Տասն ամիս անց. քայլե՞ր, թե՞ արդարացումներ ՎԵՐԼՈՒԾԱԿԱՆ
Փաշինյանի թիմն ու Աստծո սպասավորները «յոլա չեն գնում» իրար հետ ՔԱՂԱՔԱԿԱՆ
Սահմանադրական փոփոխության կարիք կա՞, թե՞ ոչ. երկակի վիճակ ՎԵՐԼՈՒԾԱԿԱՆ
Զարմացողը Սյունիքի նախկին մարզպետն է եղել ՀԱՍԱՐԱԿՈՒԹՅՈՒՆ
Կադրային բանկը՝ սնանկության շեմին ՎԵՐԼՈՒԾԱԿԱՆ
Երևան, 21.Փետրվար,
00
:
00
:
00
Փոխարժեք
478.65
$
560.79
Թունավորվել են գազի կաթսայից շմոլ գազի արտահոսքի հետևանքով Չեմպիոնների լիգա. Առաջին խաղակեսերից հետո Փակ են Վարդենյաց լեռնանցքը և Արագածոտնի մարզի մի շարք գյուղերի ավտոճանապարհներ Վենեսուելան փակել է իր ծովային սահմանը Պատգամավոր Արգիշտի Մեխակյանի ունեցվածքը Երեւանյան բնակարանում տղամարդու դի են հայտնաբերել «Շեֆ, ամեն ինչ լավ է». արդյո՞ք բան է փոխվել Սահմանադրական փոփոխության կարիք կա՞, թե՞ ոչ. երկակի վիճակ(Տեսանյութ) Վթար Էջմիածին-Մարգարա ճանապահին. վարորդը մահացել է Կադրային բանկը՝ սնանկության շեմին(Տեսանյութ) Քաղաքացին աղջկա հետ փորձել է մտնել կառավարության շենք և ի նշան բողոքի՝ ինքնահրկիզվել Գիտնականները բացահայտել են արագ նիհարելու բացառիկ մեթոդ Վերահսկողականը՝ Լոռու մարզում(Տեսանյութ) Երևանում առկա ավելի քան 6000 բազմաբնակարան բնակելի շենքերից 4-րդ կարգի վթարային է շուրջ 10-15 շենք. բաց լսումներ քաղաքապետարանում «Յուվենտուս»-ը պատրաստվում է «Ատլետիկո»-ի դեմ դիմակայությանը (լուսանկարներ) Չկա այնպիսի մեկը, որն ալկոհոլ չի օգտագործում Փաշինյանի թիմն ու Աստծո սպասավորները «յոլա չեն գնում» իրար հետ(Տեսանյութ) ԱԳԲԱ Լիզինգը վերականգնվող էներգետիկայի ոլորտում իրականացրած ներդրումների համար ՎԶԵԲ-ից մրցանակ է ստացել Վթար Էջմիածին-Մարգարա ճանապահին. 41-ամյա վարորդը մահացել է (ֆոտո) Դիջիթեյնը ներկայացրեց իր նորարարական լուծումները ICE London միջազգային ամենամյա հեղինակավոր ցուցահանդեսին

Դուք կարծում եք՝ «Մաքսիմը» ռուսական զե՞նք է. եթե այո, ապա սխալվում եք

Մենք գիտենք, որ...

«Մաքսիմ» գնդացիրը լայնորեն օգտագործվել է ինչպես ցարական Ռուսաստանում, այնպես էլ ԽՍՀՄ–ում՝ հատկապես քաղաքացիական պատերազմի ժամանակ: Ռուսները փաղաքշորեն Մաքսիմկա էին ասում: Անունից էլ երևում է, որ սա զուտ ռուսական զենք է:

Իրականում այդպես չէ:

«Մաքսիմ» գնդացիրը հաստոցավոր գնդացիր է և ստեղծվել է ամերիկացի զինագործ Հայրեմ Ստիվեն Մա՛քսիմի կողմից 1883 թվականին (ուշադրություն դարձրեք շեշտին և արտասանեք ոչ թե Մաքսի՛մ, այլ Մա՛քսիմ):Այս գնդացիրը կարելի է համարել բոլոր ավտոմատ զենքերի նախահայրը: Այն լայնորեն կիրառվել է գաղութային պատերազմներում, առաջին և երկրորդ աշխարհամարտերում և բազմաթիվ այլ մարտերում, անգամ ներկայումս որոշակի «թեժ կետերում» կարելի է հանդիպել «Մա՛քսիմ» գնդացիրին:

Դեռևս 1866 թվականին 26–ամյա անգլիացի, Ամերիկայում ապրող գյուտարար Մա՛քսիմը գծագրել էր իր գնդացիրը: Իրականում նա զինագործ չէր և զբաղվում էր էլեկտրատեխնիկայով, ընդ որում՝ բավական հաջող: Մի օր ընկերները նրան հրավիրեցին հրաձգարան՝ Սպրինգֆիլդյան ակոսավոր մուշկետով կրակելու: Մա՛քսիմը զարմացրեց բոլորին իր դիպուկությամբ, բայց նա գոհ չէր, որովհետև նրա ուսը մի քանի օր ցավում էր մուշկետի կրակոցի չոր հետհարվածից: Նա մտածեց, որ կարելի է այդ հետհարվածը կիրառել՝ օգտագործած պարկուճը հանելու և զենքը ավտոմատ լիցքավորելու համար: Արդյունքում նա ձևավորեց ինքնալիցքավորվող զենքերի համար գործող հիմնական սկզբունքները. փողի անցքի փակման–բացման մեխանիզմ, հետհարվածի էներգիայի օգտագործում, փամփուշտների ժապավենային մատակարարում: Այդքանից հետո նա էլ առաջ չգնաց և չստեղծեց փորձնական օրինակ: Հանգամանքների բերումով Մա՛քսիմը Եվրոպա գործուղվեց աշխատելու: Մի անգամ, երբ նա Փարիզում էր, հանդիպեց իր ամերիկացի մի հին ընկերոջ:

Խոսակցության ընթացքում ընկերն իմանալով, որ Մա՛քսիմը էլեկտրատեխնիկայով է հետաքրքրվում, իմիջիայլոց ասաց. «Թող դա, ստեղծիր մի այնպիսի բան, որ այս ապուշ եվրոպացի սնոբները արագորեն սպանեն միմյանց» (ճակատագրի հեգնանքով այդպես էլ եղավ, Մա՛քսիմի գնդացիրը Առաջին համաշխարհայինում ամենամահաբեր զենքն էր):

1881 թվականին Մա՛քսիմը վերսկսեց աշխատանքները գնդացրի վրա: 1883 թվականին նա ներկայացրեց իր գլուխգործոցը՝ առաջարկելով ԱՄՆ–ի կառավարությանը՝ սկսել զանգվածային արտադրություն, սակայն ԱՄՆ–ին դա չհետաքրքրեց: Փոխարենը հետաքրքրեց Անգլիայի զինվորականներին: Նրան հնարավորություն տվեցին փորձնական օրինակ ստեղծել և փորձարկել զենքը: Մա՛քսիմին շատ օգնեց մուլտիմիլիարդատեր Ռոդշիլդը, որը ֆինանսավորեց գնդացրի արտադրությունը:

Մարտական մկրտությունը Մա՛քսիմի գնդացիրը ստացել է 1893 թվականին՝ Աֆրիկայի մատաբելե ցեղի ապստամբության ժամանակ: Հետագայում ևս այն լայնորեն օգտագործվել է գաղութներում՝ ցույցերի ճնշման համար:

1888 թվականին Մա՛քսիմի գնդացրից առաջին անգամ կրակեց Ալեքսանդր 3–րդը, արդյունքում Ռուսաստանը 12 հատ գնդացիր գնեց: 1904 թվականին պայմանագիր կնքվեց Տուլայի զինագործարանի և «Վիկկերս, որդիներ և Մա՛քսիմ» ընկերության հետ, և սկսվեց գնդացիրների արտադրությունը Ռուսաստանում:

Ի դեպ, պարզվում է, որ «Մաքսիմ» գնդացրի ստեղծման պատմության մեջ անուղղակի ավանդ ունի նաև հանրահայտ Թոմաս Էդիսոնը (շիկացման լամպի և այլ բազմաթիվ գյուտերի հեղինակ): Մա՛քսիմը և Էդիսոնը նույն գործով էին զբաղվում՝ էլեկտրատեխնիկայով, և Էդիսոնը, որպեսզի ազատվի խելացի և հաջողակ մրցակցից, կարողանում է այնպես անել, որ Մա՛քսիմին բարձր աշխատավարձով երկարաժամկետ գործուղեն Եվրոպա, այսպես ասած՝ «պատվավոր աքսորի», որտեղ և Մա՛քսիմը ստեղծում է իր մահաբեր զենքը:

Նյութը հրապարակման պատրաստեց Past.am-ը

website by Sargssyan