Ար­հես­տա­կան «ձգձգվող» քա­ռօ­րյա­ներ ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (23 ՀՈԿՏԵՄԲԵՐԻ). Հա­յաս­տա­նի նոր օրհ­ներ... ՀԱՍԱՐԱԿՈՒԹՅՈՒՆ
424 մլն դրամ՝ Հա­յաս­տա­նում ան­տառ­նե­րի վե­րա­կանգն­ման գո... ՀԱՐՑԱԶՐՈՒՅՑ
«Շա­րու­նա­կե­լու ենք մնալ նույն մա­կար­դա­կի վրա». տնտե­սա­... ՀԱՐՑԱԶՐՈՒՅՑ
Օդեսայում ՀՀ գլխավոր հյուպատոսի ունեցվածքը. ի՞նչ է նա հայտար... ՀԱՍԱՐԱԿՈՒԹՅՈՒՆ
Երևան, 24.Հոկտեմբեր,
00
:
00
:
00
Փոխարժեք
478.65
$
560.79
Ար­հես­տա­կան «ձգձգվող» քա­ռօ­րյա­ներ Կարեն Քոչարյանը՝ փոխոստիկանապետի հրաժարականի մասին Ռամոսը` Չեմպիոնների լիգայի ռեկորդակիր Փաշինյանը Իգոր Սարգսյանին ազատել է պաշտոնից Կառավարությունում քննարկվել է Էկոնոմիկայի նախարարության 2020 թ. պետական բյուջետային հատկացումների հայտը Իմ ձախից նստածը կասկածյալ է նշանակել աջից նստածին, ձերբակալել հետեւինին, ու էս 1.5 տարի է մի քանի ճակատով գրոհում է մեջտեղինին. Աշոտյան ՈՒՂԻՂ. Ակցիա Վերաքննիչի բակում՝ ի աջակցություն Մութաֆյանի ու Օհանջանյանի 82 տարեկանում մահացել է ՀՀ ԳԱԱ ակադեմիկոս Ալպիկ Մկրտչյանը Սանտ Իլարի Սակալմ քաղաքը ճանաչել է Հայոց ցեղասպանությունը Արմեն Սարգսյանը Տոկիոյում հանդիպել է Վրաստանի նախագահի հետ ԱՄՆ-ը դավաճանեց քրդերին եւ ստիպեց կռվել Թուրքիայի դեմ. Պեսկով ՊԱՏՄՈՒԹՅԱՆ ԱՅՍ ՕՐԸ (23 ՀՈԿՏԵՄԲԵՐԻ). Հա­յաս­տա­նի նոր օրհ­ներ­գի հա­մար հայ­տա­րար­ված մրցույ­թում հաղ­թող է ճա­նաչ­վել Արամ Խա­չատ­րյա­նի երաժշ­տու­թյու­նը Ոչ սակագնային միջոցառումները՝ որպես շուկա մուտքի և կայուն զարգացումը խթանելու գործիք 424 մլն դրամ՝ Հա­յաս­տա­նում ան­տառ­նե­րի վե­րա­կանգն­ման գոր­ծըն­թաց սկսե­լու հա­մար, բայց թե որ­տեղ ու ինչ են տնկե­լու՝ հստակ չէ. «Փաստ» «Շա­րու­նա­կե­լու ենք մնալ նույն մա­կար­դա­կի վրա». տնտե­սա­գետ. «Փաստ»

«Հուզմունքս նույնն է, ինչ որ նախկինում». Ջիվան Գասպարյանը՝ հոբելյանական երեկոյի անակնկալների եւ դուդուկի հանդեպ սիրո մասին

Վաղը՝ նոյեմբերի 26-ին, ՀՀ մշակույթի նախարարության նախաձեռնությամբ Ալ. Սպենդիարյանի անվան օպերայի եւ բալետի ազգային ակադեմիական թատրոնում կկայանա աշխարհահռչակ դուդուկահար, դուդուկի վարպետ Ջիվան Գասպարյանի հոբելյանական համերգը: Մեծն վարպետի ծննդյան 90-ամյակը լրացավ հոկտեմբերի 12-ին, սակայն այդ օրը հայտնի դուդուկահարը չցանկացավ նշել տարեդարձը: Պատճառը լեգենդար շանսոնյե Շառլ Ազնավուրի մահն էր:

NEWS.am STYLE-ը հոբելյանական համերգին ընդառաջ զրուցել է Ջիվան Գասպարյանի հետ՝ պարզելու, թե ինչպես է պատրաստվում համերգին եւ ինչ ծրագիր է սպասվում հանդիսատեսին վաղը կայանալիք երեկոյի ընթացքում:

«Իմ երեկոն է, իմ կյանքի պատմությունը, տեսանյութերով նկարագրված կլինի իմ կյանքը, թե ովքեր են իմ մասին կարծիք հայտնել, իմ անցած ճանապարհը…»,-նշեց դուդուկի վարպետը՝ հավելելով, որ նոյեմբերի 26-ը որեւէ  խորհրդանշական օր չէ իր համար, կազմակերպչական առումով, պարզապես, ավելի հարմար է եղել հենց այդ օրը իրականացնել համերգային երեկոն:

Համերգի ընթացքում մաեստրոյին բեմում կընկերակցեն մի շարք հայտնի երգիչներ եւ երաժիշտներ՝ Հասմիկ Պապյանը, Արտո Թունչբոյաջյանը, Արտյոմ Մանուկյանը, Գեւորգ Հակոբյանը, Արմեն Բաբախանյանը, Աննա Մայիլյանը, Էդգար Խաչատրյանը, Կոմիտասի անվան լարային քառյակը, Թաթուլ Ալթունյանի անվան Հայաստանի երգի պարի պետական վաստակավոր համույթը, Հայաստանի ազգային ակադեմիական երգչախումբը, Ա. Սպենդիարյանի անվան օպերայի եւ բալետի ազգային ակադեմիական թատրոնի սիմֆոնիկ նվագախումբը, ելույթ կունենա նաեւ Ջիվան Գասպարյան կրտսերը:

«Շատ եմ սպասում հանդիսատեսի հետ հանդիպմանը: Կարոտել եմ շատ: Շատ հետաքրքիր ծրագիր է սպասվում, բայց բոլոր անակնկալները չեմ բացահայտի, դրա համար էլ դրանք կոչվում են անակնկալ: Ես ցանկանում էի, որ այս համերգիս անպայման հայ երաժիշտներ ելույթ ունենան: 80-ամյակիս դրսից շատ երաժիշտներ ու հյուրեր եկան, իսկ հիմա ցանկանում եմ հենց ներսում՝ հայկական ձեւով անենք: Բայց սա սովորական համերգ չէ, սա իմ երեկոն է: Իմ կյանքը սա է եղել. Ես ուրիշ ոչ մի բանով չեմ զբաղվել բացի երաժշտությունից»,-ասում է վարպետը՝ խոստովնելով, որ ինչպես երիտասարդ տարիներին՝ հիմա էլ հուզմունքը մեծ է լինում ելույթներից առաջ:

«Հուզմունքս նույնն է մնացել, ինչպիսին եղել եմ, այդպսին էլ կամ: Իհարկե, ելույթից առաջ հուզվում եմ, առանց հուզվելու մարդ ինչպե՞ս կարող է ապրել: Անզգա լինելը, նույնիսկ, վիրավորական է: Մարդը պետք է զգա, պետք է պատասխսնատվություն ունենա: Բայց այդ հուզմունքը պետք է կարողանաս քո մեջ պահես, չարտահայտվես եւ մյուսներին անհանգստություն չպատճառես: Ես հուզվում եմ, հատկապես, հիմա, երբ մեծացել եմ, տարիքս առել եմ: Մեր պետությունը, մեր նոր կառավարությունը՝ Նիկոլ Փաշինյանի գլխավորությամբ ցանկացան նման երեկո կազմակերպել ինձ համար, ես էլ շատ շնորհակալ եմ նրանցից»:

Դուդուկի վարպետից հետաքրքրվեցինք նաեւ, թե որքանով է հետեւում երիտասարդ հայ դուդուկահարների գործունեությանը եւ ինչ կարծիք ունի նրանց մասին.

«Իհարկե, շատ տաղանդավոր դուդուկահարներ կան, որոնք ելույթ կունենան նաեւ համերգին: Ես ճանապարհ եմ բացել, իրենք պետք է որոշեն իրենց կյանքի ճանապարհը: Ես ամեն ինչ արել եմ դուդուկն աշխարհին ներկայացնելու համար: Հիմա, երբ զբոսաշրջիկներ են գալիս Հայաստան, առաջին հերթին դուդուկ են գնում: Մերոնք էլ, ցավոք, ինչից ասես պատրաստում են այդ գործիքը, վաճառում են, պատիվը գցում դուդուկի: Պետք է ծիրանի ծառի փայտից այն անպայման պատրաստվի եւ վաճառվի, որպեսզի ամոթ չլինի մեզ համար: Դուդուկը մերն է, մեր ազգայինն է,  հայի պատմությունն է, ոչ մի ազգ չունի դրանից: Ես որեւէ գործիքի չեմ թերագնահատում, բայց դուդուկի ձայնն ուրիշ է, այն օրհնանք է: Վիլյամ Սարոյանն ասել է՝ Ջիվան քո դուդուկը նվագ չէ, քո նվագն աղոթք է»:

 

Հոբելյանական համերգի ներկաները կկարողանան վայելել աշխարհահռչակ դուդուկահարի կատարմամաբ ամենահայտնի ու սիրելի ստեղծագործությունները, սակայն ինքը՝ Ջիվան Գասպարյանը, չկարողացավ առանձնացնել իր կատարումներից ամենասիրելին.

«Բոլոր ստեղծագործություններս էլ իմ ամնասիրելին են, որովհետեւ ես միայն իմ սիրած երաժշտությունն եմ նվագում, այլ բան չեմ նվագում»,-նշեց նա՝ խոստանալով անմոռանալի եւ գեղեցիկ հուշեր արթնացնող երեկո:

website by Sargssyan