Փաշինյանն ու Արցախի ղեկավարությունը՝ ծանր խնդրի առջև. «Փաստ» ՎԵՐԼՈՒԾԱԿԱՆ
Պետական ինստիտուտների արժեզրկման ճանապարհը. «Փաստ» ՔԱՂԱՔԱԿԱՆ
Ամենաշատը Գերմանիայից են «դեպորտ» արվում. «Փաստ» ՀԱՍԱՐԱԿՈՒԹՅՈՒՆ
Սկսվելու է հետհաշվարկը. ե՞րբ կառաջանա բալանսավորված քաղաքակա... ՔԱՂԱՔԱԿԱՆ
ՊՆ–ում որոշել են հրաժարվել Բանակի օրվա համերգից. միայն եկող ... ՀԱՐՑԱԶՐՈՒՅՑ
Երևան, 15.Դեկտեմբեր,
00
:
00
:
00
Փոխարժեք
478.65
$
560.79
Քաղաքաշինության կոմիտեի նախագահը Գյումրիում անդրադարձել է ոչ հիմնական շինությունների խնդրին Աստղաբաշխական գներ չեն տրվել, հենց հանրության պահանջն էր, որ ունենանք նոր տոնածառ. Հայկ Մարության ԱՀ նախագահ Բակո Սահակյանը ընդունել է ՀՅԴ Բյուրոյի ներկայացուցիչ Հրանտ Մարգարյանին Ստրասբուրգում ահաբեկչության զոհերի թիվը հասել է 4-ի Պետք է առաջ գան ազգային, պետական, հանրային նպատակները և ի վերջո պետք է տեղի ունենա ծառայություն հանուն այդ նպատակների. Նիկոլ Փաշինյանը հանդիպել է Գարեգին Բ-ի հետ «Ի՞նչ, որտե՞ղ, ե՞րբ» հաղորդաշարն այսուհետ եթեր կարձակվի բացառապես հայերեն. Արայիկ Հարությունյան Հայտնի է Եվրոպա լիգայի շաբաթվա լավագույն ֆուտբոլիստը Նիկոլ Փաշինյանը հեռախոսազրույց է ունեցել Ջասթին Թրյուդոյի հետ Հայկ Մարությանի հավաստմամբ՝ քաղաքապետարանը դադարեցրել է կենդանիների սպանդի ամոթալի գործելաոճը Աննա Հակոբյանը շվեյցարական կլինիկայի հետ համագործակցության ուղիներն է քննարկել Հաաստանում չկա այլեւս գեթ մեկ մարդ, ում համար գաղտնիք լինի, թե ով է իրականում «Լուսավոր Հայաստան» կուսակցության ոսկե հովանավորը. Տիգրան Ուրիխանյան Ստեփանծմինդա – Լարս ավտոճանապարհը բաց է միայն թեթև մարդատար տրանսպորտային միջոցների համար Այս երիտասարդը, բնականաբար, դեռ քաղաքական գաճաճ է ու չի վստահել իրեն անդրադառնալու պատիվը. Վահե Էնֆիաջյանը՝ Գ.Գորգիսյանի մասին «Իմ բիզնեսը, Իմ բանկը»․ գործընկերության իրական ձևաչափ ԼՂ հակամարտության խաղաղ կարգավորումը շարունակում է մնալ Հայաստանի գլխավոր առաջնահերթությունը. Նիկոլ Փաշինյան Հռոմում անցկացվեց «Հայոց ցեղասպանության հիշողություն և ցեղասպանությունների կանխարգելում» խորագրով համաժողովը Գեղամ Գևորգյանը փոքր և միջին ջերմոցային տնտեսությունների ներկայացուցիչների հետ քննարկել է ոլորտում առկա խնդիրները և զարգացման ուղիները Ադրբեջանը Հայաստանի հետ սահմանի Ղազախի և Աղստևի հատվածում ԶՈՒ-ն կփոխարինի սահմանապահներով Ալեքսանդր Լուկաշենկոն պատմել է ԵԱՏՄ վերջին գագաթնաժողովում բանավեճի և Նիկոլ Փաշինյանից ներողություն խնդրելու մասին Հիմնանորոգվում է Վերին Գետաշենի թիվ1 միջնակարգ դպրոցի վնասված տանիքը

«Քաղաքացի–ոստիկան հարաբերություններն ավելի հասկանալի պիտի լինեն». «Փաստ»

«Փաստ» օրաթերթը գրում է.

«Վարորդի ընկեր» իրավապաշտպան հ/կ–ն, որն ավելի վաղ ընդգրկվել էր ՀՀ ոստիկանության պետին կից հասարակական խորհրդում, ստանձնել է խորհրդի Ճանապարհային երթևեկության անվտանգության և ոստիկանության արտաքին ծառայության մշտադիտարկման հանձնաժողովի նախագահությունը:

Հ/կ փոխնախագահ Դավիթ Պեդանյանի հետ զրուցել ենք այդ համագործակցությունից ակնկալվող և արդեն առկա արդյունքների, քաղաքացիների բողոքները, առաջարկները լսելի դարձնելու հնարավոր մեխանիզմների մասին: Նա նախ ընդգծեց, որ քաղաքացիների հետ անընդհատ կապի համար ստեղծվել է ֆեյսբուքյան էջ, որը ոչ միայն իրենց հանձնաժողովի, այլ ամբողջ հասարակական խորհրդին է վերաբերում:

«Չնայած, որ համակարգողը մեր հանձնաժողովն է, բայց բողոքը կամ առաջարկը, կապված թեմատիկայի հետ, ուղղում ենք այլ հանձնաժողովներ: Մենք համագործակցում ենք ոլորտի պատասխանատու գերատեսչությունների, այդ թվում՝ ՃՈ–ի հետ: Վերջին երեք ամսվա մեջ արդեն երրորդ միջոցառումն ենք կազմակերպում, որում ներգրավված է նաև ՃՈ–ն: Առաջիկայում էլ «սեփական փորձով» միջոցառումն է. կան քաղաքացիներ, որոնք կասկած կամ անվստահություն են հայտնում ՃՈ ծառայության վերաբերյալ. նրանց համար կազմակերպելու ենք հանդիպում: Եվ այն չի լինելու նախապես պայմանավորվածությունների արդյունքում: Բացառելու ենք այն հնարավոր տարբերակը, որ ՃՈ տեսուչը կարող է տեղյակ լինել այդ մասին, պատրաստվել, ըստ որի էլ՝ իրեն կարող է այլ կերպ դրսևորել»,–ասաց նա՝ թվարկելով այն բոլոր աշխատանքները, որոնց քաղաքացին կարող է ականատես լինել: 

«Քաղաքացիները հնարավորություն կունենան ներկա գտնվել, օրինակ, շրջիկ ծառայության, ստուգայցերի, պատահարների ժամանակ իրականացվող աշխատանքներին, ինչպես նաև՝ տեսանկարահանող սարքերի միջոցով արձանագրվող խախտումների հետազոտությունների ու ապացույցների հավաքագրման, տուգանքի որոշման գործընթացին»,–նշեց նա:

Դավիթ Պեդանյանի խոսքով՝ միջոցառումը երկու նպատակ ունի: «Այս շրջանում մեր հանձնաժողովը վերահսկողություն է իրականացնում, ըստ որի՝ տեսնում ենք ՃՈ աշխատանքի ծավալը, որակը: Ուզում ենք քաղաքացիներին ևս հասցնել այդ տեղեկատվությունը, որ իրենք սեփական փորձով գնահատեն, թե ինչպե՞ս են աշխատում ՃՈ աշխատակիցները, որքանո՞վ են օբյեկտիվ, քաղաքականացվա՞ծ են, թե՞ ոչ: Տարբեր ոլորտների ներկայացուցիչների ևս հրավիրելու ենք, որ տեսնեն և կիսվեն իրենց առարկություններով, ինչպես նաև՝ լավ առաջարկներով: Իսկ երկրորդ նպատակն այն է, որ ճանապարհային ոստիկաններն ավելի զգոն լինեն ու հաշվի առնեն, որ ցանկացած պահի կարող են ստուգայց կատարել հենց քաղաքացիները»,–շեշտեց նա:

Բացի պետական կառույց– հ/կ–ներ – քաղաքացի կապ ստեղծելու և այն ամրապնդելու գործառույթից, Դ. Պեդանյանը մեկ այլ հանգամանք էլ է ավելացնում. «Ընդհանրապես, հասարակական խորհրդի նպատակներից մեկն այն է, որ քաղաքացի–ոստիկան հարաբերություններն ավելի հասկանալի լինեն, իսկ վստահությունն ավելի բարձր մակարդակի վրա լինի: Ինչ վերաբերում է հ/կ–պետական կառույց հարաբերություններին, կարող ենք ասել, որ, համենայն դեպս, մեր ոլորտում այդ կարծրատիպն արդեն կոտրվել է: Եթե ինչ–որ քաղաքացի այսօր ասի, որ իր բողոքը տեղ չի հասել, ես, որպես այդ հանձնաժողովի համակարգող, անձամբ այդ հարցով կզբաղվեմ: Նաև կարող եմ վստահ ասել, որ այս միջոցառման շրջանակներում ցանկացած քաղաքացի կարող է իր բողոքի ընթացքին հետևել»:

Դավիթ Պեդանյանը կարևորեց նաև իրազեկման այն գործառույթը, որի իրագործումն իրենք են ստանձնելու. «Մեզ մոտ խնդիր կա. վարորդների մեծ մասը ոչնչից տեղյակ չէ, սկսած բողոքարկման պարզագույն գործընթացից: Վերջին տարիներին մեր հ/կ գործունեության արդյունքում ինչ–որ չափով շտկվել է այդ իրավիճակը, բայց դեռ բավականին տեղ ունենք շտկելու, դրա համար իրազեկման նպատակ ենք հետապնդում»:

Իսկ թե համագործակցությունն ի՞նչ կտա երթևեկության գլոբալ խնդիրների լուծման առումով, մեր զրուցակիցը շեշտեց. «Եթե համագործակցության արդյունքում զգալի փոփոխություն չեղավ, ուրեմն այս ամենն անիմաստ է, իսկ մենք՝ «պարապ մարդիկ»… Իրականում նպատակն այն է, որ զգալի բարեփոխումներ լինեն թե՛ երթևեկության որակի, թե՛ անվտանգության մակարդակի բարձրացման առումով: Առաջիկայում սպասվում է միջգերատեսչական հանդիպում, որին ներկա են լինելու ՃՈ ոստիկաններ, ոստիկանության, տրանսպորտի և կապի նախարարության, քաղաքապետարանի, «ԱՊՊԱ բյուրո»–ի ներկայացուցիչներ: Մեծ հաշվով՝ երթևեկությանն առնչվող բոլոր ներկայացուցիչների համատեղ ջանքերով մենք մի քանի խնդիր ունենք լուծելու, որոնցից առաջինը խցանումներն են: Մեքենաների թիվն անընդհատ աճում է, իսկ այս տեմպը շարունակելու դեպքում ինչ–որ ժամանակ հետո Երևանը մի մեծ խցանում է դառնալու: Այդ պատճառով նպատակ ունենք խնդիրները գլոբալ առումով լուծել երթևեկությանն առնչվող բոլոր գերատեսչությունների հետ համատեղ: Մեր խնդիրը ոչ թե ժամանակավոր կամ միջանկյալ, այլ վերջնական լուծումներ գտնելն է»:

Դավիթ Պեդանյանը քաղաքացիներին վստահեցնում է. «Կարող են գրել նաև մեր ֆեյսբուքյան էջին՝ վստահ լինելով, որ ցանկացած հարց ընթացք կստանա: Խորհրդի, հանձնաժողովի անդամն անձամբ է հետևելու, որ հարցը լուծում ստանա: Նախատեսվում են նաև քաղաքացիների ընդունելության օրեր»: ԻՀԿ փոխնախագահը նաև շեշտեց, որ իրենք պարզապես հասարակական գործիչներ են, և իրենց հետ շփումը դեռևս ոստիկանության հետ շփում չի ենթադրում:

Մանրամասները՝ «Փաստ» օրաթերթի այսօրվա համարում

 
website by Sargssyan