավոք, աշխատավարձի պարտքը դեռևս չի մարվել, բայց հավաստիացնում եմ, որ կմարվի: Վերջերս կրկին գործարանի ճակատագրի հետ կապված հանդիպումներ, քննարկումներ եմ ունեցել Երևանում: Կարևորում եմ այս գործարանի դերը, քանի որ այն զբաղվածության լուրջ խնդիր է լուծում Կապանում։ Այսօր փորձում ենք ներդրումներ ապահովել՝ առկա վարկային պարտավորություններն ու աշխատավարձի պարտքերը մարելու, ինչպես նաև արտադրությունը շարունակելու համար: Մի շարք գործարարների հետ հանդիպումներ են կայացել, որոնք հետաքրքրություն են ցուցաբերում, այս պահին այդ ներդրումային առաջարկներն են քննարկվում, ինչպես նաև կա դրսից գործարար, ով պատրաստ է իրացնել արտադրանքը: 

– Որպես սահմանամերձ մարզի ղեկավար, ինչպե՞ս եք գնահատում բանակ–հասարակություն կապը:

Նախքան բանակ–հասարակություն կապին անդրադառնալը, նշեմ, որ սահմանամերձ գյուղերի հիմնահարցերի լուծմանն ուղղված ցանկացած նախաձեռնություն ինձ համար շատ կարևոր է։ Այդ գյուղերի բնակիչները նաև սահմանապահներ են: Նրանք երբևէ չեն լքել իրենց բնակավայրը և այդպես պաշտպանում են իրենց հայրենիքը։ Սահմանամերձ գյուղերը մշտապես պետք է գտնվեն կառավարության ուշադրության կենտրոնում: 

Սյունեցին կանգնած է եղել ազգային բանակի ակունքներում, այդ կապը եղել  է ամուր ու շարունակում է մնալ այդպիսին, քանի որ սյունեցին ունի անկոտրում կամք ու բարձր ռազմահայրենասիրական գիտակցություն։ Մեր հասարակությունը չի կարող մեկուսացվել բանակից, չկա ընտանիք, ում համար բանակն անձնական պատմություն չլինի: Հետևաբար, ազգ–բանակն այն հասարակությունն է, որը գործում է որպես մեկ միասնություն:

Հենց վերջերս ՀՀ պաշտպանության նախարար Դավիթ Տոնոյանի հետ հանրապետության հարավարևմտյան սահմանագոտում էինք, շրջել ենք մարտական հենակետերով, զրուցել դիրքապահ անձնակազմի հետ։ 

Հիմա ես ավելի հաճախ եմ այցելում զորամասեր, զրուցում զինվորների հետ, ծանոթանում ծառայության պայմաններին: Մեր մարզը աշխարհագրական այնպիսի դիրքում է, որ բոլորս ենք զինվոր, այն էլ՝ հաղթանակած բանակի զինվոր ու այդ հաղթանակը պահողները այսօր նաև մենք ենք:

Եղել եմ բազմաթիվ սահմանամերձ գյուղերում, և ինչպես 90–ականներին էր, այնպես էլ այսօր այդտեղ բնակիչները մեծ պատասխանատվություն են զգում այն հողի հանդեպ, որտեղ ապրում են: Սերտ ու բարեկամական հարաբերություններ ունենք մարզում գործող 2 բանակային կորպուսների հրամանատարության հետ, նրանք մեր համայնքների կյանքի մի մասնիկն են, մենք էլ մասնակցում ենք իրենց միջոցառումներին, առօրյային, աջակցում՝ ինչով կարող ենք, պատասխանատու եմ այս մարզում ծառայող ամեն մարդու համար:

–Պարոն մարզպետ, վերջում Ձեր խոսքը սյունեցիներին և բոլոր այն մարդկանց, ովքեր հավատում, վստահում և մեծ հույսեր են կապում Ձեզ հետ:

– Կարծում եմ՝ այս վերջին երեք ամսում վերականգնվել է սյունեցու ոգին, կարճ ժամանակահատվածում մարզում կա ներքին հանգստություն, համենայնդեպս, եթե ոչ լիարժեք, ապա այդ ճանապարհին ենք... Ինչ– որ տեղ վերականգնվել է վստահությունը մարզպետարանի հանդեպ, մարդիկ ամեն հարցով ու անվախ դիմում են, այն փակ ու անմատչելի չէ, ես նույնպես, որքանով թույլ է տալիս զբաղվածությունս, հասանելի եմ: Իհարկե, մարզում խնդիրները շատ ու շատ են ու բազմաբնույթ, և ցանկանում եմ, որ մեր քաղաքացիները ըմբռնումով ընկալեն սա, լինեն համբերատար, գիտակցեն, որ միանգամից ու արագ ամեն ինչ հնարավոր չէ լուծել: Բայց ինքս միայնակ չեմ կարող հասնել դրան, դրա համար հայցում եմ բոլորիդ աջակցությունը, աշխատասիրությունը, նվիրվածությունը հայրենի մարզին ու միասնականությունը՝ հանուն լավ ու իրատեսական գաղափարների իրականացման: 

Օգտվելով առիթից՝ ուզում եմ նաև շնորհավորել սյունեցիներին ու ողջ հայ ժողովրդին Անկախության տոնի առթիվ:

Մանրամասները՝ «Փաստ» օրաթերթի այսօրվա համարում

 

 

 

