7 ամիս սաբոտաժ անեի՞նք, աջակցել ենք, որ հեղափոխությունը հանկարծ որևէ ձևով չվտանգվի. Է.Մարուքյանը՝ ՀՀԿ-ին
ՔԱՂԱՔԱԿԱՆՄեր ամբողջական ցուցակը վաղը կներկայացնենք ԿԸՀ և կհրապարակենք. այս մասին ԱԺ-ում լրագրողների հետ զրույցում ասաց ԼՀԿ նախագահ, ԱԺ «Ելք» խմբակցության պատգամավոր Էդմոն Մարուքյանը:
«Ըստ էության՝ անկնկալներ ունենք, եթե անկնկալներ եք սպասում, երևի կհիասթափվեք»,-նշեց նա:
Էդմոն Մարուքյանի կարծիքով՝ իրենք կարող են լինել 2-րդ ուժը խորհրդարանում:
Նա ընդգծեց, որ ԼՀԿ-ն մտադիր է ընտրությունների ընթացքում ստանալ պատասխանատվության այն բաժինը, որն ընտրողները պատրաստ են հանձնել իրենց. կլինեն ընդդիմություն, թե ոչ, կորոշի ՀՀ քաղաքացին:
«Հենց գանք խորհրդարան, առաջին նիստը բացվի, ես կհայտարարեմ ՝մենք ինչ ենք՝ ընդդիմությո՞ւն ենք, թե՞ իշխանություն: Այդ հարցը քաղաքագիտական առումով սխալ է, բոլորը ընտրությունների ժամանակ ձգտում են նշխանության: Մենք պատրաստ ենք պետական շինարարության գործում մեր ներդրումն ունենալու, ինչպես որ միշտ արել ենք»,-շեշտեց նա:
Ինչ վերաբերում է ՀՀԿ-ի դիտարկմանը, թե ԼՀԿ-ն 7 ամիս չի քննադատել գործող իշխանությանը, ապա Էդմոն Մարուքյանն ասաց. «Ինչը քննադատեինք 7 ամիս սաբոտաժ անեինք, հա՞, մենք 7 ամիս աջակցել ենք, որ հանկարծ հեղափոխությունը որևէ ձևով չվտանգվի, իրենք վտանգել են, փորձել են, որ ինչ-որ բաներ ջուրը լցվեն, պրոցեսներ գնան դեպի հակառակը, մենք թույլ չենք տվել, որ ինչ-որ բաներ այնպես չգնան, գուցե դրանից են նեղացել, մենք պաշտպանել ենք հեղափոխության արժեքներն այս շենքում, այս շենքից դուրս, բայց դա չի նշանակում, որ ընտրությունների ժամանակ չունենք մեր առաձին ճանապարհները, տեսլականներն ու մոտեցումները»,-ասաց պատագմավորը: