Այսօր ահաբեկչության զոհերի հիշատակման եւ հարգանքի տուրք մատո... ՀԱՍԱՐԱԿՈՒԹՅՈՒՆ
Աշխատանք՝ հանուն «մաքուր» էներգիայի (Տեսանյութ) ՀԱՍԱՐԱԿՈՒԹՅՈՒՆ
2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
Երևան, 24.Օգոստոս,
00
:
00
:
00
Փոխարժեք
478.65
$
560.79

Ֆրանսիայի ԱԳՆ-ը դատապարտել է Իրանի կողմից միջին հեռահարության բալիստիկ հրթիռի փորձարկումը

 

Ֆրանսիայի արտաքին գործերի նախարարությունը դատապարտել է Իրանի Իսլամական Հանրապետության կողմից միջին հեռահարության բալիստիկ հրթիռի փորձարկումը՝ կատարված քայլն անվանելով սադրիչ ու առկա իրավիճակն ապակայունացնող, գրում է «РИА Новости» գործակալությունը:

«Ֆրանսիան մտահոգված է անցյալ շաբաթ օրը Իրանի կողմից միջին հեռահարության բալիստիկ հրթիռի արձակմամբ և դատապարտում այդ սադրիչ ու ապակայունացնող գործողությունները», - ասել է Ֆրանսիայի ԱԳՆ պաշտոնական ներկայացուցիչը հերթական ճեպազրույցի ժամանակ՝ կոչ անելով Իրանի անհապաղ դադարեցնել բալիստիկ հրթիռների հետ կապված բոլոր տեսակի գործողությունները:

Ֆրանսիայում նաև հիշեցրել են, որ Իրանի գործողությունները հակասում են ՄԱԿ-ի Անվտանգության խորհրդի՝ 2015 թվականին ընդունված բանաձևին: 

Շաբաթ ԱՄՆ պետքարտուղար Մայք Պոմպեոն հայտարարել է, որ Թեհրանը միջին հեռահարության բալիստիկ հրթիռի փորձարկում է իրականացրել՝ ի հեճուկս ՄԱԿ-ի ԱԽ-ի 2231 բանաձևի: Նա նշել է, որ խոսքը «միջին հեռահարության բալիստիկ հրթիռի մասին է, որն ունակ է մի քանի մարտագլխիկ կրել»:

2015 թվականի հուլիսի 20-ին ՄԱԿ-ի ԱԽ-ն ընդունել է 2231 բանաձևը, որը հավանության է արժանացնում իրանական միջուկային ծրագրի վերաբերյալ Գործողությունների համատեղ համապարփակ ծրագրի ընդունումը:

Հիշեցնենք, որ Իրանն ու միջազգային «միջնորդ վեցյակը» (ՌԴ, ԱՄՆ, Մեծ Բրիտանիա, Չինաստան, Ֆրանսիա և Գերմանիա) 2015-ին կնքել էին Իրանի միջուկային ծրագրի վերաբերյալ Գործողությունների համատեղ համապարփակ ծրագրի մասին համաձայնագիրը, որով չեղարկվում էին Իրանի դեմ սահմանված տնտեսական պատժամիջոցները, իսկ Իրանն էլ սահմանափակել է միջուկային փորձարկումները:

website by Sargssyan