Արդյո՞ք դոլարների վրա պատկերված են ԱՄՆ նախագահները. պարզվում է՝ ոչ
ԼԱՅՖ
Դոլարների վրա պատկերված են ԱՄՆ–ի նախագահները: Ամենատարածված և հայտնի 100 դոլարանոցի վրա պատկերված է ԱՄՆ–ի նախագահ Բենջամին Ֆրանկլինը:
Իրականում այդպես չէ:
Բենջամին Ֆրանկլինը երբեք ԱՄՆ նախա–գահ չի եղել :
Մարդկանց շփոթության մեջ է գցում այն հանգամանքը, որ այդպիսի անունով և այդպիսի ազգանունով նախագահներ ԱՄՆ–ը իրոք ունեցել է: Նրանք են՝ Ֆրանկլին Պիրս՝ նախագահ է եղել 1853–1857 թթ., Բենջամին Հարիսոն՝ 1889–1893 թթ., Ֆրանկլին Դելանո Ռուզվելտ՝ 1933–1945 թթ. : Իսկ ո՞վ է Բենջամին Ֆրանկլինը (1706 – 1790), եթե նախագահ չի եղել: Նրան կարելի է համարել ունիվերսալ տաղանդ կամ ուղղակի մեծ մարդ: Ֆրանկլինի մասնագիտություններն են՝ գրող, քաղաքական գործիչ, հրատարակիչ, տպագրիչ, քաղաքական տեսաբան, փոստապետ, գյուտարար, քաղաքական ակտիվիստ, պետական գործիչ, դիվանագետ, շախմատիստ, դիզայներ, երաժիշտ, քաղաքական փիլիսոփա, ինքնակենսագիր, գրադարանավար, լրագրող, տնտեսագետ, ֆիզիկոս, խմբագիր և այլն:
Նրա բազմաբեղուն, տաղանդավոր կյանքից նշենք մի քանի կարևոր փաստեր, լրիվ գրել անհնար է:
Ֆրանկլինը հայտնագործել է շանթարգելը, բիֆոկալ ակնոցը, Ֆրանկլինի վառարանը, կազմել է Գոլֆստրիմի առաջին քարտեզը, հիմնադրել է ԱՄՆ–ի առաջին հասարակական գրադարանը, Ֆիլադելֆիայի ակադեմիան, Ամերիկյան փիլիսոփայության դպրոցը, հիմնել է սեփական տպագրատունը, հրապարակել է «Փենսիլվանյան ամսագիրը», մասնակցել է ԱՄՆ–ի անկախության հռչակագրի և սահմանադրության մշակման աշխատանքներին, եղել է ԱՄՆ–ի դեսպան Ֆրանսիայում և Շվեդիայում, ԱՄՆ–ի գլխավոր փոստապետ, կոնգրեսական և այլն: Փարիզյան երկրորդ հաշտության պայմանագիր (1783 թ.). այս երեք փաստաթղթերով պաշտոնապես ավարտվեց ԱՄՆ–ի անկախության համար պատերազմը։
Բենջամին Ֆրանկլ ինի դիմանկարը պատկերվել է ԱՄՆ Դաշնային պահուստների համակարգի 100 դոլարանոց թղթադրամի վրա 1914 թվականից։
Ի դեպ, Բենջամին Ֆրանկլինը բավականին աֆորիզմների հեղինակ է: Ահա մի քանիսը.
«Ժամանակը ոսկի է»: «Երեք հոգի կարող են գաղտնիքը պահել, եթե նրանցից երկուսը մեռած են»: «Ավելի լավ է գեղեցիկ գործել, քան գեղեցիկ խոսել»:
«Խորհուրդներ չլսող մարդկանց հնարավոր չէ օգնել»:
Մի հաճելի նորություն մեր բուսակերների համար: Բենջամին Ֆրանկլինը ևս բուսակեր է եղել: Բայց միայն ժամանակավորապես: Ահա թե ինչ է եղել:
Ֆրանկլինը շատ էր սիրում տապակած ձուկ, բայց ինչ–որ ժամանակ նա որոշեց բուսակեր դառնալ: Մի քանի տարի դա նրան հաջողվում էր: Մի անգամ երկար ճանապարհորդության ընթացքում գտնվելով նավի տախտակամածին՝ նա նայում էր, թե ինչպես են ձուկ մաքրում, որ տապակեն: Հանկարծ նա նկատեց, որ ձկան փորից մանր ձկնիկներ թափվեցին: Ֆրանկլինը գոչեց. «Եթե դուք անգամ իրար եք ուտում, նշանակում է՝ ես լրիվ իրավունք ուտեմ ձեզ ուտելու»: Մեծ տաղանդը տրամաբանությամբ լուծեց փիլիսոփայական այն հարցը, թե մարդասիրական է արդյոք ուտել կենդանի օրգանիզմ:
Նյութը հրապարակման պատրաստեց Past.am-ը