Բանակցությունները ճանաչողականից մտնում են «կառուցողական հուն» ՔԱՂԱՔԱԿԱՆ
Ինչո՞ւ են դժգոհում ԱՊՊԱ գործակալները ՀԱՍԱՐԱԿՈՒԹՅՈՒՆ
Ի՞նչ է հայտարարագրել պատգամավոր Արտակ Մանուկյանը ՔԱՂԱՔԱԿԱՆ
Գուցե 50 համարի երթուղայինն է՞լ է ուզում սնանկանալ ՀԱՍԱՐԱԿՈՒԹՅՈՒՆ
Ինքնահայտարարագրվելուն մնաց մեկ ամիս. ինչո՞ւ են խուսափում պա... ՀԱՍԱՐԱԿՈՒԹՅՈՒՆ
Երևան, 23.Փետրվար,
00
:
00
:
00
Փոխարժեք
478.65
$
560.79
Չեմպիոնների լիգայի շաբաթվա լավագույն ֆուտբոլիստը հայտնի է (լուսանկար) 2018 թվականին Հայաստան է այցելել 3974 զբոսաշրջիկ Ճապոնիայից «Փաստ» օրաթերթի փետրվարի 22 ի համարի տեսությունը Հայտնի է 2018 թվականին ավիավթարներում զոհվածների թիվը Միանգամից երկու կին մարտի վերջին առաջին անգամ դուրս կգա բաց տիեզերք Հանգիստ նստե՞լ, թե՞ ակտիվ քայլել քաղաքական երկընտրանք Facebook-ը հրաժարվում է գաջեթների օգտատերերին հետեւող հավելվածներից Գարեգին Բ-ն եւ Արամ Ա-ն հյուրընկալվել են նախագահ Սարգսյանին Իրանական այցին չեն կարողանում հանգիստ նայել Արփինե Հովհաննիսյանը բացում է փակագծերը Նոր որակի ընդդիմության պահանջարկը. փակ ցիկլից պետք է դուրս գալ Սանավիացիայի ուղղաթիռն արդեն Հայաստանում է (լուսանկար) Ամենախոշոր կոռուպցիոն գործից մինչեւ մահացած զինծառայողների ծնողների բողոքներ. հարցազրույց զինդատախազի հետ Մարիա Զախարովան ընդհատել է ադրբեջանցի լրագրողին. Ի՞նչ կապ ունի Ռուսաստանի համանախագահությունը Կիսատությունն ու ձևի գերակայումը բովանդակության հանդեպ Հարավային Կալիֆոռնիայի համալսարանում տեղի կունենա «Նորարարական Հայաստան» միջոցառումը Ինչո՞ւ են դժգոհում ԱՊՊԱ գործակալները Amnesty International-ը Ադրբեջանը ներառել է ՀԿ իրավունքները խախտող երկրների ցանկում Բացահայտվել է ՀՀ ՊՆ պաշտոնատար անձի կողմից կաշառք ստանալու դեպք Իշխանությունների «սրբագրիչն» ու ՍԴ ապագա նախագահը

«Անցել են այն ժամանակները, որ եթե մի բան անցավ մտքով, ապա կարելի է դրանով հաջողության հասնել». «Փաստ»

«Փաստ» օրաթերթը գրում է.

Շատերին թվում է, որ բիզնեսով զբաղվելն ամենահեշտ գործն է: Կարելի է մի քանի հազար դրամ վարկ վերցնել, գնալ մի տեղից ինչ–որ ապրանք գնել, հավելավճարով վաճառել և օգուտ ստանալ: Բայց պարզվում է, որ բիզնեսով զբաղվելն այդքան էլ հեշտ գործ չէ, ինչպես շատերին է թվում: Արագ զարգացող աշխարհում նման ռիսկի գնալուց առաջ նախ հարկավոր է շատ գիտելիքներ ունենալ այդ ոլորտ ոտք դնելու և կայուն զարգացնելու համար: Նման գիտելիքի տիրապետելու դեպքում, անկասկած, շատերը կհասկանան, որ հարևանից, ծանոթից կամ, առավել ևս, բանկից գումար վերցնելու և բիզնես սկսելու համար պետք է շատ մտածեն:

Հակառակ դեպքում կարող են կանգնել լուրջ խնդիրների առջև: Այսինքն, օդում հաշվարկներ անելու փոխարեն, հարկավոր է մասնագիտական մոտեցում ցուցաբերել, ինչի արդյունքում կարող է հանկարծ պարզ դառնալ, որ ավելի լավ է ինչ–որ տեղ աշխատանք գտնել, քան սեփական բիզնես հիմնելու մասին մտածել: 

Երևանի առևտրաարդյունաբերական պալատի հիմնական գործառույթը բիզնես միջավայրին աջակցելն է: Նրանք կազմակերպում են տարբեր միջոցառումներ բիզնես ոլորտի ներկայացուցիչների համար: Պալատի տնօրենի պաշտոնակատար Արտակ Միքայելյանը, խոսելով բիզնես միջավայրի խնդիրների մասին, նշեց, որ դրանք բավականին տարբեր են՝ կախված ոլորտներից և ծավալներից: Ինչ վերաբերում է գիտելիքին, ապա գլոբալիզացիայի պայմաններում բիզնես–ոլորտի մասին պրակտիկ գիտելիք ունենալն առաջնային խնդիր է դարձել:

«Ողջ աշխարհում ընդունված կարգ է, որ բիզնեսի ներկայացուցիչները պարբերաբար վերապատրաստումներ են անցնում, ծանոթանում են նորություններին: Դա վերաբերում է թե՛ բիզնեսում աշխատողներին, թե՛ մարկետոլոգներին, թե՛ իրավաբաններին, թե՛ մենեջերներին: Նրանք բոլորն էլ մշտապես վերապատրաստման կարիք ունեն: Դա նպաստում է բիզնեսի գրագետ ու ճիշտ առաջընթացին»,– ասաց Ա. Միքայելյանը: 

Ինչ վերաբերում է օրենսդրությանը, ապա այդ դաշտի կատարելագործումը նույնպես կարևոր է: Բայց պալատի տնօրենի պաշտոնակատարի կարծիքով, կան բազմաթիվ նրբություններ, որոնք պետք է անպայման հաշվի առնել: Օրինակ՝ խոշոր և մանր բիզնեսի ներկայացուցիչները պետք է ոչ թե նույն ապրանքից բերեն ու սկսեն իրար հետ «մրցակցել», այլ պետք է փնտրել ու գտնել այն սեգմենտը, որի պահանջարկը կա:

«Այսօր ողջ աշխարհում գլոբալիզացիայի պայմաններում ցորեն ցանողից մինչև ապրանքի վերջնական վաճառքի իրականացում նույն կազմակերպության միջոցով է իրականացվում: Եվ դա միայն Հայաստանին չի վերաբերում, այդ տենդենցը ողջ աշխարհում էլ կա: Դա է պատճառը, որ շատերը շուկայից դուրս են մնում: Այսինքն, բիզնես անելու ժամանակ ռիսկերը բիզնեսով զբաղվողի վրա է լինում, ուստի պետք է ռիսկերը ճիտ գնահատվեն և պարբերաբար բիզնեսում փոփոխություններ կատարվեն, որպեսզի մրցունակ մնան շուկայում»,– ասաց Ա. Միքայելյանը:

Բիզնեսով զբաղվելուց առաջ հարկավոր է նաև առաջարկի ու պահանջարկի ողջ շուկան ուսումնասիրել, ոչ թե գնալ այն ուղղությամբ, որոնք արդեն կայացած են կամ հայտնի են թե՛ ներսում, թե՛ դրսում: 

«Հայաստանն աշխարհում հայտնի է իր կոնյակով ու չրերով: Իսկ կան ոլորտներ, որոնք ընդունված կամ զարգացած չեն եղել Հայաստանում: Օրինակ՝ պարֆումերիայի ոլորտում, օծանելիքի արտադրությունը: Հիմա փոքր քայլերով այն սկսել է զարգանալ: Այլ ոլորտներ նույնպես կան, որոնք կարելի է զարգացնել, քանի որ պահանջարկի շուկան բավականին լայն հնարավորություններ է տալիս: Այսինքն շատ սեգմենտներ կան, որոնք բաց են և կարելի է զարգացնել»,– ասաց Ա. Միքայելյանը:

Միտք ունենալը մեկ բան է, իսկ դա ապրանքի վերածելն ու դրանից շահույթ ստանալը մեկ այլ բան: Ուստի Միքայել յանը խորհուրդ է տալիս, որ այս կամ այն բիզնեսը սկսելուց առաջ ճիշտ հաշվարկներ իրականացվեն, ոչ թե ծնված ցանկացած միտքն անմիջապես բիզնես դաշտ տանեն: «Ցանկացած բիզնեսի հիմքը ճիշտ մոդել կազմելն է և ուսումնասիրության շնորհիվ հասկանալը, թե արդյո՞ք այն կաշխատի, թե՞ ոչ: Դրա համար հարկավոր է դաշտն ուսումնասիրել, հաշվարկներ իրականացնել և այլն: Բիզնեսով պետք չէ զբաղվել ինքնանպատակ կերպով, այլ դրան պետք է գրագետ մոտենալ ու ճիշտ հետևությունների հանգել: Անցել են այն ժամանակները, որ եթե մի բան անցավ մտքով, ապա կարելի է դրանով հաջողության հասնել: Այսինքն, ներքին շուկայում աշխատելը մի խնդիր է, արտաքին շուկայում աշխատելը՝ մեկ այլ խնդիր: Այլ կերպ ասած՝ բիզնեսը ռիսկ է և, անկախ խաղի կանոններից, այս կամ այն ոլորտը կա՛մ զարգանում է, կա՛մ ոչ: Ինչ վերաբերում է օրենսդրությանը, ապա ասեմ, որ շատ երկրներ կան, որ ավելի կոշտ հարկային քաղաքականություն ունեն, սակայն այնտեղ նույնպես բիզնես է զարգանում: Կրկին գալիս ենք այն համոզման, որ բիզնեսում հաջողության հասնելու առաջին նախապայմանը կրթությունն է, ինչն էլ օգնում է, որ այն ճիշտ և գրագետ ձևով զարգանա»,– ասաց Ա. Միքայելյանը: 

Մանրամասները՝ «Փաստ» օրաթերթի այսօրվա համարում

 

 

website by Sargssyan