Անհայտ մարզպետների ու անհայտ այլոց ռեյտինգային խրախճանքը. «Փ... ՎԵՐԼՈՒԾԱԿԱՆ
Հին համակարգի քավության նոխազն ու վերաիմաստավորվելու ժամանակ... ՔԱՂԱՔԱԿԱՆ
Հերթական դժբախտ դեպքն ու Լոռու մարզպետի «քայլերը». «Փաստ» ՀԱՍԱՐԱԿՈՒԹՅՈՒՆ
«Երբ կարգին երկիր կունենանք, այդ ժամանակ կարելի է «կես բերան... ՀԱՐՑԱԶՐՈՒՅՑ
ԱԺ–ն այլ դերակատարում պետք է ստանձնի. հարկավոր է կառավարությ... ՔԱՂԱՔԱԿԱՆ
Երևան, 12.Դեկտեմբեր,
00
:
00
:
00
Փոխարժեք
478.65
$
560.79
Ստրասբուրգում տուժածների թվում, նախնական տվյալներով, Հայաստանի քաղաքացիներ և ազգությամբ հայեր չկան Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար Ոստիկանները բացահայտել են հանցագործության 53 դեպք Գյումրու տարվա լավագույն մարզիկ է ճանաչվել Գոռ Մինասյանը Կենտրոն եւ Էրեբունի վարչական շրջաններում ջուր չի լինի Քաղաքական դիակների տեղը քաղաքական աղբամանն է. Ի Տոնոյանը Արկադի Վարդանյանի մասին Նիկոլ Փաշինյանը նոր որոշում է ստորագրել Բքի պատճառով Վարդենյաց լեռնանցքը ծանրաքաշ և կցորդիչով տրանսպորտային միջոցների համար փակ է Թուրքիայի խորհրդարանում պատգամավորները վիճել և քաշքշել են միմյանց Ալեքսանդր Սպենդիարյանի տուն-թանգարանը մրցանակների արժանացրեց իր աջակիցներին Դահուկորդ Սերգեյ Միքայելյանը բաց կթողնի ևս մեկ մրցաշրջան Նոր սերնդի IQOS 3-ի վաճառքը արդեն մեկնարկել է Հայաստանում Հին սկզբունքներով նոր կանցլեր Գերմանիայում 5 տարի հետո մեր դպրոցն անճանաչելի է դառնալու. Արայիկ Հարությունյան Շիրակի մարզի Փոքր Սարիար գյուղի դպրոցում կոռուպցիոն հանցագործության դեպք է բացահայտվել. մարզի դատախազը դիմել է մարզպետին Մանվել Գրիգորյանի կալանքը երկարաձգվեց ևս երկու ամսով Ոստիկանությունը բերման է ենթարկել 22-ամյա աղջկա մարմնական վնասվածք պատճառելու կասկածանքով Երևանի Կենդանաբանական այգու բեզոարյան այծերից մեկը հայտնաբերվել է սատկած վիճակում Գեղարքունիքի մարզում իրականացվում են ճանապարհների մաքրման եւ մշակման աշխատանքներ Առերևույթ կաշառք ստանալու դեպք Երևանի 192 դպրոցում. հարուցվել է քրեական գործ

Քաղաքացին անպայման պետք է մտահոգված լինի. կոչ եմ անում՝ քայլ արեք, ընտրեք «Հանրապետականին». Կարինե Աճեմյան

Այն քաղաքացիները, որոնք պատասխանատվություն ունեն և պատկերացնում են` մենք ինչ ջրբաժանների առջև ենք կանգնած, պետք է գնան ընտրության, անպայման պետք է մտահոգված լինեն: Ես կոչ եմ անում՝ քայլ արեք, ընտրեք «Հանրապետականին»: Այս մասին Tert.am-ի հետ զրույցում ասաց ՀՀԿ համամասնական ցուցակի 8-րդ համար, ռեյտինգային ընտրակարգով 4-րդ ընտրատարածքում (Կենտրոն, Նորք Մարաշ, Էրեբունի, Նուբարաշեն) առաջադրված Կարինե Աճեմյանը: Անդրադառնալով Տիգրան Ավինյանի այն հայտարարությանը, որ ՀՀԿ-ն խորհրդարան անցնելու շանսեր չունի՝ Կ. Աճեմյանը նշեց, որ փոխվարչապետի պաշտոնակատարը լավ չի տիրապետում իրավիճակին: «Մեր սկսնակ քաղաքական գործիչներին խորհուրդ կտամ չափավորել իրենց բառակազմը: Այդ երիտասարդ տարիքում նման չարություն տարածելը, ագրեսիայի այդքան մեծ պաշար ունենալը պարզապես անթույլատրելի է»,- ասաց Կ. Աճեմյանը՝ խոսելով Ռ. Ռուբինյանի՝ մեռելներին թաղելու հայտարարության մասին:

- Տիկի´ն Աճեմյան, քարոզարշավի առաջին կեսն ինչպե՞ս եք գնահատում, կուսակցությանն ի՞նչ տվեց քարոզարշավի առաջին 5 օրը:

-Նախ, լրատվամիջոցներով շատ տարբեր ձևաչափերով մեր թեկնածուները հանդիպումներ, բանավեճեր են ունենում: Ես՝ ինքս, մեծ թվով հանդիպումներ եմ ունենում տարբեր ձևաչափերով տարբեր ոլորտի մասնագետների, քաղաքացիների հետ: Չնայած այս ագրեսիվ, չարության մթնոլորտին, ՀՀԿ-ի հանդեպ ատելության քարոզին՝ մեր համակիրներն ավելանում են: Նրանք կան, նրանք և´ ուսանողների մեջ են, և´ տարեց մարդկանց, շատերն անպայման ուզում են, որ մեր ուժը ներկայացված լինի խորհրդարանում:

 
 



- «Հանրապետական» կուսակցության պատգամավորի թեկնածուները հիմնականում ֆեյսբուքյան ուղիղ եթերների, հեռուստաալիքներով բանավեճերին մասնակցելով են այս քարոզարշավն անցկացնում: Ինչո՞ւ դրսում հանդիպումներ, հավաքներ չեք կազմակերպում քաղաքացիների հետ:

- Օրինակ՝ ես մեր ցուցակի 8-րդ համարն եմ, և ես ունենում եմ տարբեր ձևաչափով տարբեր մարդկանց հետ հանդիպումներ: Հենց երեկ մեծ թվով բժիշկների հետ եմ հանդիպել, կարծում եմ՝ շատ լավ հանդիպում էր, իրենց հետաքրքրող հարցերին եմ պատասխանել՝ կապված և´ «Հանրապետականի», և´ այն բոլոր հուզող խնդիրների հետ, որոնք այսօր կան: Երբևէ որևէ խնդիր չեմ ունեցել մարդկանց հետ հանդիպելու, հակառակը՝ միշտ սիրով եմ դա արել և կարծում եմ՝ փոխադարձ է: Քանի որ ինքս Կենտրոն, Նորք Մարաշ, Էրեբունի, Նուբարաշեն համայնքներում եմ ռեյտինգային ընտրակարգով առաջադրված, հիմա շատ տեղին է այս հատվածի բնակչության հետ հանդիպումները, և ես դա իրականացնում եմ: Ժամանակս շատ քիչ է, բայց օրվա մեջ շատ-շատ հանդիպումներ եմ ունենում:

- Փոխվարչապետի պաշտոնակատար Տիգրան Ավինյանը նախօրեին հարցազրույցներից մեկում հայտարարել էր, որ ՀՀԿ-ն ԱԺ անցնելու հնարավորություն չունի: Փոխարտգործնախարար Ռուբեն Ռուբինյանն էլ նշել էր, որ իրենց համար շատ կարևոր է, որ «մեռելը թաղվի»՝ նկատի ունենալով ՀՀԿ-ին: Ինչպե՞ս եք վերաբերվում այդ հայտարարություններին:

- Տիգրան Ավինյանը նախ լավ չի տիրապետում իրավիճակին, հետո մեր սկսնակ քաղաքական գործիչներին խորհուրդ կտամ չափավորել իրենց բառակազմը: Այդ ձևով, մեթոդներով քաղաքականություն չեն մտնում: Ատելության քարոզը, այն էլ այսքան փոքրիկ երկրում, մեզ ոչ մի լավ բանի չի բերելու: Այդ երիտասարդ տարիքում նման չարություն տարածելը, ագրեսիայի այդքան մեծ պաշար ունենալը, պարզապես անթույլատրելի է: Երիտասարդներին պարզապես հարիր չէ նման տոնով խոսելը, մանավանդ մի ուժի մասին, որը շատ երկար տարիների փորձ ունի և ճանապարհ է անցել: Մեր ուժը դեռ խորհրդային տարիներին է պայքարել, նույնիսկ իրենք այդ տարիքը չունեն, ինչքան մեր կուսակցությունն է: Եթե մենք ուզում ենք մեր ապագան կառուցել գրագետ երիտասարդություն ունենալու տեսլականով, ապա այդպիսի անընդունելի հայտարարություններով պետք է հանդես չգանք: Ես դա կապում եմ նաև անփորձության հետ: Բացի այդ, եթե մենք մեզանից ոչ մի բան չենք ներկայացնում, այդքան սևեռվել մի ուժի վրա, որը չկա, իբրև թե գոյություն չունի, կարծում եմ՝ էներգիայի և ժամանակի անիմաստ կորուստ է: Իսկ քանի որ բոլորի կողմից միակ թիրախավորված ուժը մենք ենք, դա նշանակում է, որ կա անհանգստություն, որը կապված է «Հանրապետականի» գործունեության հետ:

- Քարոզարշավի երկրորդ կեսը ինչպե՞ս եք պատրաստվում անցկացնել, մեծ հանրահավաքներ նախատեսվո՞ւմ են:

- Ես տրամադրված եմ շատ դրական: Ուզում եմ, որ յուրաքանչյուրը, ով այսօր ունի պատասխանատվություն և պատկերացնում է՝ մենք ինչ ջրբաժանների առջև ենք կանգնած, պետք է գնա ընտրության, անպայման պետք է մտահոգված լինի, և ես կոչ եմ անում՝ քայլ արեք, ընտրեք «Հանրապետականին»: Մենք բոլորս մտահոգ ենք մեր երկրի ապագայով, իսկ երկրի ապագան և մեր երեխաների ապագան ամենակարևորն է:

 

 

website by Sargssyan