ՀՀ-ն սառեցրել է իր անդամակցությունը ՀԱՊԿ-ին, մինչև հասկանաք, թե այդ կազմակերպությունը կա՞, չկա՞, գործո՞ւմ է․ ԱԺ նախագահԱլիևի անվան փողոցի շենքում հրդեհ է, բնակիչներին տարհանում են (տեսանյութ) Քանի՞ մարդ է թունավորվել ՀայաստանումՄԱԿ-ի դատարանը Իսրայելին պարտավորեցրել է Գազա օգնություն հասցնելու միջոցներ ձեռնարկել Երկար ժամանակով լույս չի լինելու․ հասցեներԶելենսկին նշել է՝ ՌԴ խոշոր հարձակման ժամկետըՍարալանջից դեպի Տերյան փողոց տանող ճանապարհահատվածում օգնության հասած ավտոմեքենայում հրդեհ է բռնկվել Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ ԲեգլարյանՕդի ջերմաստիճանն աստիճանաբար կբարձրանա 8-10 աստիճանովՄԱԿ-ի գլխավոր քարտուղարը բարձր պաշտոնի է նշանակել ադրբեջանցի դիվանագետին ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրոյի հայտարարությունը 4 զn՞հ և թթվածնի պակա՞ս. ի՞նչ է կատարվել «Աերոֆլոտ»-ի՝ Կրասնոյարսկ մեկնող չվերթումԴասարաններում կկրճատվի աշակերտների թիվը․ ԿԳՄՍ նախարար «Պետք է մեկտեղել ջանքերը Հայաստան-Սփյուռք միասնական օրակարգ ձևավորելու հարցում». կայացավ Արման Վարդանյանի և Ամրամ Պետրոսյանի հանդիպումը Ինձ մոտ ձևավորված կարծիք կա, որ վերջնակետն Ալեքսանդրապոլի պայմանագիրն է. Նաիրի ՍարգսյանՏուգանքի 50 տոկոսը վճարելու դեպքում պարտավորությունը կհամարվի կատարված. ՆԳՆ ԱՄՆ բենզալցակայանում հզոր հրդեհ է բռնկվել (տեսանյութ)Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում ենՎիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր 5,7 մագնիտուդով երկրաշարժ՝ ԱֆղանստանումՓաշինյանը խմբեր է գործուղում Տավուշի մարզ Բաքուն օկուպացված Ստեփանակերտի մարզամշակութային համալիրը ներկայացրել է որպես «գաղտնի ռազմական համալիր»Քաղբանտարկյալ Նարեկ Սամսոնյանի բաց նամակ-հարցումը Հայաստանում ԱՄՆ դեսպան Քրիստինա Քվինին Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան «Կրոկուսի» վրա հարձակված ահաբեկիչները հոգեմետ նյութերի ազդեցության տակ են եղել Վթարային ջրանջատում Երևանի Մալաթիա Սեբաստիա վարչական շրջանում Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկիԼարսը բաց է Telegram-ը գործիք է դառնում ահաբեկիչների ձեռքում. Պեսկով Փարիզը Բաքվում լրտեսական ցանց է ստեղծում․ Ադրբեջանի Պետական ​​անվտանգության ծառայություն Պեսկովը պատասխանել է Crocus-ում ահաբեկչության վերաբերյալ վարկածների մասին հարցին Ուկրաինան առաջնագծում այժմ լճացման վիճակում է և բացառապես պաշտպանվում է. Զելենսկու գրասենյակ Գազամատակարարման վթարային դադարեցում Գյումրի քաղաքում «Գոյ»-ը պատրաստ է գործունեություն ծավալել որպես անկախ թատրոն Հայաստանից թողել են «տրաֆարետը», որի տակ աշխատում է թուրքական շահերի սպասարկողը. Էդուարդ Շարմազանով Չեմ բացառում, որ այսօր հնչած հայտարարություններից հետո Արցախի պետական և քաղաքական գործիչների նկատմամբ կսկսվի հետապնդումների նոր ալիք. Սաղաթելյան Հրդեհ Խոտ գյուղում․ ի՞նչ է հայտնի Հայկ Մարությանն առաջիկայում կուսակցություն կհիմնի Գործող իշխանությունները գիտակցաբար ստանձնում են զիջողի, հանձնողի կերպարը. Մենուա ՍողոմոնյանՏաք օդային հոսանքներ են ներթափանցում Հայաստան Ինչու՞ են ՀՀ իշխանությունները փաստացի աջակցում ռազմական գործողությունների վերսկսմանը«Գագիկ Ծառուկյան» բարեգործական հիմնադրամի հովանու ներքո իրականացվել է 23-րդ «Արտավազդ» ամենամյա մրցանակաբաշխությունը . ՏոնոյանՉտրվե´լ թշնամական հերթական սադրանքին. «Հայաքվե» Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ Երևանում երկու անձանց դանակահարած երիտասարդն է ձերբակալվել․ ի՞նչ է հայտնի Իտալիան կառուցում է լողացող հիբրիդային էլեկտրակայանՀետքա՞յլ՝ ԵՄ անդամության դիմումի հարցում «ՎԱԶ-21214»-ի 31-ամյա վարորդը մահացել է Գրիգոր Դանիելյանի որդուն հիվանդանոց են տեղափոխելՄեկ օրում հանրապետությունում արձանագրվել է 16 ՃՏՊ. 3 մարդ զոհվել է, 29-ը՝ վիրավորվել