«Կա որո­շում­ներ ըն­դու­նե­լու և այդ որո­շում­ներն իրա­կա­նա... ՔԱՂԱՔԱԿԱՆ
«Օրինակելիներն» ու իրենք իրենց վրա աշխատելու կարիք ունեցողնե... ՔԱՂԱՔԱԿԱՆ
Հովհաննես Իգիթյանը կհեռացվի ԵԽԽՎ-ում հայկական պատվիրակության... ՔԱՂԱՔԱԿԱՆ
Քա­ղա­քա­կան կոն­սո­լի­դա­ցիա Ար­ցա­խում ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (18 ՀՈՒԼԻՍԻ)․ Մե­ղադ­րանք է առա­ջադր­վել ... ՀԱՍԱՐԱԿՈՒԹՅՈՒՆ
Երևան, 19.Հուլիս,
00
:
00
:
00
Փոխարժեք
478.65
$
560.79
«Կա որո­շում­ներ ըն­դու­նե­լու և այդ որո­շում­ներն իրա­կա­նաց­նե­լու ճգնա­ժամ» ՀՀ տարածքում կգրանցվի բացառիկ բարձր ջերմային ֆոն, ջերմաստիճանը որոշ մարզերոմ կհասնի մինչև +42 աստիճան. Գագիկ Սուրենյան «Օրինակելիներն» ու իրենք իրենց վրա աշխատելու կարիք ունեցողները. Փաշինյանը կարգադրել է Հովհաննես Իգիթյանը կհեռացվի ԵԽԽՎ-ում հայկական պատվիրակության կազմից Քա­ղա­քա­կան կոն­սո­լի­դա­ցիա Ար­ցա­խում Եվրոպայի լիգա․ «Ալաշկերտի» ցնծությունը Նոր նախադեպ է, երբ ՌԴ–ն փոխանցում է, Հայաստանը՝ մերժում. ադրբեջանցուն սպանած Արման Առաքելյանի շահերի ներկայացուցիչ Երեխուն ցերեկը քնացնում եմ, որ մի անգամ պակաս հաց ուտի. իջևանցիների բողոքը 7 ոստիկանի ծառայությունից ազատելու առաջարկով կարգապահական հանձնաժողովը դիմել է Վալերի Օսիպյանին Արա լեռան մոտ երկու մոտոցիկլետավար իջել են ձորը եւ չեն կարողացել դուրս գալ․ ահազանգ ԱԻՆ-ին Հրշեջ-փրկարարները մարել են մոտ 60.88 հա խոտածածկ տարածքներում բռնկված հրդեհները

Գագիկ Համբարյան. «ՀՀԿ-ի՝ «լավամարդ» դուրս գալու փորձերն ուղղակի ծիծաղելի են»

Past.am

ՀՀԿ-ն իր հայտարարությամբ ընդամենը փաստեց, որ իրենք պարտվել են: Իսկ «լավամարդ» դուրս գալու փորձերը, թե իրենք թեկնածու առաջադրելու մտադրություն չունեն, ուղղակի ծիծաղելի են, որովհետև իրենք շատ լավ գիտեն, թե առաջադրելու դեպքում ինչի հետ կառնչվեն: Անդրադառնալով ՀՀԿ խմբակցության հայտարարությանը՝ Past.am-ի հետ զրույցում նման տեսակետ հայտնեց քաղաքագետ Գագիկ Համբարյանը:

Նշենք, որ խմբակցությունը մասնավորապես հայտարարել էր, որ չընդունելովդեկտեմբերին արտահերթխորհրդարանականընտրություններանցկացնելուվերաբերյալՀՀկառավարությանբերածհիմնավորումները՝Հանրապետականխմբակցությունըչուներևչունիմտադրությունառաջադրելուվարչապետիիրթեկնածուն:

Քաղաքագետի խոսքով՝ ՀՀԿ-ն դեռ վերջին հանրահավաքից հետո էր հասկացել, որ պարտված է:

«Խոսքը ԱԺ շենքի մոտ տեղի ունեցած հանրահավաքի մասին է: Իսկ Երևանի ավագանու արտահերթ ընտրությունների արդյունքները մեծ հարված էին ՀՀԿ-ին, որն արտահերթ ընտրությունների երկարաձգման փորձ անելով՝ ցանկանում էր խաղալ ժամանակի վրա: Հույս ունեին, որ հետհեղափոխական էյֆորիան կանցնի, և ժողովուրդն ավելի «սթափ» կգնահատի իրավիճակը, բայց իրենք սխալվեցին: Մտածում էին, որ հասարակության որոշ հատված դժգոհ կլինի Փաշինյանի իշխանությունից: Այո՛, կարող է և լինել դժգոհ զանգված, որովհետև 6 ամիսների կառավարման ընթացքում նշանակալի արդյունքներ չեն գրանցվել: Բայց, այդուհանդերձ, որքան էլ հասարակության որոշ մաս դժգոհ լինի Ն. Փաշինյանի իշխանությունից, միևնույն է, ՀՀԿ-ին ձայն չի տալու, քանի որ ՀՀԿ-ի կառավարման աղետալի հետևանքները ՀՀ յուրաքանչյուր քաղաքացի զգացել է իր մաշկի վրա»,-նշեց մեր զրուցակիցը:

Անդրադառնալով արտահերթ խորհրդարանական ընտրությունների անցկացման շուրջ մի շարք հանրապետական պատգամավորների հայտարարություններին,  վարչապետին հայտնած աջակցությանը՝ Գ. Համբարյանը նշեց.

«Ես միշտ ասել եմ, որ ՀՀԿ-ին չեմ դիտում որպես քաղաքական միավոր: Եղել է ակումբ, որը ղեկավարել է Սերժ Սարգսյանը: Այդ ակումբն ունեցել է բազմաթիվ բևեռներ և այդ բևեռներին միավորող թևը եղել է իշխանությունը: Հիմա, քանի որ ՀՀԿ-ն իշխանություն չէ, մեխանիկորեն այդ կուսակցությունը փլուզված է: Որքան էլ Ս. Սարգսյանը շարունակի լինել կուսակցության ղեկավարը, պարզ է, որ նա, ամեն դեպքում, նախկին նախագահ է. նա այս պարագայում ներքաղաքական իրավիճակի վրա ազդեցության որևէ լծակ գրեթե չունի: Այս դեպքում պարզ է նաև, որ ՀՀԿ-ի որոշ բևեռներ անջատվելու են: Խնդիրն այն է, որ այդ անջատվողների մեջ կան պախարակված անձինք: Անձինք, ովքեր եղել են Սերժ Սարգսյանի մտերիմները, անձինք, ովքեր օգտվել են Ս. Սարգսյանի իշխանության «տրամադրած» անպատժելիությունից, կեղծել են ընտրություններ թե՛ գումարներով, թե՛ լցոնումներով և թե՛ կեղծ ցուցակներով»:

Նա շեշտեց, որ այժմ այդ անձանցից ոմանք փորձում են ներթափանցել Ն. Փաշինյանի շրջապատ. «Նիկոլ Փաշինյանը պետք է շատ զգույշ լինի, որ նմանատիպ պախարակված, հասարակության կողմից չսիրված ու չընդունված քաղաքական գործիչները հանկարծ չհայտնվեն իր կողքին, որովհետև նրանք, միևնույն է, հարվածելու են նույն Նիկոլ Փաշինյանին»:

Ինչ վերաբերում է ՀՅԴ-ի դիմադրությանը, Գագիկ Համբարյանը նախ ընդգծեց, որ Երևանի ավագանու արտահերթ ընտրությունները ցույց տվեցին, որ ՀՅԴ-ն ուղղակի ձախողվեց:

«Մեծ է հավանականությունը, որ արտահերթի դեպքում ՀՅԴ-ն չի հայտնվի նաև ԱԺ-ում: ՀՅԴ-ի ընդդիմանալը կամ արտահերթ ընտրությունների ժամկետների հետ չհամաձայնելն ինչ-որ մեծ ազդեցություն կամ կշիռ չունի: Ես չեմ ուզում ՀՅԴ-ին համեմատել ՀՀԿ-ի հետ, բայց միևնույն է, ՀՅԴ-ն ևս ռեյտինգ չունի»,-եզրափակեց քաղաքագետը:

Աննա Բադալյան

 

website by Sargssyan