Հարգանքի տուրք Պոնտոսի հույների զոհերի հիշատակին ՀԱՍԱՐԱԿՈՒԹՅՈՒՆ
Երևան-Սևան ճանապարհին «Opel»-ը բախվել է արգելապատնեշին. վարո... ՀԱՍԱՐԱԿՈՒԹՅՈՒՆ
Ռոբերտ Քոչարյանն ազատ արձակվեց ՀԱՍԱՐԱԿՈՒԹՅՈՒՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
Իսկ ովքե՞ր են «մեղավորներն» ու շահարկողները ՔԱՂԱՔԱԿԱՆ
Երևան, 19.Մայիս,
00
:
00
:
00
Փոխարժեք
478.65
$
560.79
Նիկոլ Փաշինյանն անդրադառնում է վաղվա ակցիային. ուղիղ Վարչապետը կոպտագույն ձևով միջամտում է դատական իշխանության գործունեությանը․ Արթուր Ղազինյան Դասերը կլրացնենք հեղափոխության երկրորդ փուլից հետո. «Իմ քայլի» պատգամավորը դասադուլի կոչ է անում Արարատ Միրզոյանը Վյաչեսլավ Վոլոդինի հետ քննարկել է հայ-ռուսական ռազմավարական գործընկերային հարաբերությունները Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ «Առավոտյան ժամը 08.30-ից արգելափակում ենք հանրապետության բոլոր դատարանների ելքերն ու մուտքերը, այնպես, որ ոչ ոք ներս չմտնի». Նիկոլ Փաշինյան Արմավիրի մարզում Opel-ը բախվել է կայանված Nissan-ին, վերջինն էլ վրաերթի է ենթարկել վարորդին, կնոջն ու ելակ վաճառողին. Shamshyan.com Արարատ-Արմենիան Գյումրիում հաղթեց Շիրակին Նիկոլ Փաշինյանը հանդես կգա հայտարարությամբ՝ «դատաիրավական համակարգում ժողովրդի իշխանությունը հաստատելու մասին» Ալավերդու պետական քոլեջի 13 դասախոս ազատվել է աշխատանքից․ տնօրենի դեմ բողոքը շարունակվում է Առաջարկում եմ վերջ տալ Վրաստանում այսօր ՏԻՄ ընտրություններ են անցկացվում․առաջադրվել է նաև Սաակաշվիլիի կինը

Սահմանամերձ Արփունքում կառուցվում է խմելու ջրատարի արտաքին ցանց

Գեղարքունիքի մարզի Գեղամասար համայնքի սահմանամերձ Արփունք գյուղում 2018 թվականի սեպտեմբերի կեսերից մեկնարկել եւ ընթանում են խմելու ջրատարի արտաքին ցանցի կառուցման աշխատանքները: Ջրատարը կունենա 2660 մետր երկարություն:


Ինչպես «Արմենպրես»-ին տեղեկացրել է Գեղամասար համայնքի ղեկավար Հակոբ Ավետյանը, ծրագրի ընդհանուր արժեքը կազմում է 22 միլիոն 464 հազար դրամ, որում հիմնական ներդրումը պատկանում է «Երեւանի Ռոտորի ակումբ ինթերնեյշնլ» կազմակերպությանը: 3,2 միլիոն դրամ ներդրել է «Ջինիշյան հիշատակի հիմնադրամը», 960 հազար դրամ՝ Գեղամասարի գյուղապետարանը: Եռակողմ ու համատեղ ծրագրի շրջանակներում նախատեսվում է կառուցել մարման 6 դիտահոր, 3 աղբյուրակապ, 2660 մետր երկարության խողովակաշար, ինչի արդյունքում կնորացվի գյուղի խմելու ջրատարի արտաքին ցանցը:

«Արփունքի խմելու ջրատարի արտաքին ցանցը կառուցվել է նախորդ դարի կեսերին, ազբեստյա խողովակներով, որոնք քայքայված են արդեն ու հանգեցնում են մեծ կորուստների, ինչպես նաեւ՝ անկանոն ու անորակ ջրամատակարարման: Հիմնանորոգման խիստ կարիք ունեն նաեւ երեք աղբյուրակապերը: Հոկտեմբերի նախավերջին օրվա դրությամբ փորվել է ողջ խրամուղին 2660 մետր երկարությամբ, տեղափոխվել եւ զոդվել են պոլիէթիլենային խողովակները, կառուցվել են մարման հորերը:

Շինարարական աշխատանքների արագ ընթացքը խաթարվեց հոկտեմբերի 27-ին տեղացած առատ ձյան պատճառով, որի շերտը դեռ նստած է մնում սարում, որտեղով անցնում է գյուղը սնող խողովակաշարը: Եղանակային պայմանների բարելավման դեպքում շինարարական աշխատանքները կարող են ավարտվել մինչեւ տարեվերջ:

 
 

Իսկ եթե տարածքը չազատվի ձնածածկույթից, շինարարությունը կավարտվի եկող տարվա ընթացքում»,- ընդգծել է համայնքի ղեկավարը: Արփունք գյուղի վարչական ղեկավար Սարգիս Ասլանյանի հավաստմամբ՝ Արփունքի խմելու ջրատարի ներքին ցանցն ամբողջությամբ հիմնանորոգվել է 2003 թվականին:

«Գյուղը շուրջօրյա ջրամատակարարում ունի, սակայն այս ծրագիրը շատ կարեւոր ու կենսական էր մեզ համար, քանի որ արտաքին ցանցն արդեն դժվար էր շահագործվում, ազբեստյա խողովակաշարը քայքայվել էր, արտաքին ցանցի երեք ճյուղերից մեկը՝ խցանվել: Բարվոք վիճակում չէին նաեւ աղբյուրակապերը: Իսկ ներքին ցանցը տարբեր ծրագրերով հիմնանորոգել ենք ժամանակին: Այնպես որ, այս ծրագրի ավարտից հետո կանոնավոր ու որակյալ ջրամատակարարում կապահովենք բնակչության համար»,- նշել է Արփունքի վարչական ղեկավարը:

 

 

website by Sargssyan