2 միլիոն դրամը դարձել է 4 ՔԱՂԱՔԱԿԱՆ
Ավելի մատչելի գին, քիչ թռիչքաժամ, գումարած՝ որակ. ինչպե՞ս «A... ՀԱՍԱՐԱԿՈՒԹՅՈՒՆ
Համատիրություններում կուտակված խնդիրներն այնքան շատ են, որ հ... ՀԱՐՑԱԶՐՈՒՅՑ
Խանութները գուցե հրաժարվեն ծխախոտ վաճառել ՀԱՐՑԱԶՐՈՒՅՑ
«Անկաշկանդ տնտեսական համաժողովն» ու Հայաստանը. ի՞նչ ակնկալել... ՀԱՐՑԱԶՐՈՒՅՑ
Երևան, 22.Հունվար,
00
:
00
:
00
Փոխարժեք
478.65
$
560.79
2 միլիոն դրամը դարձել է 4 «Քանի դեռ ԼՂ հարցը մնում է չլուծված, Հայաստանի հետ հարաբերությունների կարգավորում հնարավոր չէ». Չավուշօղլու Ավելի մատչելի գին, քիչ թռիչքաժամ, գումարած՝ որակ. ինչպե՞ս «ARON»–ը ՀՀ բերեց նոր ավիափոխադրողի Հայաստանում առաջին անգամ խորհրդարանում իրական ընդդիմություն չկա. Էդուարդ Շարմազանով Համատիրություններում կուտակված խնդիրներն այնքան շատ են, որ հարկավոր է օրենք փոխել Խանութները գուցե հրաժարվեն ծխախոտ վաճառել «Անկաշկանդ տնտեսական համաժողովն» ու Հայաստանը. ի՞նչ ակնկալել Դավոսից Առիթմիա. հեղափոխության խափանված «սիրտը» Ավտովթար Արմավիր-Սարդարապատ ճանապարհին, ուղևորներից մեկը տեղում մահացել է, մյուսը՝ ԲԿ-ում, կան վիրավորներ Ի՞նչ անել «Հայոց եկեղեցու պատմություն» առարկայի հետ Հունաստանում բրիտանացուն մեղադրել են լրտեսության մեջ Լարսը բաց է բոլոր տեսակի ավտոմեքենաների համար. ռուսական կողմում դեռ սպասում է 289 բեռնատար Նիկոլը պետք է կերակրի թիմը, իսկ թիմը պետք է ապահովի նրա իշխանությունը. Ստեփան Դանիելյան Իբրահիմովիչ. Հիմա տեսնում ենք երջանիկ Պոգբայի Անհայտ անձինք կոտրել են Ազգային ժողովի պատգամավորի ավտոմեքենան Համացանցում հրապարակվել են Սև ծովում այրվող երկու նավերի կադրերը Երևանի քաղաքապետը հրաժարականի դիմում չի գրել Դատարանը բավարարել է Ռոբերտ Քոչարյանի հերքման պահանջը Նորմալ եմ համարում պարգեւատրում տալը, շահարկման թեմա են դարձնում. Սյունիքի փոխմարզպետ Ինքս ինձ չեմ պարգևատրել և չեմ պարգևատրելու. Հայկ Մարության

Երևանում աշխատելն իսկական հաճույք է. ռուս ռեժիսորը ցանկանում է Հայաստանում ևս մեկ բեմադրություն ներկայացնել

Ռուս ռեժիսոր, բեմադրիչ Իրինա Լիչագինան այնպես է տպավորվել Հայաստանում աշխատանքից, որ ցանկանում է մեր երկրում ևս մեկ բեմադրություն իրականացնել: Լիչագինան Ալ. Սպենդիարյանի անվան ազգային ակադեմիական թատրոնում վերջին ամիսներին միջազգային թիմի կազմում աշխատեց Ժյուլ Մասնեի «Մանոն» ներկայացման վրա՝ որպես պարուսույց և ռեժիսորի օգնական: Մոսկվայի Կ. Ստանիսլավսկու և Վ. Նեմիրովիչ-Դանչենկոյի անվան ակադեմիական երաժշտական թատրոնում աշխատող բեմադրիչը փաստում է՝ կրկին կցանկանար վերադառնալ արդեն սիրելի դարձած երկիր: «Արմենպրես»-ի հետ զրույցում Իրինա Լիչագինան պատմում է «Մանոն»-ի, հայ դերասանների հետ աշխատանքի ու հայկական օպերային թատրոնի «երկրորդ շնչառության» մասին:

Թե ինչպես «Մանոն»-ը հայտնվեց հայկական բեմում

Ես հիմնականում աշխատում եմ Մոսկվայում՝ Կ. Ստանիսլավսկու և Վ. Նեմիրովիչ-Դանչենկոյի անվան թատրոնում: Մեր թատրոնում երկու «Մանոն» կա՝ մեկը՝ բալետ, մյուս՝ օպերա, երկուսն էլ՝ նույն երաժշտությամբ: Հայազգի երգիչ Լիպարիտ Ավետիսյանն անգամ «Ոսկե դիմակի» արժանացավ՝ «Մանոն»-ում Դե Գրիյոյի դերերգի համար: Ներկայացման բեմադրիչ Անդրեյս Ժագարսի ու մաեստրո Կոնստանտին Օրբելյանի հետ զրույցի ընթացքում միտք առաջացավ «Մանոն»-ը բերել Հայաստան: Այս տարվա ապրիլ-մայիսին այստեղ էինք, պարապում էինք արտիստների հետ: Պետք է նշել, որ  դեկորացիաներն ու զգեստները բերվել են Ստանիսլավսկու թատրոնից, բայց բոլոր արտիստները Հայաստանից էին. այսինքն՝ բոլորովին նոր ներկայացում էինք զրոյից բեմադրում:

Տաղանդավոր հայ արտիստները

Ներկայացման մեջ ներգրավված բոլոր դերակատարները հայեր են եղել: Հիանալի էր նրանց հետ աշխատել: Շատ տաղանդավոր երիտասարդներ են: Կարծես աշխատելու կարոտ էին: Շատ մեծ թվով երիտասարդներ մինչ այդ թատրոնում զբաղված էին փոքր դերերով, և հանկարծ ունենում են նման առաջընթաց, նրանց առջև բացվում են մեծ հնարավորություններ: Նման մասշտաբի ներկայացում թատրոնում չէր եղել, և «Մանոն»-ի պրեմիերան Հայաստանում շատ լավ անցավ:

Երևան, իմ սեր

Երևանում աշխատելն իսկական հաճույք է: Մեր միջազգային թիմը շատ սիրեց այս քաղաքը, կարծում ենք, որ մեզ էլ սովորեցին: Մեզ շատ լավ, ջերմ վերաբերվեցին:

Իսկապես շատ սիրեցի Երևանը: Ամենաշատը սիրում եմ այն, որ Երևանը քաղաք-տոն է, մարդիկ, չնայած բոլոր դժվարություններին,շատ ջերմ են, հյուրընկալ, բաց, վառ, ուրախ, ոչ ոք չի շտապում որևէ տեղ: Բոլորը բոլորին ճանաչում են: Կարծես ընտանիքում ես: Քեզ բոլորը դիմավորում են, գրկում, հիանալի վերաբերմունք է տիրում:

Ես շատ կցանկանայի կրկին աշխատել օպերային թատրոնում, մեկ այլ աշխատանք այստեղ բեմադրել: Կցանկանայի նաև ինչ-որ տարբերվող բան անել, օրինակ՝ ռուսական դրամատիկական թատրոնում աշխատել: Հայկականում չեմ կարողանա, որովհետև հայերեն չգիտեմ:

…Աբովյան փողոցով քայլում էի, տեսա Ստանիսլավսկու անվան թատրոնի շենքն ու, ի զարմանս ինձ, նկատեցի, որ խաղացանկում ռուսական որևէ պիես չկա: Գոգոլի, Օստրովսկու, Չեխովի գործերից չկան խաղացանկում. միգուցե նրանց հետաքրքիր կլիներ Մոսկվայից բեմադրիչի հետ աշխատանք կատարել: Ես շատ ուրախ կլինեի:

Թարմ շունչ՝ հայաստանյան օպերային թատրոնում

Երևանի օպերան ժամանակին հիասքանչ ձայներ է ունեցել, շատ մենակատարներ աշխարհում ելույթ են ունենում, բայց ոչ ոք չգիտի, որ Երևանում նման հիանալի շենք կա՝ օպերային թատրոնը: 90-ականներից Հայաստանը բարդ ժամանակաշրջան է ապրել, շատ քիչ բեմադրություններ են արվել: Շատ կարևոր է, որ Հայաստանի օպերային ու բալետային խմբերը հանդես գան հյուրախաղերով տարբեր երկրներում: Այս տարի թատրոնի արտիստներն ունեցան շրջագայություններ, ինչն իսկապես կարծես թարմ օդ լիներ բոլոր արտիստների համար: Եվ պետք է ասել, որ թատրոնում շատ լավ արտիստներ կան:

Հիանալի է աշխատել մաեստրո Կոնստանտին Օրբելյանի հետ (Ալ. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն-հեղ.): Նա բացառիկ երաժիշտ է, մենեջեր, շնորհիվ իր գործունեության կապ ունի բոլոր խոշոր թատրոնների, դիրիժորների, կատարողների հետ և ի նպաստ թատրոնի օգտագործում է իր կապերը: Օրբելյանի շնորհիվ թատրոնը նոր շունչ է ստանում, միջազգային հաջողություններ ունի:

Կոնստանտին Օրբելյանը շատ բան է անում թատրոնի համար, այնքան, ինչքան ինքն է արել վերջին երկու տարվա ընթացքում, ոչ ոք 10-15 տարվա ընթացքում չի արել: Հույս ունեմ, որ առջևում նրան երկար ու հաջողված համագործակցություն է սպասվում այս կոլեկտիվի հետ: 

Ռոզա Գրիգորյան

Լուսանկարները՝ Տիգրան Առաքելյանի/օպերային թատրոն

website by Sargssyan