Սաուդյան Արաբիայի գլխավոր հյուպատոսը հեռացել է Թուրքիայից՝ անհետացած սաուդացի լրագրողի հետ կապված սկանդալի ֆոնին
ՄԻՋԱԶԳԱՅԻՆՍտամբուլում Սաուդյան Արաբիայի գլխավոր դատախազ Մուհամմեդ ալ Ուտեյբին հեռացել է Թուրքիայից՝ անհետացած լրագրող Ջամալ Խաաշկղջիի հետ կապված սկանդալի ֆոնին:
Ինչպես հաղորդում է РИА Новости-ն, գլխավոր հյուպատոսը հայրենիք է մեկնել Ստամբուլի Աթաթուրքի անվան Saudi Arabian Airlines սաուդական ազգային ավիափոխադրողի 17:00-ի չվերթով:
Թուրքիայի ԱԳՆ ներկայացուցիչ Համի Աքսոյը հաստատել է, որ գլխավոր հյուպատոսը հեռացել է երկրից և դա արել է իր սեփական ցանկությամբ, նախարարությունը նրան նման պահանջ չի ներկայացրել:
Հիշեցնենք, որ սաուդացի ընդդիմադիր լրագրողը, որն աշխատելիս է եղել որպես Washington Post-ի թղթակից, անհետացել է հոկտեմբերի 2-ին: Վերջինս անհետացել է Ստամբուլում Սաուդյան թագավորության հյուպատոսություն մտնելուց հետո:
Սաուդյան Արաբիայի իշխանությունների հաղորդմամբ՝ Խաաշկղջին անհետացել է հյուպատոսությունից հեռանալուց հետո:
Նշվում է, որ այս գիշեր շենքում անցկացված առաջին ուսումնասիրության ժամանակ մասնագետները հյուպատոսության շենքի բակից հողի փորձանմուշ են վերցրել քննության ենթարկելու համար: Դիվանագիտական առաքելության տարածքում ստուգումները 9 ժամ են տևել: ԶԼՄ-ներում հաղորդում է հայտնվել առ այն, որ ոստիկանները շենքում հետքեր են հայտնաբերել, որոնք ապացուցում են Խաաշկղջիի սպանության փաստը: