Քաղաքապետին զեկուցելիս ազնիվ ու անաչառ է պետք լինել. «Փաստ» ՀԱՍԱՐԱԿՈՒԹՅՈՒՆ
Լուկաշենկոյի «փչացած ռադիոն» ու Հայաստանի լրջանալու պահը. «Փ... ՎԵՐԼՈՒԾԱԿԱՆ
Անմեղ թվացող իրավիճակներ, հոգեբանական ներազդեցություններ...... ՀԱՍԱՐԱԿՈՒԹՅՈՒՆ
Նորընտիր խորհրդարանը ՀՀ վարչապետ չի ընտրի. «Փաստ» ՔԱՂԱՔԱԿԱՆ
Հետընտրական Հայաստան՝ կեղծ օրակարգերով ու կուլիսային ռիսկերո... ՔԱՂԱՔԱԿԱՆ
Երևան, 19.Դեկտեմբեր,
00
:
00
:
00
Փոխարժեք
478.65
$
560.79
«Միլանը» միավորներ կորցրեց Կարո Փայլանը ներկայացրել է Թուրքիայի տնտեսության կորուստները Բելգիայի վարչապետը հրաժարական է տվել The Economist-ը Հայաստանը ճանաչել է տարվա երկիր Գյումրու ծննդատունը վստահեցնում է, որ իրենց մոտ 85-ամյա կին չի ծննդաբերել ՀՀ ոստիկանության պատվիրակությունն այցելել է Վրաստանի պարեկային ոստիկանություն Որոշ ավտոճանապարհներին ձյուն է տեղում Սթոլթենբերգ․ ԵՄ-ն չի կարող փոխարինել ՆԱՏՕ-ին Էրեբունու թիվ 3 մանկապատանեկան ստեղծագործական կենտրոնը հիմնանորոգումից հետո բացեց դռները Նիկոլ Փաշինյանն ընդունել է Անջեյ Կասպրչիկին Չինաստանի քաղաքացին փորձել է Մերձծովյան երկրամասից ապօրինի կերպով ճապոնական սյուրիկեններ տանել Թուֆենկյան բարեգործական հիմնադրամը տոնում է 20-ամյակը «Սմարթ Քոնսթրաքշն»-ը ստիպված է վերադարձնել BMW-ից գողացած 350.000 դոլարը. Ջաբեր Ալմարզուքի Վիրավորումների դեպքերը տեղի են ունեցել տարբեր զորամասերում, տարբեր ժամանակահատվածներում և տարբեր հանգամանքներում. ՊՆ պարզաբանումը Նոր ռուսական սպառազինությունը աշխարհում նմանը չունի. Պուտին Երեւանն ու Մոսկվան ինտենսիվ երկխոսություն են վարում ռուսական վարկի իրականացման հարցով. ՌԴ դեսպան Վերջին տարիներին թենիսը շատ է փոխվել. Ռոջեր Ֆեդերեր ՊԵԿ-ը բացահայտել է հարկերից խուսափելու հերթական խոշոր դեպքը Հիմա արևմուտք թե՞ Եվրասիական տիրույթ Հանրապետության մի շարք ավտոճանապարհների ձյուն և մառախուղ է

Մեկնարկած «Սոսե» միջազգային կինոփառատոնը ֆիլմեր կցուցադրի չգործող կինոթատրոններում

«Սոսե» հինգերորդ միջազգային կինոփառատոնը մեկնարկեց լեփ-լեցուն դահլիճում: Սեպտեմբերի 28-ին «Հայրենիք» կինոթատրոնում ցուցադրվեց փառատոնի արտամրցութային ծրագրում ընդգրկված Վիլյամ Սարոյանի «Հեյ, ո՞վ կա այդտեղ» ստեղծագործության հիման վրա նկարահանված համանուն ժապավենը:

Կինոփառատոնի համահիմնադիր և գեղարվեստական ղեկավար Ռիտա Խալաթյանը նշեց, որ փորձել են մտերմիկ և ջերմ մթնոլորտում անցկացնել կինոփառատոնի  բացման հանդիսավոր արարողությունը: «Ֆիլմի ցուցադրությունից հետո արվեստասերները հնարավորություն կունենան ֆիլմարտադրության ոլորտի ներկայացուցիչների հետ զրուցել բնագավառի խնդիրներից, անելիքներից»,-ասաց նա և հավելեց, որ ցանկանում են՝ մարդիկ այցելեն կինոթատրոն, հիշեն իրենց երիտասարդությունը, վերագնահատեն կինոյի դերը:

«Սոսե»-ի համահիմնադիր և տնօրեն Սիմոն Սահակյանը խոստովանեց՝ պարզել է, որ«Հայրենիք» կինոթատրոնում վերջին անգամ ֆիլմ է ցուցադրվել 1992 թվականին: «Մեր նպատակն է հանրությանը հիշեցնել այն կինոթատրոնների գոյության մասին, որոնք այսօր ինչ-ինչ պատճառներով չեն գործում: Այդ նպատակով կինոժապավեններ կցուցադրենք այստեղ, ինչպես նաև Դիլիջանի, Եղեգնաձորի կինոթատրոններում»,- հայտնեց Սահակյանը:

Նա ասաց, որ իր տրամադրությունը շատ բարձր է՝ նշելով պատճառը. «Քիչ առաջ մի ծերուկ մոտեցավ ինձ: Երբ իմացավ, որ «Հայրենիք»-ում ֆիլմ է ցուցադրվում, մեծ ոգևորությամբ ներս մտավ և այժմ դիտում է կինոնկարը: Կարծում եմ՝ դա լավ սկիզբ է»:

«Սոսե» միջազգային կինոփառատոնի մրցութային փուլում կներկայացվի 172 ֆիլմ: Այս տարի փառատոնի շրջանակում ընդգրկվել են ժապավեններ ԱՄՆ-ից, Մեծ Բրիտանիայից, Իրանից, Ռուսաստանից, Իտալիայից, Իսպանիայից, Ֆրանսիայից և այլ երկրներից:

Կինոփառատոնն ունի հետևյալ անվանակարգերը` «Խաղարկային կարճամետրաժ», «Խաղարկային լիամետրաժ», «Վավերագրական», «Բովանդակությունը՝ կին» և «Ուսանողական»: Ներկայացվել է 742 ֆիլմի հայտ, դրանցից 172-ն ընդգրկվել է ծրագրում:

«Սոսե» միջազգային կինոփառատոնին միացել է Հայաստանի ազգային կինոկենտրոնը։ Կինոփառատոնի կազմակերպիչները կշրջեն Հայաստանի տարբեր քաղաքներում և տեղի պատասխանատուների հետ կփորձեն միասին լուծել այն խնդիրները, որոնք խոչընդոտում են կինոթատրոններն իրենց բուն նպատակին ծառայեցնելուն։ Սեպտեմբերի 29-ին առաջին կանգառը Դիլիջանն է։ Այստեղ կազմակերպիչներին կմիանան «Հայ կամավորների բանկ» երիտասարդական հասարակական կազմակերպության անդամներն ու Դիլիջանի համայնքային կենտրոնը: Տեխնիկական խնդիրները լուծելուց հետո սեպտեմբերի 30-ին, Դիլիջանի կինոթատրոնում նախատեսված է առաջին կինոցուցադրությունը՝ էկրան կբարձրանա Ռոման Ժիգալովի (ՌԴ) «Անտառ» ֆիլմը։ Դրան կհաջորդեն փառատոնային այլ ֆիլմերի ցուցադրություններ։

Նույն սկզբունքով փառատոնի կազմակերպիչները կանգառ կանեն նաև Եղեգնաձորում։ Այստեղ այլ իրավիճակ է՝ «Արագիլ» կինոթատրոնի երբեմնի գործունեության մասին նրանք կhիշեցնեն հարակից հրապարակում կազմակերպվելիք բացօթյա կինոցուցադրությունների միջոցով։

Երևանում ցուցադրություններ կիրականացվեն «Հայրենիք» կինոթատրոնում, «Նարեկացի»  արվեստի միությունում,  «The club»-ում:

«Սոսե» հինգերորդ միջազգային կինոփառատոնն անցկացվում է ՀՀ մշակույթի նախարարության աջակցությամբ։ Այն կտևի մինչև  նոյեմբերի 23-ը:

 

website by Sargssyan