Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆԻՍԻ). Սա­սուն Մի­քա­յե­լյա­նը 8 տ... ՀԱՍԱՐԱԿՈՒԹՅՈՒՆ
«Քա­րա­հուն­ջի» պե­ղում­նե­րի թնջու­կը.ի՞նչ է իրա­կա­նում կա... ՀԱՍԱՐԱԿՈՒԹՅՈՒՆ
Ի՞նչ եկամուտ, գույք և դրամական միջոց է հայտարարագրել Արարատ ... ՀԱՍԱՐԱԿՈՒԹՅՈՒՆ
Ին­չո՞ւ են վե­րա­դար­ձել դա­տարկ ճամպ­րուկ­նե­րով ՄԻՋԱԶԳԱՅԻՆ
Երևան, 25.Հունիս,
00
:
00
:
00
Փոխարժեք
478.65
$
560.79

ՀԱՊԿ երկրների կռիվը գլխավոր քարտուղարի պաշտոնի համար չէ. քաղաքագետ

Բելառուսն ու Ղազախստանը ՀԱՊԿ գլխավոր քարտուղարի պաշտոնի միջոցով ճնշում են գործադրում Հայաստանի վրա: Այս մասին Tert.am-ի հետ զրույցում ասաց քաղաքագետ Մանվել Սարգսյանը՝ խոսելով դեկտեմբերի 6-ին Սանկտ Պետերբուրգում կայանալիք ՀԱՊԿ գագաթնաժողովի մասին, որտեղ որոշվելու է, թե ով է լինելու ՀԱՊԿ հաջորդ գլխավոր քարտուղարը:

«Կռիվը պաշտոնի համար չէ: Կռիվը Հայաստանի նկատմամբ ցուցաբերված վերաբերմունքի պատճառով է: Բելառուսն ու Ղազախստանն այս պաշտոնի միջոցով փորձում են ճնշել Հայաստանին. այնպես չէ, որ իրենց համար շատ կարևոր է այդ պաշտոնը»,- ասաց Մ. Սարգսյանը:

Քաղաքագետն ասաց, որ երկրորդական է, թե ով կլինի ՀԱՊԿ գլխավոր քարտուղարը:

«Յուրի Խաչատուրովը որ ՀԱՊԿ գլխավոր քարտուղար էր, ի՞նչ է արել Հայաստանի համար առանձին վերցրած: Հայտարարություններ է արել, ելույթներ է ունեցել, բայց առանցքային ինչ-որ հարց չի լուծել»,- նշեց Մանվել Սարգսյանը:

Նա ասաց, որ Ռուսաստանն էլ Բելառուսի ու Ղազախստանի հետ խնդիրներ ունի: «ՀԱՊԿ-ն անվտանգությունը ապահովելու համար չէ, դա Ռուսաստանի համար շրջապատի երկրների վրա ազդեցություն տարածելու մեխանիզմ է: Ի վիճակի՞ է Հայաստանը սուվերեն դիրքորոշում ունենալ, կարծիք հայտնել: Սա է հարցը: Ի վիճակի՞ են Երևանում որոշումներ կայացնել: Եթե ի վիճակի են, ուրեմն առաջ ենք գնում, եթե ոչ, ուրեմն ոչ: Նախկինում ծպտուն չէին հանում, հիմա կտեսնենք՝ ինչ է կատարվում, ինչ է անելու ՀՀ իշխանությունը, կտեսնենք՝ փոփոխություն կա, թե ոչ»,- նշեց քաղաքագետը:

 

 

 

 

 

website by Sargssyan