Չպայթած ռազմամթերքի վնասազերծում է նախատեսվում Ստեփանակերտում ՀԱՍԱՐԱԿՈՒԹՅՈՒՆ
Ձմեռային զորակոչի ընթացքում քաղաքացիների դիմումների և բողոքն... ՀԱՍԱՐԱԿՈՒԹՅՈՒՆ
Ոսկին թեթեւակի էժանանում է ՏՆՏԵՍՈՒԹՅՈՒՆ
Արցախում ռուս խաղաղապահները հակաահաբեկչական կանոնավոր վարժան... ՀԱՍԱՐԱԿՈՒԹՅՈՒՆ
ՀՀ տարածքում կան փակ ավտոճանապարհներ․ Լարսում ավելի քան 1000... ՀԱՍԱՐԱԿՈՒԹՅՈՒՆ
Երևան, 25.Հունվար,
00
:
00
:
00
Փոխարժեք
478.65
$
560.79
«Այո, մենք միասին չենք». Գոռ Համբարձումյանը հաստատել է իր եւ Մարիամ Ալեքսանյանի բաժանության լուրը 2021-ի հունվարի 24-ի տվյալներով արդեն հայտնաբերվել է ընդհանուր 1283 աճյուն Արցախի Շոշ գյուղի դպրոցը բացել է իր դռները Դավիթ Տոնոյանի ինքնախոստովանականը. Ոչ մեկդ չեք պլստալու Ջալալ Հարությունյանը հանդիպել է Արցախի նախագահի հետ Բաքուն և Մոսկվան քննարկելու են ադրբեջանական լոլիկի մատակարարման հետ կապված խնդիրները Սա նաև որոշակի նախազգուշացում էր սրիկա Փաշինյանին, որ՝ «ես կարող եմ խոսել». Արմեն Աշոտյան Մոսկվայում մի շաբաթ «տժժալուց» հետո քմծիծաղը երեսին նստել է զոհվածի այրու կողքին Չպայթած ռազմամթերքի վնասազերծում է նախատեսվում Ստեփանակերտում Ուղիղ․ ՀՀԿ փոխնախագահ Արմեն Աշոտյանի ասուլիսը Պղինձը թանկանում է Ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով է ստեղծվել․ ՊՆ Պուտինը բացահայտել է Նիկոլ Փաշինյանի իրական դեմքը Ոսկին թեթեւակի էժանանում է Համոզված եմ, որ Արցախի հանձնված տարածքները կարելի էր նույնկերպ պաշտպանել, ինչպես՝ Կարմիր շուկան. ՊԲ նախկին խոսնակ

Գավառի նորաբաց թատրոնն իր դռները բացեց հանդիսատեսի առջեւ

Գեղարքունիքի մարզի Գավառ քաղաքի Լ.Քալանթարի անվան դրամատիկական թատրոնը հիմնավերակառուցումից հետո առաջին անգամ իր դռները բացեց թատերասեր հասարակության առջեւ:

Թատրոնի դերասանները բեմադրեցին «Սալոմե» ներկայացումը: «Արմենպրես»-ի տեղեկացմամբ՝ առաջին ներկայացմանը հրավիրված էին Գեղարքունիքի մարզպետ Գնել Սանոսյանը, նախկին մարզպետներ Ռաֆիկ Գրիգորյանը, Կարեն Բոթոյանը եւ Իշխան Սաղաթելյանը, 2011-2018 թվականներին ղեկավարած մարզպետները, Գեղարքունիքի մարզպետարանի, Գավառի քաղաքապետարանի, տեղական ինքնակառավարման մարմինների, մարզի ուժային կառույցների, կրթամշակութային հաստատությունների ղեկավարներ եւ ներկայացուցիչներ, հյուրեր: Թատրոնի տնօրենի պաշտոնակատար Հայկ Ղափանցյանը շնորհավորեց ներկաներին եւ շնորհակալություն հայտնեց Գեղարքունիքի նախկին մարզպետներին, ովքեր իրենց ղեկավարած ժամանակահատվածում մեծ աջակցություն են ցուցաբերել թատրոնի շինարարական աշխատանքների ընթացքին եւ գործունեության ապահովմանը:

«Ողջ քալանթարցիներս շնորհակալ ենք՝ այս հոյակապ շինությունը մեզ տրամադրելու համար: Թատրոնի դերասանական կազմը երեբեք չի հուսահատվել, նույնիսկ ամենադժվարին պայմաններում նրանք խաղացել են, հյուրախաղերով շրջել մարզի տարածքում, հույս ունենալով, որ գալու է այս օրը: Այսուհետ այս շքեղ կառույցում նրանք ավելի հարուստ խաղացանկով հանդես կգան՝ հաճույք պատճառելով հանդիսատեսին: Հույս ունեմ, որ մարզի թատերասեր հասարակությունը կվերականգնի նախկին ավանդույթը եւ սիրով ու հետաքրքրությամբ կայցելի թատրոն»,- նշեց թատրոնի տնօրենի պաշտոնակատարը: Հայկ Ղափանցյանը ներկայացրեց նաեւ թատրոնի անցած ճանապարհը՝ սկսած 1892 թվականից, նշելով, որ այն տվել է ճանաչված ու վաստակաշատ դերասաններ. հյուրախաղերով այս թատրոնի բեմում խաղացել են հայ մեծանուն դերասաններ Վահրամ Փափազյանը, Բաբկեն Ներսիսյանը, Ֆրունզե Դովլաթյանը, Հենրիկ Մալյանը եւ այլոք: Գեղարքունիքի մարզպետ Գնել Սանոսյանն իր շնորհավորական խոսքը հղեց դերասանական կազմին, թատրոնի տնօրինությանը, մարզի բնակիչներին եւ բոլոր նրանց, ովքեր իրենց աջակցությունն են ցուցաբերել թատրոնի կայացման գործում: « Իսկապես օրը շատ պատմական է:

Հաճելի է ներկա գտնվել այս հանդիսությանը եւ վայելել մեր դերասանների գեղեցիկ կատարումները: Սա միակ կառույցն է, որը համատեղում է բոլոր մարզպետների աշխատանքը: Ես ուզում եմ բոլորիդ անունից շնորհակալություն հայտնել եւ ծափահարել իմ գործընկեր մարզպետներին, ովքեր տարիներ շարունակ աջակցել եւ ուշադրության կենտրոնում են պահել այս հոյակապ կառույցի ստեղծման աշխատանքները: Հավատացած եղեք,եթե պետության տրամադրած այդ միջոցներն ուղղեիք որեւէ ենթակառուցվածքի վերանորոգմանը, բնականաբար դրա կարիքը կար, այսքան տեսանելի եւ անհրաժեշտ չէր լինի, որքան այս թատրոնի առկայությունը: Մեր նորանկախ երկրում նմանակը չունեցող այս կառույցը իր գործունեությամբ կնպաստի մարզում մշակութային եւ համայնքային կյանքի աշխուժացմանը, մշակութային փոխհարաբերությունների զարգացմանը, ինչի պակասը մենք շատ ունենք:

Սա բոլորիս թատրոնն է, մեր տունը, թող բոլորը այցելեն մեր տուն: Հավատացած եմ, որ նրանք այստեղից մշակութային մեծ բավարարվածությամբ կհեռանան: Մենք էլ մեր հնարավորությունների սահմաներում կնպաստենք այս թատրոնի գործունեությանն ու թատերական կյանքի աշխուժացմանը»,- նշեց մարզպետ Գնել Սանոսյանը: Թատրոնի բացման առթիվ շնորհավորանքի խոսքեր հնչեցրին ՀՀ ԱԺ պատգամավոր Ռաֆիկ Գրիգորյանը, ԳՊՀ ռեկտոր Ռուզաննա Հակոբյանը, «Տիգրան Արզաքանցյան» բարեգործական հիմնադրամի տնօրեն Վարսենիկ Գրիգորյանը, դերասաններ, հյուրեր: Գավառի Լ.Քալանթարի անվան դրամատիկական թատրոնի տնօրինության անունից շնորհակալագրեր հանձնվեցին թատրոնի եւ «Սալոմե» ներկայացման դերասաններին, ներկա եւ նախկին մարզպետներին, Գավառի քաղաքապետարանին, թատրոնի կայացման գործում աջակցություն ցուցաբերած բարեգործներին: Մշակութային կյանքում ունեցած ավանդի համար Գավառի Լ. Քալանթարի անվան պետական դրամատիկական թատրոնի աշխատակազմը խրախուսվեց ՀՀ Գեղարքունիքի մարզպետի շնորհակալագրով:

Խոսրով Խլղաթյան

website by Sargssyan