Չի ուզում անցնել խորհրդի «թրի տակով» ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (24 ՄԱՅԻՍԻ). Կա­լա­նա­վոր­վել են Գա­գիկ Բ... ՀԱՍԱՐԱԿՈՒԹՅՈՒՆ
Գործադիրում սպասվում են նոր հրաժարականներ ՔԱՂԱՔԱԿԱՆ
Երանոսյանի փոխարեն՝ վարչապետի համադասարանցին ՔԱՂԱՔԱԿԱՆ
Միջազգային կառույցների հետ աշխատել չի ստացվում ՔԱՂԱՔԱԿԱՆ
Երևան, 25.Մայիս,
00
:
00
:
00
Փոխարժեք
478.65
$
560.79
Չի ուզում անցնել խորհրդի «թրի տակով» Թուրքիայում հայրը երկաթե խողովակով սպանել է իր 6–ամյա տղային Քուրդ զինյալները թուրք զինվորական են սպանել Խոշոր ավտովթար Գեղարքունիքի մարզում. բախվել են ГАЗ 5212 և ВАЗ 21124 ավտոմեքենաները. կան վիրավորներ. Shamshyan.com Վարչապետը հանդիպել է ՀՀ-ում հավատարմագրված դեսպաններին (ֆոտո) Եղանակը Հայաստանում մայիսի 25-29-ին / 2019թ Հայ-ուկրաինական հարաբերություններն իրենց լավագույն վիճակում չեն, բայց վստահ եմ, որ հնարավոր է գործակցության եզրեր գտնել․ Տիգրան Սեյրանյան Գրպանահատություն թիվ 47 երթուղու ավտոբուսում. հեղինակը 49-ամյա կին էր Թրամփը հաստատել է Մերձավոր Արեւելքում լրացուցիչ զորքերի տեղակայումը Իրանի հետ լարվածության պատճառով Ստորագրվել է ՀՀ ՊՆ «Զինառ» ՓԲԸ-ի և ՌԴ ՊՆ «Վոենտորգ» ԲԸ-ի համագործակցության հուշագիրը Դավիթ Անանյանը արձակուրդ կգնա Լիոնում պայթյունի հետեւանքով տուժել է առնվազն 7 մարդ. ԶԼՄ-ներ ԵՊՀ-ում մեկ շաբաթվա ընթացքում կընտրեն ռեկտորի ժամանակավոր պաշտոնակատար «Արսենալի» խաղացողը ցանկանում է ամռանը փոխել ակումբը Վերջին զանգը՝ կառավարական ամառանոցում. ներկա է Նիկոլ Փաշինյանը (ուղիղ)

Ընտրողի... 11 «ընկերները». «Փաստ»

«Փաստ» օրաթերթը գրում է.

Արտահերթ խորհրդարանական ընտրությունների քարոզարշավն, այսպես ասած, հատեց հասարակածը: Եվ արդեն իսկ կարելի է մի քանի նախնական դիտարկումներ անել 11 քաղաքական ուժերի քարոզչության մասին: Ընդհանուր առմամբ, առաջին օրերին դաշտը փոխհրաձգարան էր հիշեցնում, հիմա մի փոքր մեղմացում է նկատվում՝ առանձին բացառություններով: Անդրադառնանք ուժերին՝ ըստ քվեաթերթիկի համարի: Եվ այսպես.
 
ՀՀԿ–Այստեղ ամեն ինչ պարզ է. եթե մեկ թեզով բնորոշենք, ապա կստացվի՝ «մտահոգվի՛ր, մերժի՛ր Նիկոլին»: Հրապարակային հանդիպումներից ողջամտորեն խուսափելով՝ ՀՀԿ–ն որդեգրել է սոցցանցերով, լրատվամիջոցներով իրենց մոտեցումները հասցնելու քաղաքականություն՝ քվեների խնդիրը թողնելով ռեյտինգայինների անհատական շփումների վրա: Գույնի առումով ասելիք չկա. նրանք ընդունել են իշխանությունների խաղի կանոնները՝ տեղավորվելով գունաբաժանման սև–սպիտակի մակարդակում և փորձելով ընտրապայքարը վերածել երկու ուժի պայքարի, ինչին սկզբում Փաշինյանը տուրք տվեց, սակայն արագ էլ շտկվեց վիճակը:
 
ՔՈ–Կարճ բնութագրելու դեպքում կստացվի «սիրուն քարոզարշավ»՝ հանդուրժողականության ու բարության մոտիվներով: Մանդարինի գործոնը փոքր–ինչ անհասկանալի է մնում, սակայն կրեատիվ է և ընկալվող: Միակ բացը ողջ քարոզարշավի բեռը մեկ երիտասարդի ուսերին թողնելն է:
 
ՀՅԴ–Ավանդական կուսակցությունը ավանդական քարոզարշավ է իրականացնում՝ փորձելով ազգային, ավանդական արժեքների «վերմակը» վերստին իր կողմ քաշել: Քարոզարշավը հիմնականում գրագետ է, սակայն բացակայում է նորությունը, կրեատիվությունը: Աշխատում են «պալեմիկաների» մեջ շատ չմտնել, թեպետ երբեմն չի ստացվում:
 
