«Պրեմյա» յուրայիններին, օպտիմալացում՝ մյուսներին ՎԵՐԼՈՒԾԱԿԱՆ
2 միլիոն դրամը դարձել է 4 ՔԱՂԱՔԱԿԱՆ
Ավելի մատչելի գին, քիչ թռիչքաժամ, գումարած՝ որակ. ինչպե՞ս «A... ՀԱՍԱՐԱԿՈՒԹՅՈՒՆ
Համատիրություններում կուտակված խնդիրներն այնքան շատ են, որ հ... ՀԱՐՑԱԶՐՈՒՅՑ
Խանութները գուցե հրաժարվեն ծխախոտ վաճառել ՀԱՐՑԱԶՐՈՒՅՑ
Երևան, 22.Հունվար,
00
:
00
:
00
Փոխարժեք
478.65
$
560.79
Երևանի ոստիկանները հայտնաբերեցին «Ֆանտոմասին», ով իրեն համարում էր «անորսալի». նա ավազակային հարձակում էր կատարել Varks.am-ների վրա «Պրեմյա» յուրայիններին, օպտիմալացում՝ մյուսներին Պուտինի օդանավում հայտնված դեռահասն ուշագրավ ռեպորտաժ է հրապարակել (Video) Գեւորգ Մուրադյանը ընտրվեց ԵՊՀ հոգաբարձուների խորհրդի նախագահ 2 միլիոն դրամը դարձել է 4 «Քանի դեռ ԼՂ հարցը մնում է չլուծված, Հայաստանի հետ հարաբերությունների կարգավորում հնարավոր չէ». Չավուշօղլու Ավելի մատչելի գին, քիչ թռիչքաժամ, գումարած՝ որակ. ինչպե՞ս «ARON»–ը ՀՀ բերեց նոր ավիափոխադրողի Հայաստանում առաջին անգամ խորհրդարանում իրական ընդդիմություն չկա. Էդուարդ Շարմազանով Համատիրություններում կուտակված խնդիրներն այնքան շատ են, որ հարկավոր է օրենք փոխել Խանութները գուցե հրաժարվեն ծխախոտ վաճառել «Անկաշկանդ տնտեսական համաժողովն» ու Հայաստանը. ի՞նչ ակնկալել Դավոսից Առիթմիա. հեղափոխության խափանված «սիրտը» Ավտովթար Արմավիր-Սարդարապատ ճանապարհին, ուղևորներից մեկը տեղում մահացել է, մյուսը՝ ԲԿ-ում, կան վիրավորներ Ի՞նչ անել «Հայոց եկեղեցու պատմություն» առարկայի հետ Հունաստանում բրիտանացուն մեղադրել են լրտեսության մեջ Լարսը բաց է բոլոր տեսակի ավտոմեքենաների համար. ռուսական կողմում դեռ սպասում է 289 բեռնատար Նիկոլը պետք է կերակրի թիմը, իսկ թիմը պետք է ապահովի նրա իշխանությունը. Ստեփան Դանիելյան Իբրահիմովիչ. Հիմա տեսնում ենք երջանիկ Պոգբայի Անհայտ անձինք կոտրել են Ազգային ժողովի պատգամավորի ավտոմեքենան Համացանցում հրապարակվել են Սև ծովում այրվող երկու նավերի կադրերը

«Պետք է տեղավորվենք տրանսպորտի խելամիտ ծախսերի ու խելամիտ սակագնի մեջ». «Փաստ»

«Փաստ» օրաթերթը գրում է.

«Սպառողների խորհրդատվական կենտրոն» հ/կ նախագահ, Երևանի հասարակական տրանսպորտի բարեփոխումների մասնագիտական աշխատանքային խմբի անդամ Կարեն Չիլինգարյանը տրանսպորտի բարելավման համար նոր ծրագրի անհրաժեշտություն չի տեսնում:

«Գրեթե երկու տարի ներգրավված եմ եղել քաղաքապետարանի աշխատանքային խմբում, որտեղ քննարկվել է քաղաքային տրանսպորտի հարցը: Այդ ուղղությամբ մեծ աշխատանք էր տարվել: Նաև միջազգային կազմակերպության ներկայացուցիչներ են եկել, փաթեթը մանրամասն կա, մնում է որոշենք, թե ինչպիսի շարժակազմ պետք  է ընտրվի: Ըստ էության, սակագինը կախված է լինելու ընտրված շարժակազմի գնից»,– «Փաստի» հետ զրույցում ասաց Կ. Չիլինգարյանը՝ ընդգծելով, որ, ամեն դեպքում, սակագնի ճկուն համակարգ է գործելու: 

«Կա շատ որակյալ, բայց շատ թանկ շարժակազմ: Կա նաև միջին որակի շարժակազմ, որն ավելի մատչելի է: Պետք է այնպիսի որոշում կայացնենք, որ տեղավորվենք խելամիտ ծախսերի և դրանից բխող խելամիտ սակագնի մեջ ու այնպես անենք, որ սակագնի բարձրացում չլինի, կամ գոնե չնչին լինի: Իսկ ինչ վերաբերում է սակագնի ճկուն համակարգին, ապա նշեմ, որ ըստ այդ փաթեթի, սակագինը հավասար չի լինելու: Այսինքն՝ եթե ունես մեկ ամսվա կամ մեկ տարվա մշտական տոմս, այդ դեպքում ամբողջովին այլ սակագին է գործում: Ըստ էության, հատկապես Երևանի բնակիչները կգերադասեն տոմսը մեկ տարվա համար վերցնել, ինչն ավելի մատչելի կլինի»,–նշեց նա:

Կարեն Չիլինգարյանը, սակայն, որպես կարևոր խնդիր, այլ հարց է առանձնացնում: «Խոսքը շարժակազմ ձեռք բերելու գումարների մասին է: Կառավարությունը և քաղաքային իշխանությունը պետք է զբաղվեն այն հարցով, թե որտեղի՞ց պետք է գումար վերցնեն, որովհետև այն մեծ ծախսերի հետ է կապված: Գումար կվերցնեն տեղական բյուջեից, թե վարկի միջոցով հարցը կլուծվի, ամեն դեպքում, մինչև այդ խնդիրը չլուծվի, տրանսպորտի ոլորտում ոչ մի փոփոխություն չի լինի: Իսկ իրավիճակն անպայման պետք է փոխվի. երթուղայիններն ընդհանրապես պետք է վերանան, քաղաքակիրթ երկրներում նման բան չկա. միայն մեզ մոտ է մի իրավիճակ, երբ անորակ մեքենաներով ժողովրդին կռացած ու նսեմացրած տեղափոխում են: Պարտադիր մեծ տարողությամբ ավտոբուսներ են անհրաժեշտ, որոնք երթևեկելու են հիմնական փողոցներում: Պետք են նաև միջին տարողությամբ ավտոբուսներ, որոնք կգան ու որոշ կետերում կմիանան հիմնական երթուղիներին»,–ընդգծեց Կ. Չիլինգարյանը:

Մեր զրուցակիցը շեշտեց նաև, որ քաղաքացիներն այդ դեպքում կարող են մեկ անգամ վճարել, բայց մի քանի տրանսպորտ փոխել ու քաղաքի «Ա» կետից «Բ» կետը հասնել. «Դա այն դեպքում կլինի, երբ գործի միասնական համակարգ, իսկ վճարումները մի ընդհանուր հաշվի գնան, որը կկառավարվի մեկ կետից: Այդ պարագայում գումարները կուղղվեն վարորդների աշխատավարձերի վճարմանը, սպասարկող անձնակազմին և այլ անհրաժեշտ ծախսեր կարվեն, և ոչ թե ինչ–որ գծատերերի, ովքեր ոչ թե երթևեկության կամ անվտանգության, այլ առաջին հերթին իրենց գրպանի մասին են մտածում: Դիսպետչերական մեծ համակարգ կկոչվի, թե այլ բան, բայց մի մեծ համակարգ է լինելու, որտեղից պետք է բոլոր երթուղիները կառավարվեն: Մեզ մոտ հիմա ամեն երթուղի իր գծատերն ունի և իրենք են որոշում իրենց չվացուցակը: Այդ պատճառով էլ նման խառնաշփոթ է ստացվում: Այսօրվա պարագայում երթուղիներն իրար հետ չեն համագործակցում: Տեսնում ես՝ մի քանի րոպե ընդհանրապես տրանսպորտ չկա, բայց մեկ էլ 4–5 կամ ավելի շատ շարժակազմ միանգամից մոտենում է կանգառին: Արդյունքում սկսում են իրար խանգարել, իրարից ուղևոր «խլել» ու «փախցնել»: Իսկ երբ մի կետից ղեկավարվի, օնլայն կհետևեն երթուղիներին և վարորդները հստակ կիմանան, թե ինչ գրաֆիկով պետք է երթևեկեն իրար չխանգարելու համար»:

Կարեն Չիլինգարյանը շեշտեց, որ Երևանի ավագանու կազմի փոփոխությունից հետո ինքն անձամբ պատրաստակամ է կրկին քննարկումների մասնակցել. «Սպասում են մեսիջներին: Տեսնենք, թե ինչ կառաջարկեն ավագանու նոր կազմն ու քաղաքապետարանը»:

Մանրամասները՝ «Փաստ» օրաթերթի այսօրվա համարում

 

website by Sargssyan