Բանակցությունները ճանաչողականից մտնում են «կառուցողական հուն» ՔԱՂԱՔԱԿԱՆ
Ինչո՞ւ են դժգոհում ԱՊՊԱ գործակալները ՀԱՍԱՐԱԿՈՒԹՅՈՒՆ
Ի՞նչ է հայտարարագրել պատգամավոր Արտակ Մանուկյանը ՔԱՂԱՔԱԿԱՆ
Գուցե 50 համարի երթուղայինն է՞լ է ուզում սնանկանալ ՀԱՍԱՐԱԿՈՒԹՅՈՒՆ
Ինքնահայտարարագրվելուն մնաց մեկ ամիս. ինչո՞ւ են խուսափում պա... ՀԱՍԱՐԱԿՈՒԹՅՈՒՆ
Երևան, 23.Փետրվար,
00
:
00
:
00
Փոխարժեք
478.65
$
560.79
Չեմպիոնների լիգայի շաբաթվա լավագույն ֆուտբոլիստը հայտնի է (լուսանկար) 2018 թվականին Հայաստան է այցելել 3974 զբոսաշրջիկ Ճապոնիայից «Փաստ» օրաթերթի փետրվարի 22 ի համարի տեսությունը Հայտնի է 2018 թվականին ավիավթարներում զոհվածների թիվը Միանգամից երկու կին մարտի վերջին առաջին անգամ դուրս կգա բաց տիեզերք Հանգիստ նստե՞լ, թե՞ ակտիվ քայլել քաղաքական երկընտրանք Facebook-ը հրաժարվում է գաջեթների օգտատերերին հետեւող հավելվածներից Գարեգին Բ-ն եւ Արամ Ա-ն հյուրընկալվել են նախագահ Սարգսյանին Իրանական այցին չեն կարողանում հանգիստ նայել Արփինե Հովհաննիսյանը բացում է փակագծերը Նոր որակի ընդդիմության պահանջարկը. փակ ցիկլից պետք է դուրս գալ Սանավիացիայի ուղղաթիռն արդեն Հայաստանում է (լուսանկար) Ամենախոշոր կոռուպցիոն գործից մինչեւ մահացած զինծառայողների ծնողների բողոքներ. հարցազրույց զինդատախազի հետ Մարիա Զախարովան ընդհատել է ադրբեջանցի լրագրողին. Ի՞նչ կապ ունի Ռուսաստանի համանախագահությունը Կիսատությունն ու ձևի գերակայումը բովանդակության հանդեպ Հարավային Կալիֆոռնիայի համալսարանում տեղի կունենա «Նորարարական Հայաստան» միջոցառումը Ինչո՞ւ են դժգոհում ԱՊՊԱ գործակալները Amnesty International-ը Ադրբեջանը ներառել է ՀԿ իրավունքները խախտող երկրների ցանկում Բացահայտվել է ՀՀ ՊՆ պաշտոնատար անձի կողմից կաշառք ստանալու դեպք Իշխանությունների «սրբագրիչն» ու ՍԴ ապագա նախագահը

Վարուժան Բաբաջանյան. «Երկրի ղեկավարը պետք է ամենահավասարակշռված ու սառը դատող անձը լինի». «Փաստ»

«Փաստ» օրաթերթը գրում է.

Տավուշի մարզից ԲՀԿ տարածքային ընտրական ցուցակով խորհրդարանական արտահերթ ընտրություններին պատգամավորության թեկնածու առաջադրված Վարուժան Բաբաջանյանն առաջին անգամը չէ, որ իր թեկնածությունն առաջադրում է, սակայն ներկա քարոզարշավը համեմատելով նախորդների հետ՝ այն մսուր–մանկապարտեզային է որակում:

Նրա դիտարկմամբ, նման տպավորության պատճառն այս ընտրությունների ժամանակ առաջադրվածների քայլերն են, որոնցից շատերը քաղաքական փորձառություն չունեն և պայքարն առավելապես դիտարկում են Նիկոլի կողքին լինել–չլինելու տեսանկյունից:

Ինչ վերաբերում է իր քարոզարշավի մեկնարկին, ապա, ավանդույթի համաձայն, բոլոր քաղաքական գործընթացներից առաջ նա հանդիպում է ունենում Տավուշի մարզի մանկավարժների հետ. այս անգամ էլ մեկնարկը տրվել է նման հանդիպմամբ:

«Ընդհանուր առմամբ, տպավորությունը շատ տխուր է, և սկսված քարոզարշավը շատ անորակ կարելի է որակել: Անորակ է այն առումով, որ հերթական անգամ պետական ինստիտուտները ոտքի տակի փալաս են դարձնում: Հերթական անգամ ագրեսիան և էմոցիաները իրար են խառնվել: Ես չեմ կարողանում հասկանալ, թե Փաշինյանն ինչու է ամեն անգամ ինչ–որ պատճառով վրդովված դուրս գալիս հանրության մեջ ու սկսում հոխորտալ՝ կդատեմ, կփռեմ ասֆալտին : Չէ՞ որ բոլորն են այս պետության քաղաքացիները, իսկ մեր երկիրն էլ «բոստան» չէ: Ես սրտացավությունից եմ ասում, նա խորհրդականներ չունի՞, որ այս ամենը իրեն հուշեն: Ամեն անգամ, երբ նման էմոցիոնալ հռետորաբանություն եմ տեսնում, սիրտս պետության համար ցավում է, քանի որ իրականում հենց Փաշինյանը պետք է լինի մեր երկրի սթափության երաշխավորը և  բացառապես պետք է գործի երկրում գործող օրենքների ոգու և տառի շրջանակներում, ոչ թե փողոցից հրահանգներ հնչեցնի»,– ասաց Վ. Բաբաջանյանը: 

Ինչ վերաբերում է ընտրարշավի ժամանակ թեկնածուների միակ ասելիքին, այն սկսվում և ավարտվում է մեկ բառակապակցությունով՝ թեկնածուն Նիկոլի կողքի՞ն է, թե՞ ոչ, ինչը, ըստ թեկնածուի, վարչապետի պաշտոնակատարի հռետորաբանության հետևանք է:

«Խորհրդարանական երկրում վարչապետի պաշտոնակատարը հայտարարում է, որ ժողովուրդը պետք է վարչապետ ընտրի: Բայց այդօրինակ արտահայտությունը որքանո՞վ է նպաստում քաղաքական ինստիտուտների դերի ու նշանակության բարձրացմանը: Եվ եթե վաղը–մյուս օրը վարչապետը հրաժարական տա, երկրի հանդեպ պատասխանատվությունը նույն այդ խորհրդարանը չի ստանձնելո՞ւ: Դրա պատճառով է, որ ընտրողներն այսօր դատարկ թերթիկը նախընտրում են քաղաքական թիմից: Եվ հենց դրանով էլ անլուրջ է քարոզարշավը»,– ասաց Վ. Բաբաջանյանը: 

Խոսելով ներդրումների և ներդրողների մասին՝ նա նշեց, որ մի երկրում, որի ղեկավարն էմոցիաներով է առաջնորդվում, ներդրումներ չեն կարող լինել: Ընդհանրապես երկրի  ղեկավարը պետք է երկրի ամենահավասարակշռված և սառը դատող անձը լինի: Համեմատելով նախորդ և ներկա ընտրությունների քարոզարշավների նմանություններն ու տարբերությունները, Բաբաջանյանի դիտարկմամբ, այս ընտրությունների ժամանակ իշխանական օղակների օգտագործումը զուտ իներցիոն բնույթ է կրում:

«Այս ընտրությունների ժամանակ ես չեմ տեսնում իշխանական լծակներն օգտագործելու պետական հրահանգ, բայց տեսանելի են «տասովչիկների», թաղային հեղինակությունների, որոշ դեպքերում նաև համայնքապետների վարչական բազմաթիվ լծակների օգտագործում: Բայց դա ոչ թե կառավարության հրահանգն է, այլ քանի որ չեն կարողացել ազդեցիկ թեկնածուների ներկայացնել, հիմա այդ թեկնածուներն իշխանության անունից մոտենում են ձայն բերողների ինստիտուտին և ասում են՝ եկեք մեր կողքին կանգնեք, մենք էլ պատվով դուրս գանք, որ վաղը–մյուս օրը կարողանանք ձեր երեխաներին մի տեղ պաշտոնի կամ աշխատանքի տեղավորենք: Այսպիսի գործընթաց է, բայց վերևից հրահանգ ես չեմ տեսնում»,– ասաց Վ. Բաբաջանյանը:

Անդրադառնալով արտահերթ ընտրություններից տավուշցի պարզ, սովորական, աշխատավոր ընտրողի ակնկալիքներին ու սպասելիքներին՝ պատգամավորի թեկնածուն նշեց, որ այս ընտրությունները ո՛չ քաղաքական, ո՛չ էլ սոցիալական ուղղվածությունն ունեն:

«Սա հետհեղափոխական ընտրություն է, և ես քաղաքական դիսկուրսի որևէ ակնկալիք չեմ տեսնում, ինչը խորհրդարանական կառավարման համակարգի պայմաններում ողբերգություն է: Երբ այս համակարգի պայմաններում հասարակությունը քաղաքական դիսկուրսի չի սպասում, չի ուսումնասիրում, թե, օրինակ, Տավուշի մարզի թեկնածուներն ովքե՞ր են, ի՞նչ քաղաքական ճանապարհ են անցել, այլ միայն նրանց հետաքրքրում է, թե տվյալ թեկնածուն Նիկոլի կողքին է, թե Նիկոլի կողքին չէ, սա ողբերգություն է: Եվ, ցավոք, իշխանություններն են նպաստում դրան, քանի որ երբ հայտարարում են, որ սա ոչ թե խորհրդարանի ընտրություններ են, այլ վարչապետի, ընտրողը դա ընկալում է՝ որ եթե ընտրում եք, օրինակ, Վարուժան Բաբաջանյանին, ապա չեք ընտրում Նիկոլ Փաշինյանին՝ որպես վարչապետի: Եվ, այո, այսպես շարունակվելու դեպքում այս խորհրդարանը բավականին ժամանակավոր բնույթ կկրի, որովհետև ես չեմ կարծում, որ խորհրդարանական երկրում մեկուկես տարուց ավելի հնարավոր կլինի անձնակենտրոն կառավարում իրականացնել: Եվ ցանկացած՝ անգամ իսկ ամենափոքր քաղաքական ցնցման դեպքում այս խորհրդարանը 5 րոպե հետո կփլվի իր մսուր–մանկապարտեզային կարգավիճակով»,– ասաց Վ. Բաբաջանյանը:

Մանրամասները՝ «Փաստ» օրաթերթի այսօրվա համարում


 
 
 
 
 

 

website by Sargssyan