Իմ քայլը–Իշխանական ուժը, ինչպես և կանխատեսվում էր, ներկայանում է բացառապես մեկ դեմքով, և այդ մեկ դեմքը Նիկոլ Փաշինյանն է: Սա բնական ու հասկանալի է, քանզի ուժն ինքնին դասական իմաստով կայացած չէ և հասարակության մեջ ընկալվում է որպես Փաշինյանի կուսակցություն (դաշինք): Ուստի պատահական չէ, որ խորհրդարանական երկրի խորհրդարանական ընտրությունները Փաշինյանը մատուցում է որպես վարչապետի ուղղակի ընտրություն՝ երկրորդելով ռեյտինգային քվեարկությունը՝ «եթե ցանկանաք, շրջեք երկրորդ էջը»: Զուտ քարոզարշավի առումով գերակշռում է աղմուկը, էմոցիան, մուննաթը, բոլորին պատասխանելու ձգտումը՝ անկախ կարգավիճակից:
 
 
Լուսավոր Հայաստան–Այս կուսակցության քարոզարշավը կառուցված է բացառապես հակաքարոզչության վրա՝ նախ՝ ԲՀԿ–ի, ապա և, եթե ժամանակ է մնում՝ ձեռքի հետ ՀՀԿ–ի դեմ: Սա, երևի թե, ընդհանուր առմամբ տրամաբանության մեջ է, քանզի ԼՀԿ–ի՝ խորհրդարան անցնելու շանսերի առումով հիմնական մրցակիցներն այս երկուսն են, գուցե գումարած՝ «Մենք» դաշինքը: Թիմի առավելությունը հիմնականում գրագետ մարդիկ են, իսկ խնդիրները կապված են ռեյտինգային ընտրակարգով մրցունակ թեկնածուների խիստ սակավության հետ:
 
ՔԺՎԿ–Ինքնացուցադրման հիանալի հնարավորություն, որից մի փոքր դժվարությամբ են օգտվում, քանի որ փորձում են հանրությանը ներկայանալ բարդ քաղաքագիտական ձևակերպումներով, որոնք միշտ չեն համոզիչ: Հանրությունն իրականում առավել պրակտիկ մոտեցումների կողմնակից է: 
 
Ազգային առաջընթաց–Անկեղծ ասած՝ դժվարանում ենք որևէ բան ասել, քանզի կուսակցությունը որքան էլ նոր է, սակայն մոտեցումների մեջ որևէ նորարարություն չկա: 
 
Ոչ թե խորհրդարան անցնելու, այլ գոնե թարմություն բերելու առումով ակնկալիքներն ավելի շատ էին: Ցավոք, ստեղծման առաջին իսկ օրերից մեծ դոզայով զբաղվեցին հակաքարոզչությամբ, ինչն աշխատեց ի վնաս այս ուժի:
 
Մենք–«Ելք» դաշինքից մնացած ևս մեկ ուժ, որի գլխավոր առավելությունը խարիզմատիկ դեմք ունենալու մեջ է: Խոսքն առաջին հերթին Արամ Զ. Սարգսյանի մասին է: Կարծիք կա, որ կրեատիվ քարոզչություն են իրականացնում, սակայն կրեատիվությունն ընդամենը մեկ–երկու քայլի մեջ է, մնացյալ առումով որևէ նորություն չկա: Ավելին, առանձնապես մեծ ակտիվություն էլ չկա: 
 
ՕԵԿ–Այս դեպքում էլ ողջ քարոզարշավը մեկ անձի՝ Արթուր Բաղդասարյանի վրա է: Միակ կրեատիվ նորությունը մաֆիա խաղի վրա հիմնված տեսահոլովակն է: Դարձյալ ակտիվ չեն հրապարակային միջոցառումների առումով: Մեկ բառով ասած՝ առկա է ռեաբիլիտացիայի խնդիր:
 
Սասնա ծռեր–Ինչպես միանշանակ չի ընդունվում այս ուժը, այնպես էլ միանշանակ չէ քարոզարշավը: Ընդհանուր առմամբ, փորձում են հանդարտ ու հավասարակշռված քարոզչություն իրականացնել՝ շատ չսևեռվելով ծայրահեղական գաղափարների վրա, որոնցից, այնուամենայնիվ, խուսափել հնարավոր չէ՝ ելնելով կոնկրետ գաղափարախոսությունից:
 
ԲՀԿ–Երևի թե ամենամտածված քարոզարշավն է՝ ելնելով ներկա ընտրակարգից: Անիմաստ «բազառների» մեջ չեն մտնում, համամասնական քարոզչությունը հիմնականում կառուցված է կուսակցության ղեկավարի խարիզմայի ու հեղինակության վրա, բանավեճերին ուղարկում են տվյալ թեմային լիարժեք տիրապետող մասնագետների, իսկ տեղերում ակտիվ աշխատում են ռեյտինգայինները: Բուն PR–ի առումով նորություն չկա, շարժվում են իրենց ավանդական, փորձված աշխատաոճով:
 

Մանրամասները՝ «Փաստ» օրաթերթի այսօրվա համարում

 
website by Sargssyan