Երևան, 09.Փետրվար.2023,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Կադրային բա՞նկ, թե՞ բանկրոտ. կառավարությունը՝ ՍՊԸ, իշխանությունն էլ՝ HR. «Փաստ»

ՎԵՐԼՈՒԾԱԿԱՆ

«Փաստ» օրաթերթը (հեղինակ՝ Լևոն Մարգարյան) գրում է

Օրերս վարչապետի պաշտոնակատար Նիկոլ Փաշինյանը ֆեյսբուքյան իր էջում գրառում էր արել՝ խոսելով կադրային նոր քաղաքականության մասին: Խոսքը խորհրդատվական մարմնի ստեղծման մասին է, որին ուղարկելով ինքնակենսագրականներ՝ այս կամ այն ոլորտի մասնագետները հնարավորություն կունենան հրավիրվել հարցազրույցի, և եթե հաղթահարեն մի քանի փուլեր, ապա աշխատանքի կանցնեն պետական ապարատում: Նախօրեին էլ մամուլի ասուլիսի ժամանակ Փաշինյանը խոսեց կադրային բանկի մասին՝ նշելով, որ իրենց մասնագիտության մեջ հաջողությունների հասած անձինք կարող են CV–ներն ուղարկել կառավարություն: 

Առաջին հայացքից, իհարկե, Փաշինյանն ասում է բավական դրական բաներ, բաներ, որոնք նախկինում չեն ասվել: Հատկապես նախորդ իշխանության վարած կադրային քաղաքականության ֆոնին, որը կարելի է անվանել առավել փակ, խմբային, թայֆայական, նմանատիպ հայտարարությունները դրական տպավորություն են թողնում: Կարծես թե ստեղծվում է պետական ապարատի, ընդհանրապես պետության և մասնագետների միջև ուղիղ հաղորդակցության հնարավորություն: Սակայն բացի դրական տպավորությունը, այլ էֆեկտ կարծես այս հայտարարությունները չեն թողնում:

Նախ, ինչ վերաբերում է իրենց ոլորտներում հաջողած մասնագետներին: Դժվար է պատկերացնել, որ իր ոլորտում հաջողած մասնագետը կարիք ունի աշխատանք փնտրելու, ինքնակենսագրական ուղարկելու և հարցազրույցներ անցնելու: Հատկապես, եթե մոտավոր պատկերացնենք, թե ովքեր են լինելու հարցազրույց վերցնողները՝ մարդիկ, ովքեր չնայած լեգիտիմ պրոցեսների արդյունքում հայտնվել են իշխանության, բայց դեռևս չեն ապացուցել իրենց ոլորտային ու մասնագիտական կոմպետենտությունը, ավելին՝ շատերը հաջողել են այդ կոմպետենտությունը դնել կասկածի տակ: Հետո՝ հաջողած մասնագետը, որը, դիցուք, աշխատում է մասնավոր սեկտորում, որևէ կերպ մոտիվացված չէ հայտնվել պետական ապարատում: Խոսքը միայն աշխատավարձի մասին չէ, այլ նաև ինքնաիրացման հնարավորության: Բոլորին էլ պարզ է, որ պետական ապարատը մասնագիտական հմտությունների իրացման ամենաբաց ու ստեղծագործ հարթակը չէ: Հետևաբար, եթե կա հաջողած մասնագետներ ներգրավելու խնդիր, ապա այդ խնդիրն առավելապես իշխանության խնդիրն է, ոչ թե հաջողած մասնագետների: Պետությունը պետք է գնա և խնդրի հաջողած մասնագետին թողնել իր բարձր աշխատավարձը, թողնել իր իրացման ու ստեղծագործական աճի ավելի ազատ հնարավորությունները ու գալ, լծվել պետական աշխատանքի: Այլ կերպ ասած՝ ոչ թե մասնագետները պետք է ինքնակենսագրական ուղարկեն, այլ կառավարությունը պետք է իր ինքնակենսագրականով ու մոտիվացիոն նամակով ներկայանա մասնագետներին ու խնդրի նրանց ներգրավվել պետական աշխատանքի:

Երկրորդ՝ ինչպես վերը նշեցինք, պետական աշխատանքն ամենահաճելիներից չէ, այն, անշուշտ պարտավորեցնող է, իր մեջ պարունակում է շատ հստակ պարտքի գիտակցում և պատասխանատվություն պետության հանդեպ, բայց միաժամանակ բավական ծանր է, բավական դանդաղաշարժ և կոնսերվատիվ իր էությամբ: Հաճախ պետական ծառայության մեջ հաջողում են ոչ թե այն մարդիկ, որոնք այս կամ այն ոլորտի կայացած մասնագետներ են, այլ նրանք, ովքեր ունեն կազմակերպչական հմտությունների, թիմի հետ աշխատելու փորձառություն, ծանր ու հագեցած տեմպին դիմանալու բնավորություն: Ինչպե՞ս է, օրինակ, իշխանությունն իր խորհրդատվական խողովակներով տարբերակելու նեղ ոլորտային մասնագետին լավ կազմակերպչից, կամ ծանր տեմպի տակ աշխատելու ունակ մասնագետին՝ առավել ազատ, ստեղծագործական մթնոլորտում աշխատելու ունակ մասնագետից: 

Երրորդ՝ երբ խոսվում է կադրային բանկի մասին, տպավորություն է ստեղծվում, թե Հայաստանում չկա կրթական ու գիտական համակարգ: Իսկ այն կա, թեկուզև բովանդակային իմաստով ոչ հեռանկարային, բայց կա: Այստեղից այնտեղից կադրեր փնտրելու, խորհրդատվական մարմիններ ստեղծելու փոխարեն պետությունն ընդամենը կարող է հստակ պատվեր իջեցնել կրթական ու գիտական ինստիտուտներին՝ պատրաստել կոնկրետ ուղղվածությամբ կադրեր, կոնկրետ ոլորտների մասնագետներ: Փաստացի, սակայն, կրթության և գիտության ոլորտում մենք այժմ ունենք բացառապես օդի անվերջ տատանումներ, իսկ այդ ոլորտները բարեփոխելու փոխարեն, զբաղված ենք տարբեր տեղերից կադրեր որոնելով:

Եվ վերջում. պետությունը ՍՊԸ չէ, իսկ պետության գործառույթներն իրացնող կառավարությունն էլ HR չէ: Կադրային քաղաքականություն ունենալ չի նշանակում լինել պարզ գործատու ու առաջնորդվել՝ ուղարկեք ձեր CV–ները տրամաբանությամբ: 

Պետության ֆունկցիոնալությունը շատ ավելին է, կադրային քաղաքականությունը այդ ֆունկցիոնալության հիմնական մեխանիզմներից մեկն է: Եթե կադրային քաղաքականությունն առաջնորդվում է կարճաժամկետ հեռանկարում թափուր պաշտոնները լավ մասնագետներով զբաղեցնելու մոտեցմամբ, ոչ թե փորձում է համալիր ռազմավարական մոտեցում մշակել, ապա չի բացառվում, որ շուտով աշխատանքի մասին կառավարության հայտարարությունները հայտնվեն, ասենք, list.am կայքում:

Մանրամասները՝ «Փաստ» օրաթերթի այսօրվա համարում

 

«Համախմբում» շարժումը օժանդակություն կուղարկի Սիրիա Երկրաշարժի հետևանքով զոհվել է 14 014 մարդ. Էրդողան Կանխատեսվող նոր երկրաշարժը կարող է ավելի ավերիչ լինել և հարվածել Ստամբուլին. գիտնականներ Բացահայտվել է վառելիքի խոշոր ներմուծողների կողմից նախօրոք մշակված մեխանիզմների միջոցով հարկվող օբյեկտները թաքցնելու, ինչպես նաև առանց համապատասխան փաստաթղթերի վառելիքի մատակարման փորձ 5․4 մագնիտուդ ուժգնությամբ հզոր երկրաշարժ. կան զոհերՈսկու ֆյուչերսները կայունացել են Իշխանության ստերը Հայաստանն ու Արցախը դարձնում են միջազգային ուժերի բախման վայր․ Հայկ Մամիջանյան «Կարմիր խաչի» ուղեկցությամբ 7 անձ տեղափոխվել է ՀՀՍարգիս Խանդանյանն ընտրվեց ԱԺ արտաքին հարաբերությունների հանձնաժողովի նախագահ Ե՞րբ կժամանի ԵՄ դիտորդական առաքելությունը ՀայաստանԵրևանի և մարզերի մի շարք հասցեներում ժամեր շարունակ ջուր չի լինի Հանդիպման կազմակերպման հարցը մշակվում է, մենք դրանից չենք հրաժարվում. ՌԴ ԱԳՆ-ն՝ Լավրով-Միրզոյան-Բայրամով հանդիպման մասին Ո՞ւմ է իրականում պատկանում հեծանիվի գյուտը. «Փաստ»Պուտինը հաջողելու հնարավորություն չունի, նա արդեն կորցրել է Ուկրաինան. Բայդեն Մինչեւ երեկո հայտնաբերված խախտումները կփորձենք վերացնել. «Ոսկու աշխարհ» տոնավաճառի իրավաբան Մինչ Մեսսին ոչ ոք չգիտեր «Բարսելոնայի» մասին, կար միայն «Ռեալ» Մադրիդը․ Մեսսիի եղբայր Դիարբեքիրում հայ երգչուհուն և ամուսնուն մահացած են հանել փլատակներիցՊԱՏՄՈՒԹՅԱՆ ԱՅՍ ՕՐԸ (9 ՓԵՏՐՎԱՐԻ). Հանվել է ՀՅԴ գործունեության կասեցումը. «Փաստ»Արցախում հովհարային անջատման ժամանակացույցում փոփոխություններ կլինեն․ Արցախէներգո Ի վեր­ջո հենց մենք պետք է ելք գտնենք այս փա­կու­ղուց. «Փաստ»«Աշխատավարձը կկրկնապատկվի»․ Նիկոլ Փաշինյան Ռու­սաս­տա­նի ազ­դե­ցու­թյան ըն­դու­նե­լի այ­լընտ­րանք չկա Կով­կա­սում. «Փաստ»Ռուսաստանը չի կարող և չպետք է հաղթի. Եվրոպան Ուկրաինայի հետ կլինի մինչև հաղթանակ. Փարիզում կայացել է Մակրոն-Շոլց-Զելենսկի հանդիպումը Գագիկ Ծառուկյանի աջակցությունը Արցախում շրջափակման ժամանակ ծնված 215 երեխաներին և նրանց ընտանիքներին Ադրբեջանի այս գործողությունները մեկ նպատակ ունեն՝ կոտրել սեփական հայրենիքում ապրելու Լեռնային Ղարաբաղի բնակչության կամքը, ինչը, հավատում ենք, որ անկոտրում է․ Նիկոլ Փաշինյան ԿԳՄՍ նախարարության ենթակայության ներքո նոր մարմին կձևավորվի. ովքե՞ր կստանան ամենամսյա դրամական վճար. «Փաստ»Հումանիտար օգնությամբ հայկական երկրորդ ինքնաթիռը վայրէջք է կատարել Հալեպի օդանավակայանում Թուրք սեյսմոլոգը առաջիկայում եւս մեկ հզոր երկրաշարժ է կանխատեսում ԹուրքիայումԹուրքիայում երկրաշարժերի զոհերի թիվն աճել է Մենք կարճ ժամանակում կվերականգնվենք․ Էրդողան «Քեզ երբեք մենակ չեմ թողնի, սպասի՛ր, գալու եմ». Վահե Մխիթարյանն անմահացել է Արցախում հոկտեմբերի 30-ի առավոտյան. «Փաստ»Փրկարար ծառայությունից խնդրում են չանհանգստանալ «Խաղաղության մասին կարելի է խոսել միայն այն ժամանակ, երբ դիմացինն էլ է  դա ցանկանում». Վան ՀամբարձումյանԱղետի քաղաքական ենթաշերտերն ու երկակի ստանդարտները. «Փաստ»Նամակ Շոյգույից. «Փաստ»Երբ ամենամեծ արժեքը աթոռն է. «Փաստ»Թուրքիայում երկրաշարժի զոհերի թիվը հասել է 12391-ի «Թույլ տալ, որ Արցախը հայազրկվի, նշանակում է՝ բացել ՀՀ պետականության ոչնչացման դուռը». «Փաստ»Երկար ժամանակով լույս չի լինելու Երևանում և 7 մարզերում Փաշինյանը հաղթահարեց իր աղքատությունը, իսկ ժողովրդի՞նը«Բյուջետային հանցավոր քաղաքականություն է իրականացվում». «Փաստ»Ռուսաստանում, մեղմ ասած, ոգևորված չեն «փոխարինման» մասին խոսակցություններից. «Փաստ»Սիրտը բացել է եվրոպացիների առջև. «Փաստ»«Անգամ լավ ընդդիմություն չեն եղել». «Փաստ»Տե­սա­րան­ներ՝ առանց հա­ցի. «Փաստ»Բլինքենը վստահ է, որ Ֆինլանդիան և Շվեդիան շուտով կմիանան ՆԱՏՕ-ին ԱՄՆ-ում արևային վահանակների տեղադրումը նվազել է Չինաստանի պատճառով Քարոզչական միֆի վախճանը. Սյունիքում քաղցկեղի ամենաքիչ դեպքերն են գրանցվել Գորիսում խիտ մառախուղ է․ Տիգրանաշենի ոլորանները դժվարանցանելի են Արցախի պետնախարարը քննադատել է Եվրամիությանը՝ Բաքվի նկատմամբ մեղմ վերաբերմունքի համար